نعم للتعديلات الدستوريه

[Don't play with me]

http://www.1eman.com/files/1_21231678223.gif


إخواني وأخواتي فى اجدع صحاب والله اني احبكم فى الله

لقد مر على مصر الحبيبه فى الفتره السابقة احداث مؤسفه

من ظلم ورشوه وفساد وفتن ومغالا وامراض كثيره

ولاكن صدقونى ان الله لا يغير ما بقوم حتى يغيرو ما بانفسهم

حينما اجتمع المسلمون يد واحده داخل ميدان التحرير واقاموا الصلاه

وقتها تم الصلاح والتحري من الظلم حينما اتجهوا الناس الى الله

وهبنا الله الخلاص والحريه فالان بعض العلمانين يريدون عرقلة تلك النصره

من الله عز وجل ممكن اعرف ليه نقول (لا) ولا لاننا كنا محرومين من كلمة لا

فلابد ان نرددها لالالالالالالالالا قل نعم من اجل وطنك قل نعم من اجل دينك العلمانين يريدون

ان ننساق الى الاتجاه الخاطىء على حد قولهم الحريه اتعلمون ما هى الحريه التى يريدونها

هى ان لا يطبق الشرع وان يسود الانحلال مثل الدول الاوربيه من يريد ان يفعل الفحشاء فى الطرقات لا يسئله احد

هذه هى الحريه التى يريدونها خلص ضميرك وكون إجابياً لمره واحده شارك وانصر دينك وقل نــــعـــم

نعم الاسلام هو الحل

نعم للأخلاق والسلوك الاسلامى

نعم للاستقرار وتيسير البلاد على النهج الصحيح

وجدتم احبابى فى الفضئيات كل من قالو لا شخصيات علمانيه إما شارب خمر او راقصه او مُنحله

او مستهزء بالاسلام او ممثلون لماذا بالاخص الذين يقولون لا هم هؤلاء

لماذا الاخوان المسلمون قالو نعم

لماذا الشيخ محمد حسان قال نعم

لماذا كل الشيوخ والدعاه قالو نعم

مع العلم ان عمرو خالد ليس بداعيه بل هو مجتهد ومسىء للاسلام والمسلمون

اقبلو يا اخوانى وطبقوا شرع الله وقولو نعم حتى يكسر شوكة الاقباط الذين من ورائهم اميركا لتدعيمهم

نحن يدعمنا الله من فوق سبع سماوت وان تنصروا الله ينصركم ويثبت اقدامكم صدق الله العظيم

اللهم فشهد بأنى قلت نعم اللهم انصر الاسلام واعز المسلمين

اللهم انصر الاسلام واعز المسلمين

[♥ρėŧŧу ςαŧ♥]

نعم يا رمضان
كفايه فوضى بقى
حال البلد واقف
والدستور دا لفتره انتقاليه
ولما يجى الرئيس الجديد يبقى يعمل دستور جديد
لان فيه وقت زمنى لكل حاجه ولازم يبقى فيه صبر

[s_a]

اكيد احنا عايزين تعديل الدستور

امال احنا عملنا الثورة دى ليه؟؟؟

عملناها عشان ناخد حقوقنا كاملة

تسلم ايديك واكيد هنقول (نعم للتعديلات الدستورية )

[bondok]

بص يا رمضان .. هو بغض النظر عن اي شيء،،
مبقاش حد تابع لحد دلوقتي،،
ولا حد هيقول اه ولا لا علشان حد بيقول كده،،

كلنا عندنا عقل .. والصغير والكبير دلوقتي بقي فاهم كل شيء،،

هنقول نعم لان ده الصح،،
هنقول نعم علشان نقف ضد اللي عاوزينها دايما خربانه،،

وان شاء الله نعم تسود وتتسيد بكرة،،

[banota]

بلاش نقول بس ان اللى يقول لا يبقى غرضه خراب البلد وخلاص

كلنا مصريين اوووووووووووى بس الفرق ان كل واحدد ليه وجهه نظره

وليه عمرو خالد اساء للاسلام ؟؟؟؟؟؟

اللى قال لا ليه رايه واللى قال نعم ليه رايه

وبعدين الثوره قامت للتغيير وليس التعديل

[MR. PrESIdEnt]

