المساعد الشخصي الرقمي

مشاهدة النسخة كاملة : البط بالطريقة الدمياطية اتفضلو بالهنا والشفا


FayRouZ
28-10-2011, 07:39 PM
السلام عليكم ورحمة الله وبركاته

حبيت ابدأ كدا اول موضوع بعد الاشراف هنا
مع احلى اكله الكل اكيد بيحبها
البـط
بس بالطريقة الدمياطية بقى :d

ملحوظة :
الشرح على طريقتى انما الصور من النت مش تبعى




بسم الله :-

المقادير


بطة
5 بصلات كبيرة
فنجان صغير زبيب
مستكة وحبهان
ملح وفلفل وكمون





الطريقة





أولا نحضر الحشو الداخلى اللى هيا المارتة
نقطع البصل تقطيع صغير او نعمله فى الكبه
ونحطه فى مقلايه على شوية زيت لحد ما يبقى لونه دهبى كدا



http://img48.imageshack.us/img48/9356/20080530196cl9.jpg




http://img50.imageshack.us/img50/6176/20080530190ab1.jpg


وبعدها نشيلها من على النار ونحط عليها الزبيب
وعليهم ملح وفلفل وكمون ونقلب كله على بعض



http://img49.imageshack.us/img49/2831/20080530191ad6.jpg


بعدها بقى طبعا نكون من بدرى غاسلين البطه ومتنضفه كويس جدا جدا
ونحشيها من عند فتحه الرقبه بالمارته ولما نخلص المارته نسدها بالكبدة والقنصه ونخيط البط من الجنبين عشان متتفتحش وهيا بتتسلق

بعدها نحطها فى حله فيها ماية ونحط البطه لحد ما المايه دى تغلى
نشيل الحله من على النار ونكب الماية دى ونغسل الحله كويس اوى
ونغسل البطه كمان

وبعدها نجيب الحله اللى غسلناها ونحط فيها شوية زيت مش كتير
وعليهم مستكه وحبهان ونشوح عليهم البطه " نحطها فى الحله يعنى "
مع الملح ونغطيها لـــــــــحد ما تستوى براحتها

بعدها بقى ندخلها الفرن تتحمر على الجنبين





http://img66.imageshack.us/img66/5791/20080530204xb0.jpg


والخضار جنبها يبقى " قلقاس " هيبقى جميل اوى



وبالهنا والشفاء
rwana
28-10-2011, 07:41 PM
تسلم ايديكى يا قمر على الطريقه والصور
FayRouZ
28-10-2011, 07:43 PM
تسلم ايديكى يا قمر على الطريقه والصور

تسلمى يا حبيبتى

نورتى يا قمر
BECKHAM
28-10-2011, 07:46 PM
تسلم ايدك يا فيروز

تنفع مع الديك الرومى ؟؟

:) سؤال محورى
FayRouZ
28-10-2011, 07:57 PM
تسلم ايدك يا فيروز

تنفع مع الديك الرومى ؟؟

:) سؤال محورى

ههههههههههههههههههههههههه

مش عارفة والله يا وليد

مجربتش اطبخة انا قبل كدا والله

هسأل وابقى انزلك موضوع بالطريقة :)

نورت يا فندم
Don't play with me
28-10-2011, 08:05 PM
جيتى ع الجرح
بموت فى البط
هههههههههه
تسلم ايدك ع الشرح
FayRouZ
28-10-2011, 08:10 PM
جيتى ع الجرح
بموت فى البط
هههههههههه
تسلم ايدك ع الشرح

هههههههههههههههههههههه

كلنا لها يا رمضان

محدش يقول للبط لا :)

نورتنى
♥ρėŧŧу ςαŧ♥
28-10-2011, 10:02 PM
هههههههههههههههههههه
متعرفيش يا فيروز
وليد بيسأل ليه السؤال ده
لانه مبيحبش البط والحمام خاااااااااااالص
هههههههههههههه
شوفتى اللى انا فيه
بس هحاول اقنعه بيه يارب ياكله
احنا بنعمل البط محشى بس بدل القلقاس صينية البطاطس فى الفرن بيبقى حلو اوى
تسلم ايدك يا روزتى
بدايه قويه
FayRouZ
29-10-2011, 12:04 PM
هههههههههههههههههههه
متعرفيش يا فيروز
وليد بيسأل ليه السؤال ده
لانه مبيحبش البط والحمام خاااااااااااالص
هههههههههههههه
شوفتى اللى انا فيه
بس هحاول اقنعه بيه يارب ياكله
احنا بنعمل البط محشى بس بدل القلقاس صينية البطاطس فى الفرن بيبقى حلو اوى
تسلم ايدك يا روزتى
بدايه قويه




ههههههههههههههههههههههههههههههههههههههههه
على فكرة احمد برضو ملوش فى الطيور
بس انا بأكله برضو عل وعسى يحبها
بس الحمدلله مش بيكرهها يعنى
ههههههههههههههههه

وفعلا تبقى حلوة برضو مع صنيه البطاطس
بس انا بحب صنيه البطاطس اكتر مع الفراخ
انما البط بفضل القلقاس


نورتى يا قمر