المساعد الشخصي الرقمي

مشاهدة النسخة كاملة : احترسوا من تفسير الأحلام



7ATEM
02-10-2010, 10:57 AM
السلام عليكم ورحمة الله وبركاته
بسم الله الرحمن الرحيم

طبعا انتشر بشكل ملحوظ جدا وملفت للنظر
تفسير الأحلام والرويا وكل حاجة بتيجى فى المنام

وما شاء الله علينا منتوصاش فى التفاهات :d
بقينا نعمل برامج مخصصة .. ونجيب شيوخ منعرفش جايين منين اساسا :d

ونقعد نتصل بيهم .. ويا شيخ انا حلمت انى معرفش ايه
وانا حلمت انى ورثت مليون جنيه ،،
طبعا فى الوقت الحالى مش بيبقى متغطى كويس :D
ويحكى على الهوا مباشرة .. وهو يقول اصل فى كذا وكذا
احيانا متعرفش كلامه ده على اى اساس

طبعا كل الكلام ده مينفعش
مافيش حاجة اسمها برامج تطلع وشيوخ تفتى وخلاص
وده لسببين .. هقول عليهم كمان شوية

طبعا الأحلام انواع
النوع الأول: الرؤيا .. وهى من الله .. وهى رؤية الأنبياء والرسل والصالحين وكده ،،
النوع التانى: حديث النفس .. وهى ان واحد يفضل يتمنى حاجة وليل نهار يفكر فيها ويتمناها .. بعدها يلاقى نفسه بيحلم بيها ،،
النوع التالت: الكوابيس او المفزعات .. ودى بتبقى من الشيطان قتل خطف سرقة وموت .... الخ ،،

طيب قسمناهم كده على اساس ايه .. ؟؟!!
على اساس الحديث النبوى : الرؤيا ثلاث .. فالرؤيا الحسنة بشرى من الله ، والرؤيا تحزين من الشيطان ، والرؤيا مما يحدث به الإنسان نفسه ، فإذا رأى أحدكم ما يكرهه فلا يحدث به ، وليقم وليصل . رواه الترمذي وغيره ، وصححه الألباني .

طيب بعد ما قسمنا .. نيجى بقى للتفسير ونقول الأسباب اللى قولت عليها
مينفعش اللى بيحصل ده والكلام اللى فى القنوات ده

اولا .. الرؤيا الحسنة .. وهى بشرى من الله
اى رؤيا حسنة بشكل عام انت حلمت بيها دى مينفعش انك تحكيها لحد
او بمعنى أصح .. مش لأى حد
بمعنى انك متحكيهاش الا لأقرب الناس ليك او احبابك بمعنى اصح
ناس بتحبك مش بتحقد عليك او بتكرهك .. طب ليه؟

النفس البشرية معروف عنها انها مش كويسة
كلها حقد .. كره .. غيره .. فيها روح الانتقام وما شابه
لو حكيت الحلم هتتعرض لأى حاجة من دول ..
وخصووووووووووصا الحسد منتوصاش فيه :d

هفكركم بآيتين برده فى الموقف ده

بسم الله الرحمن الرحيم


{إِذْ قَالَ يُوسُفُ لِأَبِيهِ يَا أَبتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ (4) قَالَ يَا بُنَيَّ لاَ تَقْصُصْ رُؤْيَاكَ عَلَى إِخْوَتِكَ فَيَكِيدُواْ لَكَ كَيْدًا إِنَّ الشَّيْطَانَ لِلإِنسَانِ عَدُوٌّ مُّبِينٌ} سورة يوسف.

صدق الله العظيم


أعتقد واضح هنا الكلام معناه ايه،،

النوع التانى .. الكوابيس او المفزعات الشيطانية فى المنام
دى ممنوع تحكيها لأى حد .. سواء كان قريب او غريب .. طب ليه؟
يقول النبى صلى الله عليه وسلم: الرؤيا على رجل طائر ما لم تعبّر ، فإذا عُبرت وقعت ولا يقصها إلا على وادّ ، أو ذي رأي . رواه أحمد وأبو داود والترمذي وابن ماجه ، وصححه الألباني.

