من الـقـ♥ـلب للـ قــ♥ـلب ♥

[Don't play with me]

تحت شعار من القلب للقلب
http://im10.gulfup.com/2012-01-06/132580116416.jpg
خلى قلبكـ معانا ونوعدك مش هتندمـ أبداً
هنطوف بيه بس فى جولة ممكن تطوّل شوية - مش تزهق - بس بعدها أكيـــــد هتلاقى نفسك بقلب جديد ..
قلب كله حب لله وللرسول وللدين ..
مش نفسك قلبكـ يبقى متعلق بربنا ..
مش نفسك تبكى بين إيديه ..
مش نفسك تشكيله وتحكيله على كل همومكـ ..
ومين أرحمـ بيكـ من ربك ممكن يسمعك ؟!!
ومين أقدر على رفع الهم والغم والحزن عنكـ غير ربكـ ..
ومين أقدر على تحقيق كل أحلامكـ وأمانيك غير ربكـ ..
ده ربنا الكريم العظيم سبحانه ..
هو من بيده ملكوت السماوات والأرض هو القادر على كل شئ ..
هو سبحانه " إنما أمره إذا أراد شيئاً أن يقول له كن فيكون"
هنجمَّع هنا أجمل الموضوعات بإذن الله
طريقك للالتزام هيكون معانا من هنا إن شاء الله
فقط تابعنا
واخرج الدنيا من قلبك لدقائق معدودة تـمُّن بها على نفسك بنسائم ربانية
علَّ الله يجعلها فاتحة خير عليك فى الدنيا والآخرة

بس هتتابعنا بقلبكـ .... وبقلبك وبس

لأن زى ما اتفقنا كلامنا هيكون
من الـقـ♥ـلب للـ قــ♥ـلب

تابع معنا إن شاء الله

.

[♥ρėŧŧу ςαŧ♥]

جميل اوى يا رمضان
وان شاء الله اتابع معاك

[Don't play with me]

http://im10.gulfup.com/2012-01-06/132580116416.jpg


تخيل معايا كده إن حبيبكـ هو ملك من ملوك الدنيا
تفتكر حالك هيبقى عامل إزاى
تعامل الناس معاك هيكون عامل إزاى
إنت نفسك هيكون إحساسك إيه
ويا سلام بقى لو كان هو كمان بيحبك شوية كتيير
تفتكر ممكن حاجة تقف قدامك
ولا كل الطرق بتتفتح وكل حاجة بتبقى تمام
طيب
إيه رأيك بدل ما تقعد تتخيل وتتعب دماغك
إيه رأيك ما نخليه واقع وتعيشه فعلاً
ويبقى حبيبك ملك الملوك
شوف معايا القصة دى كده
وبعدين نكمل
مادمت حبيبي فلن أخاف (http://www.agda3so7ab.com/vb/showthread.php?p=154382#post154382)

ها قرأت وخلصت
تخيل بقى كل الكلام اللى قلناه فوق ده
إحنا فعلاً عايشينه
ده ربنا حبيبنا
سبحانه وله المثل الأعلى هو ملك الملوك
ملك الأرض والسماء
تخيل كده لما يبقى ربنا يحبكـ
يا سلاااااااام إيه المتعة دى
وأكيد ربنا سبحانه بيحبنا
ما ذكره الله سبحانه في الحديث القدسي من فضائل عظيمة تلحق أحبابه فعَنْ أَبِي هُرَيْرَةَ قَالَ

: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : إِنَّ اللَّهَ قَالَ :
مَنْ عَادَى لِي وَلِيًّا فَقَدْ آذَنْتُهُ بِالْحَرْبِ
وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ
وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ
فَإِذَا أَحْبَبْتُهُ كُنْتُ سَمْعَهُ الَّذِي
يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي
يَبْطِشُ بِهَا وَرِجْلَهُ الَّتِي يَمْشِي بِهَا
وَإِنْ سَأَلَنِي لأُعْطِيَنَّهُ وَلَئِنْ اسْتَعَاذَنِي لأُعِيذَنَّهُ
وَمَا تَرَدَّدْتُ عَنْ شَيْءٍ أَنَا
فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا
أَكْرَهُ مَسَاءَتَهُ "

رواه البخاري 6502
اقرأ الحديث تانى كده
بس زى ما اتفقنا بقلبك مش بلسانك أو عقلك
تأمل في كلماته
بجد حاجة فى غاية الروعة .. تخيل لما ربنا سبحانه الملك الودود يتودد إليك ويحبك ويفرح بتوبتك
سبحان الله إحنا مين أصلا عشان ربنا يتودد إلينا ده سبحانه الملك ليس كمثله شئ هو أغنى الأغنياء ونحن أفقر الفقراء
تأمل كده رحمة ربكـ
.
متخيل رحمة ربنا بيك أد إيه
وحبه ليك أد أيه
والله الواحد لو تدبر الحديث ده صح وعاش بيه بس فى حياته لكفاه

تابع معنا إن شاء الله

[rwana]

جميل قوى قوى يا رمضان
متابعه معاك
ديما متميز فى مواضيعك
تسلم ايدك

[Hayomty]

متابعه معاك ان شاء الله
بس لينك القصة مش شغال

[Don't play with me]

شكراا لمروركم الغالى
نورتوا الموضوع

بس لينك القصة مش شغال
جربى تانى كدا انا عدلتها
شوفى وعرفينى
نورتينى

[Hayomty]

تمام يا رمضان اللينك شغال
--------------

القصه جميله جداااااا
التوكل على الله فى تدبير أمورنا أحسن شىء
أقدرنا على ربنا واللى ربنا بيخترهولنا بيكون احسن كتير من اللى احنا نختاره
تسلم ايدك

[Don't play with me]

طيب تمام
تسلمى ع المتابعه
اتمنى ان تكونى استفدتى من الموضوع

[قلبي والقرأن]

تسلم يا رمضان