لااااااااااا والف لاااااااااااا

لو اللي بيقول نعم موافق بصلاحيات الرئيس زي ما هي في الدستور الاعرج اياه
يبقى يجهز نفسه من الوقتي علشان يبقى عبد من جديد للرئيس القادم
بحكم الدستور واي رئيس جاي هايبقى ديكتاتور غصب عنه وبحكم الدستور

الاهم بقى
ان المستفيد من الترقيعات الحالية طرفان
بقايا الحزب الوطني والاخوان المسلمين

لو عاوزين مجلس الشعب يبقوا الصنفين دول
يبقى نعم للدستور

ثورة = دستور جديد
دستور جديد = صالح البلد والمواطنين

مش خراب للبلد زي ما بتقولوا

وفي الاخر كل واحد حر في رأيه بدون تجريح

[النجار5000]

مش موافق على التعديلات طبعا

[MR.KaSseM]

هو انا راى نعم لان كدة كدة الموااااد اللى اتغيرت كفايا انها تمشى عجلة البلد لحد الانتخابات الرئاسية والبرلمانية القادمة ولما يجى رئيس جديد فى نص دستورى بيلزمه ان يعمل دستور جديد فى خلال ست شهور وانا شايف ان كل المواد اللى كنا بنطلب بتغييرها قبل الثورة اتغيرت وزيادة .....................المهم دلوقتى ان كل واحد يحترم الراى اللى يكسب ومش معنى انك قولت نعم انك بتحب البلد او العكس المهم انك تكون شاركت اللى مارحش هو ده اللى غلط مش اللى راح وقال رايه

[حامل المسك]

مش موافق على التعديلات طبعا
علشان انت متعرفش ان اخر بند مكتوي فيه ان الدستور موقت يعنى لحد ما نتخب رئيس للجمهوريه
وطبعا احنا لو قولنا لا نبقى احنا الى بنخرب البلد بدينا
واقتصاد البلد لو انضرب كمان مره
بيقنا زاى اليابان

[bondok]

انا مش عارف بجد كل اللي ماسك فـ صلاحيات الرئيس،،

اولا الرئيس اللي هييجي ده .. هييجي من غير صلاحيات اصلا،،
لان اولا في الزام بعمل دستور جديد،،

وفيها اكيد هيتعدل كتير اوى من صلاحيات الرئيس،،
اللي كله بيتكلم عليها .. وبقت هيا المصيبه اللي هتحط علينا،،

وبعدين مش شرط اللي قال لا انه مش فاهم او انه عاوز خراب البلد،،
لكن الناس المهمه اللي ليها دور فـ البلد اللي قالت لا،،

سلمولي عليها نفر نفر :d

[BECKHAM]

http://i1206.photobucket.com/albums/bb447/TeeFa89/197159_10150128240330073_598125072_6698977_2742565 _n.jpg

[Don't play with me]

شكرااا ياجماعه على مروركم الغالى
نورتونى والله وكل واحد طبعاا له حريه فى الرأي
وانا عن نفسى نزلت النهارده وقولت نعم والف نعم
انا اول مره فى حياتى اهتم وانزل اقول رأيى
انا شايف ان ده فى مصلحتنا
نورتونى والله بمروركم الغالى

[♥ρėŧŧу ςαŧ♥]

للأسف احنا كنا فاهمين غلط
انا نفسى كنت فاهمه غلط لحد امبارح
اللى قال لا هو الصح
وانا اقتنعت تماما بكده الحمد لله
لااااااااااااااااااااا هى الصح
واسفه انى كنت فاهمه غلط
الثورة للتغيييييييييير
التعديل دا فى صالح فئه معينه ومعروفين
واكيد لا والف لا

[Mr.Mahdy]

الاخ المستعين بالله

برغم اننا تقريبا ف موضوع شبه محسوم مع ظهور بشاير الموضوع


بس اسمحلي اقول لحضرتك انك ربطت ربط غريب بين اللي قالوا لا وبين انهم يا اتباع علمانيين

يا اتباع رقاصات
وعلى فكرة انا لا بتفرج على فضائيات ولا سمعت راي رقاصات ولا سمعت راي شارب الخمر ولا اي حاجه من اللي قلته
تشبيهك مرفوض شكلا وموضعا مع كامل احترامي لميولك واختيارك ومش هخش معاك ف جدال ليه لا