طيب اذا كان الرؤيا الحسنة بشرى من الله .. امال من الشيطان ايه لزمتها؟؟
لزمتها انه بيخوفك .. بيحزنك .. بيرعبك .. ملهاش اى غرض غير كده.

الرؤيا الوحشة لو معملتش ليها اى اعتبار .. مش هيحصل حاجة
لكن لو حكيتها .. هتحصل وتتحقق زى ما هى بالفعل.. لو مكانش آجلا هيبقى عاجلا المهم ستقع ،،

الحاجة الوحيدة اللى ممكن تخليها متتحققش .. حاجة من أتنين
يـ اما انت معرفتش تحكيها صح .. يأما مافيش حد صدقك أصلا

طب نعمل ايه فى حالة وقوع كابوس او حلم من دول؟؟
اول حاجة: الرفث على اليسار ثلاث مرات
تانى حاجة: تتقلب على جنبك التانى
تالت حاجة: تقوم تتوضا وتصلى ركعتين
رابع حاجة: ماتحكيهاش لحد
خامس حاجة: ماتحاولش تفسرها او تعمل ليها اى اعتبار .. لأنه هيسببلك انكسار تحت اى تفسير واى وضع.

الكلام اللى بقوله ده بناء على اللى قال عليه النبى صلى الله عليه وسلم:

الرؤيا ثلاث : فالرؤيا الحسنة بشرى من الله ، والرؤيا تحزين من الشيطان ، والرؤيا مما يحدث به الإنسان نفسه ، فإذا رأى أحدكم ما يكرهه فلا يحدث به ، وليقم وليصل .رواه الترمذي وغيره ، وصححه الألباني.

جاء أعرابي إلى النبي صلى الله عليه وسلم ، فقال : يا رسول الله رأيت في المنام كأن رأسي ضُرب فتدحرج ،فاشتدت على أثره . فقال رسول الله صلى الله عليه وسلم للأعرابي : لا تحدث الناس بتلعّـب الشيطان بك في منامك .رواه مسلم .

الرؤيا من الله ، والحلم من الشيطان ، فإذا رأى أحدكم شيئا يكرههفلينفث حين يستيقظ ثلاث مرات ، ويتعوذ من شرها ، فإنها لا تضره .قال أبو سلمة – الراوي عن أبي قتادة - : وإن كنت لأرى الرؤيا أثقل عليّ من الجبل،فما هو إلا أن سمعت هذا الحديث فما أباليها . متفق عليه .

إذا رأى أحدكم الرؤيا يكرهها فليبصق عن يساره ثلاثا ، وليستعذ بالله من الشيطان ثلاثا ، وليتحول عن جنبه الذي كان عليه . رواه مسلم .

إذا رأى أحدكم الرؤيا الحسنة فليُفسرها ، وليُخبر بها ،وإذا رأى الرؤيا القبيحة ، فلا يفسرها ، ولا يخبر بها أحدا . صححه الألباني في صحيح الجامع

اعمل الحاجات دى وكفاية اوى اوى كده

والله اعلى واعلم طبعا

iroka_angel
04-10-2010, 10:55 AM
بص انا اتفق معاك فى كل كلمة يا حاتم
بس عندى اختلاف بسيط
دلوقتى اللى بنشوفه دا من البرامج والكلام الفاضى دا دا اللى اسمه تخلف
بس فى فعلا تفسير احلام بس دا عن طريق شريعتنا
دا علم لوحده بيدرس وبيتعلم
لان سيدنا يوسف فسر احلام للملك وللسجينين
وانا مش هقول اننا زى سيدنا يوسف
بس فى بعض الامور معروف انها خير لما تشوفها
يارب اكون وصلت قصدى ليك
وتسلم ايدك لمجهودك الجميل

جمال المصري
04-10-2010, 02:26 PM
صدقني محدش بيدور علي التفسير غير العالم الفاضيه

اما الطبقه المطحونه مش بتهتم اصلا هيحصل ايه اكتر من اللي هما فيه

جزاك الله خير علي التحذير وبارك الله فيك