المساعد الشخصي الرقمي

مشاهدة النسخة كاملة : وحشتيني يابيبي



أنين الألم
18-03-2011, 04:23 AM
http://files.mothhelah.com/img/GX214916.bmp (http://files.mothhelah.com/)

في حياتنا الآن
بات الشباب يردد على مسامع الفتيات كلمات لا تستطيع هي ان تسمعها بل وترفض ذلك

ولكنها

لا تستطيع التفوه إما خجلا من طبيعة الموقف او خجلا من انها تضعه في مثل هذا الموقف
وهو بالنسبه اليها صديق ولكن مهما وصلت درجات الصداقه .. ارى ان هناك كلمات لاتقال لاي بنت ولا تستطيع الصديقه ان تسمعها مثل وحشتيني او غيرها من الكلام سواء كان ذلك في الواقع ام في النت ام غير ذلك

http://files.mothhelah.com/img/0Wp14916.gif (http://files.mothhelah.com/)

يالها من ظاهرة سيئه وياليتها تنتهي

http://files.mothhelah.com/img/0Wp14916.gif (http://files.mothhelah.com/)

اظن ان هناك حدود وفواصل يجب الا نتخطاها ومن رؤيتي ان الغالبية العظمى قد نست وتناست مثل هذه الحدود بل وتخطت الكثير منها
فما رايكم بهذه الحدود وما رايكم في تخطيها وماهو الصواب من وجهة نظركم؟؟

http://files.mothhelah.com/img/0Wp14916.gif (http://files.mothhelah.com/)

دمتم بحب
أنين الألم ..

((بقلمي))

sithory
18-03-2011, 04:45 AM
موضوع حلو أوى يا روكا
والإسم جميل ويشد
ويسعدنى أكيد إنى أكون أول رد عليكى


وحشتينى وكل الكلام اللى على الشاكلة ديه لا يصح إطلاقا له أن يقولها لها
لأنه بذلك يكون قد تخطى حدوده ونساها بالفعل ونسى أيضا أننا لسنا فى الغرب

وإذا أخذت البنت طريق الصمت فأرى أنها قد أخطأت لان مثل ذلك يجب عليكى الرد عليهم
فتركهم يفتح لهم الباب أكثر وأكثر ولن يشعر قط بأن هذا يضايقك بل سيظن أنه لا يوجد أى غلط بيصدر منه

بقينا فى زمن يا روكا إنعدمت فيه الأخلاق وظهر عدم الإحترام
وأرى أن من يقول ذلك بيدل تلقائيا على فقده للإحترام
فحقا من كان محترما لا يفعل أبدا شيئا يهينه

وفى النهاية أرى أن البنت هى المسؤلة الأساسية لفعله ذلك فهى من سمحت له
ولم توقفه وإذا أرادت أن تنهى هذا فلابد إذا من مواجهته وإخباره بالرفض


موضوع هايل يا قمر
وشرفنى فعلا إنى أتواجد فيه وأشارك معاكى

حامل المسك
18-03-2011, 03:12 PM
ده بيرجع على اخلاق البنت من الاول
وبعدين دلوقتى بقت عادى كلمة وحشتنى دى
فى الايام الى احنا فيها

Don't play with me
18-03-2011, 04:17 PM
اولا تسلم ايدك ياروكا ع الموضوع الجميل دايما متميزه
ثانيا الموضوع ده بيرجع فعلاا لأخلاق البنت وتربيتها
وطبعاا لأخلاق الشاب سواء كانو اصدقاء او حبيبها
فو الله لا اريد استكمال ردى لانه سيضايق الكثير
وانى لا اريد ان اضايق احداا منى
ولكن نصيحه والله العظيم من اخ
لا اريد قولها صريحه ولكن اتقوا الله
و خذو حذركم
اتمنى ان لا احداا ان يأخذ الكلام على عاتقه

وشكرااا لكى رقيه على هذا الموضوع الهادف والرائع
دااااااااااام تميزك

أنين الألم
18-03-2011, 04:29 PM
موضوع حلو أوى يا روكا
والإسم جميل ويشد
ويسعدنى أكيد إنى أكون أول رد عليكى
انا الي يسعدني وبنول الشرف بردك عليا ياحبي :*

وحشتينى وكل الكلام اللى على الشاكلة ديه لا يصح إطلاقا له أن يقولها لها
لأنه بذلك يكون قد تخطى حدوده ونساها بالفعل ونسى أيضا أننا لسنا فى الغرب

فعلا ..

وإذا أخذت البنت طريق الصمت فأرى أنها قد أخطأت لان مثل ذلك يجب عليكى الرد عليهم
فتركهم يفتح لهم الباب أكثر وأكثر ولن يشعر قط بأن هذا يضايقك بل سيظن أنه لا يوجد أى غلط بيصدر منه

عندك حق وده غلط بنقع فيه كتير اننا بنسكت او نغير مجرى الكلام ..

