أمنيتك ايه فى 2012 ؟

[♥ρėŧŧу ςαŧ♥]

ازيكوا احلى واجمل اعضاء

النهارده

29/12/2011

وكلها يومين

وهنبقى

1/1/2012

سنه جديده

كل سنه وانتوا طيبين ودايما يارب بخير

ويارب تكون سنه سعيده على الجميع

وان شاء الله تبقى احسن من السنه اللى فاتت

وترجع مصر للأمن والأمان والاستقرار اللى كنا متعودين عليه

ويبعد عنها اى شر ويحفظها لينا يارب

وبالمناسبه دى

كل واحد يدخل يقولنا

ايه أمنيته اللى بيتمنى تتحقق

فى 2012

؟

وانا كمان هرد اكيد واقول امنيتى

[Bℓạ๔қ]

انا بتمنى ان ربنا يحفظ مصر من كل شر
ونخرج من الازمة اللى البلد فيها ونقف على رجلنا

وبتمنى ربنا يشف والدتى ويخليهالى ويشفى كل مريض يارب

وبتمنى اشتغل بقى احسن زهقت او اتجوز ههههههههههههه

اى مصلحة من الاتنين :SugarwareZ-191:
ربنا يحققلنا كل مانتمناه ويجعلها سنة سعيدة علينا جميعا

[El-ToRkY]

هو انا متمنتش حاجة ف اى سنة قبل كده
يعنى كنت سايبها كده زى ماتيجى وزى ما ترسى

بس اول مرة هتمنى فيها أمنية هى ممكن تكون مش أمنية لناس كتير غيرى

بس حقيقى عن صدق أتمنى انى اغادر الحياة الدنيا السنة دى بجد نفسى والله
وربنا يرزقنى بيها ع حال حلو ويكرمنى باذن الله ف اخرته

[♥ρėŧŧу ςαŧ♥]

انا بتمنى ان ربنا يحفظ مصر من كل شر
ونخرج من الازمة اللى البلد فيها ونقف على رجلنا

وبتمنى ربنا يشف والدتى ويخليهالى ويشفى كل مريض يارب

وبتمنى اشتغل بقى احسن زهقت او اتجوز ههههههههههههه

اى مصلحة من الاتنين :sugarwarez-191:
ربنا يحققلنا كل مانتمناه ويجعلها سنة سعيدة علينا جميعا

ربنا يحقللك كل امانيكى يا مروه
لانك طيبه وتستاهلى كل خير الحقيقه
ويرزقك بالزوج الصالح واللى يتقى ربنا فيكى
وبالذريه الصالحه باذن الله
ويشفيلك والدتك ان شاء الله
وتفضلى دايما معانا كده علطول

[♥ρėŧŧу ςαŧ♥]

هو انا متمنتش حاجة ف اى سنة قبل كده
يعنى كنت سايبها كده زى ماتيجى وزى ما ترسى

بس اول مرة هتمنى فيها أمنية هى ممكن تكون مش أمنية لناس كتير غيرى

بس حقيقى عن صدق أتمنى انى اغادر الحياة الدنيا السنة دى بجد نفسى والله
وربنا يرزقنى بيها ع حال حلو ويكرمنى باذن الله ف اخرته

ازيك الاول؟
ايه كمية الحزن واليأس ده
الدنيا مهما كانت وحشه
ومهما مرينا بظروف
واتمنينا الموت ولو للحظه
فده اولا حرام لان اى حاجه بنشوفها فى حياتنا بحلوها ومرها مكتوبالنا
ومتقدره من قبل ما نيجى الدنيا
واحسن شىء الرضا بالنصيب وبالقضاء والقدر
والصبر على الابلاءات
والمؤمن دايما مصاب و ده لان ربنا بيحب يسمع دعاء عبده اللى بيحبه
ادعى ربنا كتير
وفكر انك مهما كانت ظروفك
اكيد انت احسن كتير اوى من غيرك
وشاب وتقدر تعمل كتير فى حياتك
وخلى طموحك يغلبك دايما وفكر فى مستقبلك
متخليش الدنيا هى اللى تتحكم فيك
وبدل الاستسلام ده
اعمل انت لنفسك واعمل لمستقبلك واشتغل على هدفك وحققه
وباذن الله تكون سنه جميله عليك
وربنا يسعدك فيها
ويفك كربك ان شاء الله
ميرسى لمرورك

[BECKHAM]

ازيك يا احمد عامل ايه

بلاش الاكتئاب وعدم التفاؤل ده ربنا فرجه قريب ان شاء الله والضلمة مهما طالت اكيد فى بعد منها نور

زى ما قالت علا المؤمن ديما مصاب وربنا بيبتلى الناس .

ربنا يسهل وتبقى سنة افضل وانا اتمنى الافضل لكل الناس مش ليا وبس ولمصر كلها اللهم امين واللهم افرج هم وكرب كل مؤمن

والحمد لله على كل شىء

[♥ρėŧŧу ςαŧ♥]

ايه ده يا وليد
نسيت اهم حاجه
:SugarwareZ-159:

[♥ρėŧŧу ςαŧ♥]

انا امنياتى كتير
بس دلوقتى
بتمنى ان احمد التركى يغير رأيه
ويبص للدنيا بمنظور احسن
ويرزقه باللى يفرح قلبه ويسعده
والسنه الجايه تكون خير عليه
وربنا يفرجها عليه من وسع ان شاء الله يارب
ويزيل عنه الحزن والهم
امييييييييين

[♥ρėŧŧу ςαŧ♥]

احم احم
النهارده راس السنه
وبعيدا عن كل ده
النهارده ليه ذكرى جميله اوى عندى
وانا بتمنى من ربنا
اول حاجه ربنا يخليلى اهلى كلهم ووليد واخواته ومامته و كل الناس اللى بحبهم
ويبعد عننا اى شر وتبقى سنه خير علينا كلنا
تانى حاجه اجيب امتياز السنه دى زى اللى فاتت ان شاء الله يارب
وياااااااااااااااااااارب زى ما النهارده ليه ذكرى جميله عندى
يكون السنه الجايه ليه ذكرى اجمل واجمل عندى