لان ف النهايه الموضوع اولا اصبح منتهي بحكم اننا ف مرحله استفتاء نزيه وعلينا جميعا ان نقبل بنتيجته


بس رمي الناس بالباطل وجزافا فاسمحلي غير مقبول منك نهائيا


وردا ع الجزئية بتاعت حضرتك وتغيير المادة اتنين اللي بتتكلموا كلكم فيها


تفتكر انت ان حتى اللي رافضين التعديلات لو اتغيرت الماده دي وبقت دولة علمانيه هنوافق ؟؟؟


بلاش كده


كده كده الدستور هيتغير بعد الانتخابات زي مابيقولوا , تفتكر مش برضو اللي عايز يغير دلوقتي هيغير بكرة

ولا هو وجود الاخوان المسلمين حاليا ف المجلس اصبح هو الضمان الوحيد لعدم تغيير المادة

وناسي انك عشت 30 سنة بتاعني من استبداد قوة واحده مهيمنه لتنظيمها وتوغلها وهي الحزب الوطني


اللي تقريبا اصبح مثيلها الان هو الاخوان المسلمين


مش عيب ف الاخوان المسلمين ولا انا كارههم لا سمح الله

بس انا برضو مع الراي اللي بيقول ادي الفرصه لوجود اكتر من بديل

متحطنيش اني برضو ابقى ف خانه واحده زي زمان ميكونش قدامي الا مرشح واحد اعرفه وتسعه معرفهمش فاختار برضو اللي كان موجود امبارح


يا اخي دول حتى بيقولوا اختلاف الاراء ف السياسه ووجود قوى المعاررضه بيوجد من الاختلاف تطور وتقدم

ليه عايزنا نرجع تاني نبقى ماشيين براي واحد يتحول في يوم انهيبقى سيد قراره


هتقولي بكرة هيمشوا كلهم بعد اعداد الدستور

هقولك ف احنا محتاجين التعدد ف مرحله البناء اكتر من احتياجنا ليه فيما بعد

مرحله البناء هي الاهم وهي عنق الزجاجه


انا مش كاره للاخوان ولا السلفيين لاني اعرف منهم قيادات نزيهه شريفه

وقلتلهم ف وشهم النهارده انا مش معترض عليكم

بس انا عايز اشوف منافس ليك يزيد من يقيني انك الافضل او انه يكون احسن منك فيدفعك انك تتطور وتتحسن


مش هرغي كتير عشان انا تعبت رغي اليومين اللي فاتوا

بس عايز اقولك اننا ف مرحله مبقاش ينفع فيها لا الترهيب ولا التخويف ولا الربط الجزافي

انتقد ف حدود المسموح ليك من باب الديموقراطيه والراي والراي الاخر


انما اسمحلي معلش

صيغه كلامك مرفوضه شكلا وموضعا

تحياتي

[Don't play with me]

السلام عليكم ورحمة الله وبركاته
اولا شكرااا لمروورك الغالى
ثانياا اخى الكريم Mr.Mahdy إختلاف الرأى لايفسد للود قضيه
وانا لم ارمى احداا بالباطل والله شاهد على ما اقول
وانا لم اهاجم احداا معينا وانا لم ارتكب جريمه حتى
يعارضنى الجميع ولكنى انشأت الموضوع وهذا رأيى وفكرى وانا مقتنع به
وكل شخص له حرية التعبير عن رأيه
وهذا الموضوع لا يستاهل كل هذا الكلام وانا شايف انك كبرت الموضوع
ودخلت له زوايا مختلفه مش موجوده من اساسه
شكرااا لمروورك الغالى
نورتنى

[Mr.Mahdy]

وجدتم احبابى فى الفضئيات كل من قالو لا شخصيات علمانيه إما شارب خمر او راقصه او مُنحله

او مستهزء بالاسلام او ممثلون لماذا بالاخص الذين يقولون لا هم هؤلاء

لماذا الاخوان المسلمون قالو نعم

لماذا الشيخ محمد حسان قال نعم

لماذا كل الشيوخ والدعاه قالو نعم


انا كل اعتراضي وكل كلامي ع الجزء ده

وزي مانت شرحت وجهة نظرك انا برو شرحت بعض من وجهة النظر المعارضه

ومتعرضتش ليك بالهجوم , انا رفضت صيغه الربط بين الراي المخالف ليك باشكال معينه ف الجمله المقتبسه