بقينا فى زمن يا روكا إنعدمت فيه الأخلاق وظهر عدم الإحترام
وأرى أن من يقول ذلك بيدل تلقائيا على فقده للإحترام
فحقا من كان محترما لا يفعل أبدا شيئا يهينه


وفى النهاية أرى أن البنت هى المسؤلة الأساسية لفعله ذلك فهى من سمحت له
ولم توقفه وإذا أرادت أن تنهى هذا فلابد إذا من مواجهته وإخباره بالرفض


عندك حق .. لان الصمت مش بيجيب نتيجه
غير انه بيوضح انه شئ عادي عندها
وعلى راي مثل السكوت علامة الرضا
مع انه مش رضا بس بتتشاف من المنظور ده
غلطه كبيرة جدا بترتكبها الي بتسكت على ده

موضوع هايل يا قمر
وشرفنى فعلا إنى أتواجد فيه وأشارك معاكى

وجودك هوا الي هايل
واكيد الشرف ليا
نورتيني يا احلى اخت بالكون
:SugarwareZ-223::SugarwareZ-223:

أنين الألم
18-03-2011, 04:31 PM
السلام عليكم و رحمة الله و بركاته
وعليكم السلام ورحمة الله وبركاته ..

موضوع جميل طبعا يا رقية

بس بصي هو تلخيصه في نقطة واحدة

كله متوقف على البنت

هي اللي بتقدر تحط حدود مع اللي قدامها

و بتخليه ميقدرش حتى يفكر يتخطاها

عشان ميوصلش معاها لدرجة انه يقولها وحشتيني و بحبك و الكلام دا

كله متوقف على البنت و احترامها لذاتها و للي حواليها

بتجبرهم انهم يحترموها و يحطوا خطوط حمراء في التعامل معاها

تسلمي يا حبيبتي

موضوع جميل يا رقية

مش البنت بس يازينب
سعات البنت بتبقى محترمه لذاتها وبرده ناس بتتخطى
الموضوع راجع للولد زي البنت
انه ازاي سمح لنفسه يقول كده
مهما كانت البنت
لازم يكون كل انسان له فعل ورد فعل
ولازم يبقى له شخصيه
مش تتبني على قبول ورفض الي قدامه

نورتي ياوزة :*

أنين الألم
18-03-2011, 04:35 PM
ده بيرجع على اخلاق البنت من الاول
وبعدين دلوقتى بقت عادى كلمة وحشتنى دى
فى الايام الى احنا فيها


لا مش البنت
شوف الرد الي قبلك


في الايام الي احنا فيها

اظن احنا المفروض نلتزم بشئ تاني غير الايام
في سهوات وغفوات
بس اننا نوصل ان ده عادي
يبقى بصراحه كبرت اوي منا
ربنا يهدينا ويهديني ويهدي الجميع يارب

أنين الألم
18-03-2011, 04:47 PM
اولا تسلم ايدك ياروكا ع الموضوع الجميل دايما متميزه
تسلم يارب يا رمضان لزوقك ..

ثانيا الموضوع ده بيرجع فعلاا لأخلاق البنت وتربيتها
وطبعاا لأخلاق الشاب سواء كانو اصدقاء او حبيبها

اكيد لاخلاق الاتنين
لان يعتبر الاتنين مشتركين
البنت لصمتها واستمرارها على وضع الصمت
والشاب لتخطيه الحدود الي المفروض تكون موجوده
وواضحه قدام عينه بما انه شخص مسلم
وله اخت وعارف ايه ممكن يدايقه او اتوجهت له الاخت دي

فو الله لا اريد استكمال ردى لانه سيضايق الكثير
وانى لا اريد ان اضايق احداا منى
ولكن نصيحه والله العظيم من اخ
لا اريد قولها صريحه ولكن اتقوا الله
و خذو حذركم
اتمنى ان لا احداا ان يأخذ الكلام على عاتقه

عندك حق لازم ناخد حذرنا
لو تاملنا اية " يايها الذين امنوا لاتتبعوا خطوات الشيطان .."
هنلاقي ان بدا الكلام مع شاب او بدا الولد الكلام مع بنت
ده خطوة من خطواته
وهنحاول نتجنب الكلام اساسا
اما بقى احنا معرفش في ايه
بس بقى عادي وهزار انا مش بجيبها لحد
الكلام على وجه العموم ولنفسي اولا ..

وشكرااا لكى رقيه على هذا الموضوع الهادف والرائع
دااااااااااام تميزك

شكرا ليك يارمضان
نورتني بجد
وتسلم على تواجدك
واحنا هنا لطرح الاراء والتناقش بشكل راقي
والخلاف فالراي ما اظنش ممكن يزعل حد

bondok
18-03-2011, 05:48 PM
تسلم ايديكي يا روكا عـ الكلام والموضوع،،

وانا وجهه نظر ان الموضوع نفسه يختلف من والي،،
يعني مش هنقدر نقول ان دي بقت لغه انهارده،،
ولا نقدر نقول ان اما حد يقولها بالمعني اللي يقصده هو .. يبقي اجرم،،

وانا ضد خلط الموضوع ده او الكلمه دي بالاخلاق .. سواء اخلاق البنت او اخلاق الولد،،

يعني بيحصل وبتتقال وانا عن نفسي ساعات بقولها،،
لكن مش شرط المعني المقصود .. يكون المعني المندرج تحت مسمي وحشتيني،،

ممكن اختلاف طبيعه .. او اختلاف تربيه .. لكن مش شرط انها تكون انعدام تربيه مثلا،،

أنين الألم
18-03-2011, 06:16 PM
مش انعدام ياحسام
بس مهما كانت المقصود بيها
غير لائقه خالص من ولد لبنت
ومش حاجه عاديه
قارنها ب لو بنت مخطوبه
او انت خطبت بما انها عادي
هتقبل تسمع وحشتيني من واحد ليها؟؟
(خد بالك انه لما يقولها كده مش هاتكون بمعناها هاتكون زى المعانى المدرجة تحتها اللى انت قولت عليها)
هتقبل اصلا انها تكلم غيرك؟

حامل المسك
18-03-2011, 07:15 PM
لا مش البنت
شوف الرد الي قبلك


في الايام الي احنا فيها

اظن احنا المفروض نلتزم بشئ تاني غير الايام
في سهوات وغفوات
بس اننا نوصل ان ده عادي
يبقى بصراحه كبرت اوي منا
ربنا يهدينا ويهديني ويهدي الجميع يارب


خلينا نتكلم بمنهة الصراحة بعد عن كدب النت وافكار النت
لو حبيبك او خطيبك قال ليكى وحشتنى مش هتردى عليه وتقوله انت اكتر طبعا ياحبيبى
او بحبك طبعا هتقولى مش اكتر منى دا انا بموت فيك
وحاجات تانيه كتير بس؟؟؟؟

أنين الألم
18-03-2011, 08:05 PM
كلامك معناه انك بتقول بصراحة ان ده راجع لاخلاق البنات
لكن
انت نسيت ان الولد هو اول من يبدأ وهو اللى قالها بحبك ووضعها فى موقف محرج
وعدم ردها عليه لا يعنى فقدانها لاخلاقها
بل ع العكس هى تنتظر منه ان يشعر ويعرف بان هناك خطأ حدث ويجب عليه تصليحه
الكلمة ليست سهلة كما يظن الناس بل هى كلمة كبيرة ولها حدودها
ويجب على كل من البنات والولاد ان يوضعوا حدود لذلك حتى لا تتسرب الافكار السيئة الينا

حامل المسك
18-03-2011, 10:49 PM
كده تقوله مش رومنسى ولاد دمه تقيل
ومش بيسئل وى وى وى ؟؟؟؟؟؟؟
وبعدين الرد اتعدل

أنين الألم
19-03-2011, 02:31 AM
لا مش شرط تقله كده لانها عارفه حدوده وحدودها فين
وع فكرة مضمون كلامي متعدلش منه حرف
الرد هوا هوا

sithory
19-03-2011, 03:45 AM
كده تقوله مش رومنسى ولاد دمه تقيل
ومش بيسئل وى وى وى ؟؟؟؟؟؟؟
وبعدين الرد اتعدل





بسم الله الرحمن الرحيم

أسمحلى أعلق على كلامك
حينما توضع الحدود هل سيفقد هذا الوجود الطيب بينهم فى نظرك ؟!!
أرى أنك تنظر للموضوع نظرة خاطئة فكنت فى البداية تقول أن السبب الأول والأخير على البنت
وحينما قالت لك رقية لا بد من وضع حدود للشباب والبنات قلت لها ستقول أن دمه ثقيل وى وى وى
أرى حقا تناقض هل تحث البنات على الحفاظ على الأخلاق أم تخبرهم بطريقة غير مباشرة لأخذ الطريق المخالف !