باقي ردي لم يتعدى كونه شرح لوجهة النظر المخالفه لرايك , وف النهايه تقبل او رفض النتيجه ده امر مفروغ منه

انما انا مقلتش انك رتكبت جريمة , انا قلت انك ربطت بين المعارض وبين الرقاصات والممثلين والخمورجيه

وده من واقع موضوعك مجبتوش من بره يعني وانا مهاجمتش شخصك ف حاجه حتى ف الشكوى اللي عملتها انا نبهت لجزء عام

جبت مثال من موضوعك لاني هدفي المصلحه العامه مش الهجوم عليك

لازم يكون عندنا سياسه تقبل النقد والاعتراض , انا ف كل ردي متعرضتش لشخص اي حد من الموافقين

لان مش مطلوب مني اقول عليهم اي وصف او اشبه او اربط اي شريحه بطبقه معينه مش لحاجه الا انهم عبروا عن رايهم

انا متدخلتش ف شخصك يا استاذي الفاضل , والزوايا المختلفه اللي مش موجوده من اساسه فهي رأي

ووجب علينا كلنا نحترم الراي والراي الاخر دون التعدي ف الانتقاد على الراي المقابل

تحياتي ليك مرة تانيه

[حنين حنونه]

اولا تحياتى ليك يا رمضان معليش الرد متاخر بس
اكيداااااااااااااااا نعم والف نعم
مش كل مسيحى قال لا ولا كل الملسمين قالو نعم
كل انسان حر فى صوته
بعد الثوراة مش من حق اى شخص انه يفرض رائو على الشعب
تحياتى ليك يا مستعين

((نعم ))

[اهلاوى جامد]

بعد ما العيد ما خلص انا جيت ههههه افرحوا بقى

اللى قالوا نعم وبنسبة كبيرة
راحت فين نعم بتاعتهم بقى
اوضح ليكوا راحت فين
الاستفتاء كان نعم على التعديلات الدستورية المجلس العسكرى عمل دستور مؤقت فى شكل اعلان دستورى زى ما تابعتوا يعنى دا مخالف لنعم
ودا اللى كان لا بينادى بية هههههههههه شوفتوا الديمقراطية والمشى ورا اراء الناس وخلاص عملت اية
المجلس العسكرى لقى نفسة اوت اوف اريا برة تماما ورئيس المحكمة الدستورة العليا هو حاكم مصر ههههههه
عشان كدا لجئوا للاعلان الدستورى الكلام والشرح كتير وكتير جدا كمان بس اللى عايز اوصلة للى قال نعم انت متاخدش برأيك عشان رأيك وتصويتك كان مخالف اساسا
ودا للاسف كان خطأ من مجلس عسكرى بيحكم البلد تحياتى للجميع ويا ريت تكون وجة نظرى وكلامى وضح ليكوا

[Mr.Mahdy]

بعد ما العيد ما خلص انا جيت ههههه افرحوا بقى

اللى قالوا نعم وبنسبة كبيرة
راحت فين نعم بتاعتهم بقى
اوضح ليكوا راحت فين
الاستفتاء كان نعم على التعديلات الدستورية المجلس العسكرى عمل دستور مؤقت فى شكل اعلان دستورى زى ما تابعتوا يعنى دا مخالف لنعم
ودا اللى كان لا بينادى بية هههههههههه شوفتوا الديمقراطية والمشى ورا اراء الناس وخلاص عملت اية
المجلس العسكرى لقى نفسة اوت اوف اريا برة تماما ورئيس المحكمة الدستورة العليا هو حاكم مصر ههههههه
عشان كدا لجئوا للاعلان الدستورى الكلام والشرح كتير وكتير جدا كمان بس اللى عايز اوصلة للى قال نعم انت متاخدش برأيك عشان رأيك وتصويتك كان مخالف اساسا
ودا للاسف كان خطأ من مجلس عسكرى بيحكم البلد تحياتى للجميع ويا ريت تكون وجة نظرى وكلامى وضح ليكوا


تصدق الكلمتين دول محشورين ف زوري من زمان وقلت نلم الدور ونسكت بقا :d