يا أخى نحن نتكلم هنا عن الأخلاق وليس الرومانسية ,, نتكلم عن مراعاة الله فى كلامك معاهم ,, ضع الله أمام نظرك ستحفظ نفسك
فلكى لا يحصل أى ضرر لابد من الحفاظ على الحدود بينهم حتى يصلوا لصداقة ناجحة

وأيضا ليست البنات مثل بعضها فالقلة جدا قد تنظر إليه بأنه ذو دم ثقيل وهذه الفئة هم الفارغين من الداخل
لكن الكثرة تحترم الناس التى لم يتعدوا حدودهم معاهم مثلما هم أيضا راعوا حدودهم مع الغير

أنين الألم
19-03-2011, 05:41 AM
معاكي جدا ياهنا
منورراني ياحبي :*

أنين الألم
20-03-2011, 12:43 PM
هههههههههه
عارفاها الي فمحافظة معرفش ايه دي هههههه
نورتيني يازوزو
وفعلا معاكي حق
:SugarwareZ-223:

رزة
22-03-2011, 12:34 AM
البنت هى الاساس وهى اللى بتجبر اللى قدمها على احترامها وهى اللى بتحط حدود المعاملة

أنين الألم
22-03-2011, 12:31 PM
مش دايما بتكون الاساس على فكرة
وممكن تجبره لابعد حد
وهوا الي تجي منه تمادي
سعات البنت مبتقدرش تحرج الي قدامها
بسس منكرش ان ليها ايد فده
لانها لازم تعمل خطوط
محدش يقرب منها
نوريتيني يارزة

المهاجر
07-05-2011, 11:54 AM
السلام عليكم

ممكن يكون ردى جه متأخر شويه لقله تواجدى

ويمكن رأيى يخلى كتير ينتقدنى


بس هو يعنى ايه وحشتينى نوع من الافتقاد اعتقد انها ولا عيب ولا حرام

انا ليا اصدقاء من سنين بنات وبقولهم وحشتينى

كلكو مسكتو ف اخلاق البنت والولد واللى يصح واللى ميصحش

نسيتو اهم حاجه الاساس اللى تقال عليه الكلمه والمراد منها والمقصود بيها

هل ياترى مقصود بيها التلوين من الاحمر للابيض ولا المقصود بيها افتقاد صديق فعلا

لا متبصوش للموضوع نظره سطحيه بصو للعمق بتاعه والله لو الانسانه دى حست ان الكلمه دى متصحش من الواد لانها عارفه ان معناها مش ف موضعه هتقولهاله صريحه او هتبينله ده بالفعل تحسسو بيها ولو محسش تصدمو بيها ف وشه

واخر كلامى ان كلمه وحشتينى كلمه من قاموس الكلمات المباحه مش الكلمات المحرمه وكل يأخذها على حسب المقصود وليس المظهر العام لها


تقبلو رأيى

المهاجرررررررررر

رقة الندى
08-05-2011, 02:08 PM
تسلم ايديكي يا روكا عـ الكلام والموضوع،،

وانا وجهه نظر ان الموضوع نفسه يختلف من والي،،
يعني مش هنقدر نقول ان دي بقت لغه انهارده،،
ولا نقدر نقول ان اما حد يقولها بالمعني اللي يقصده هو .. يبقي اجرم،،

وانا ضد خلط الموضوع ده او الكلمه دي بالاخلاق .. سواء اخلاق البنت او اخلاق الولد،،

يعني بيحصل وبتتقال وانا عن نفسي ساعات بقولها،،
لكن مش شرط المعني المقصود .. يكون المعني المندرج تحت مسمي وحشتيني،،

ممكن اختلاف طبيعه .. او اختلاف تربيه .. لكن مش شرط انها تكون انعدام تربيه مثلا،،


سلام عليكم
نايس توبك ياروكا
الفكرة حلوةة بجد
لكن مش متفقه معاكى انتى جملتى واغلب اللى ردو دخلو كل حاجه فى بعض
انا متفقه جدا مع رد حسام ماهو انا وحشتينى دى كلمة من ضمن مشاعر انتى بتكنيها لشخص ما والاشخاص دول بيتعددو فى حياتك صديق اخ قريب حبيب وطبعا كل واحد فيهم بيبقا عارف انتى بتقولى وحشتنى دى ليه وقبلها عارفك انتى نفسك دا بلنسبه للصديق او الحبيب
مش شيفاها عيب او حرام بس للى يفهمك وعارفك مش اى حد يغيب عنا يومين نجرى عليه ونقوله وحشتنا لمجرد الكلمه اللى لو اتقالت للحد الغلط ممكن خياله يهيئله بيها اى شئ

وانا من مكانى هذا يااخت روكا بقول لكل الناس اللى هنا وحشتووووووووونى ووحشتنى كتباتكم واقلامكم الجميله
دام ابداعك ياقمرى

Green
17-10-2011, 04:00 PM
كل بنت هى الى تقدر تحط خط احمر وتحدد صلاحيات الى بيكلمها ولو اتعداها تقدر توقف الى قدامها المهم هى عاوزه ايه