& دبـــرنى يا وزيـــــر &

[Hayomty]

أصدقائى وصديقاتى

الطبيعى ان كل العائلات بتتجمع فى المواسم والأعياد والافراح والمناسبات وفى الفطار فى رمضان

والمناسبات بتجمع كل افراد العائلة من سيدات ورجال وشباب وبنات

وبتجمعهم جلسات الدردشة الجميلة مبين كلام جد وهزار

ولكن بيحصل موقف انا متأكده انه بيحصل للكتير منا سواء بنات أو ولاد

هو ان أحدى سيدات العائلة تلقى مفاجأة على الجميع وتقول

أيه رأيكم يا جماعة نجوز البنت فلانة لأبن عمها فلان

ويبقى زيتنا فى دقيقنا

والبنت متروحش بره


والولد أولى ببنت عمه


وسكينة القرايب تلمه لكن سكينة الاغراب حاميه

وإللى نعرفه أحسن من اللى منعرفوش

والمفاجأة والخجل يصيب الشاب والفتاه المرشحين للزواج فى هذا الموقف



http://www.al-wed.com/pic-vb/35.gif


الموقف ده بيحصل لبنات وشباب كتير ويمكن يكون الموقف ده شوفناه كولنا وبطرق مختلفه

لكن السؤال


كيف تتحول مشاعر الاخوة والصداقة بين البنت وأبن عمها الى مشاعر حب وزواج؟


ولو حصل زواج بين البنت وابن عمها وحصل بينهم خلاف هل هذا الخلاف سينتقل بين الأب والعم والعائله بالكامل ؟؟

معنى ذلك ان ممكن العائلة تنقسم فريقين فريق ضد فريق

فريق يؤيد البنت ويقف بجانبها فى مشكلتها ضد زوجها

وفريق يؤيد الولد ويقف بجانبة فى مشكلتة ضد زوجتة

http://www.al-wed.com/pic-vb/35.gif

زواج الاقارب نفسة مش مشكلة لو فيه حب وتفاهم بين الشاب والبنت لكن لو مفيش

حب تفتكرو الحياه تستمر بين البنت وأبن عمها !!

السؤال أليكم يا أصدقائى

هل حدث معك أو معكى هذا الموقف ؟
وكيف كان تصرفك ؟
وما هو رأيكم فى زواج الأقارب بشكل عام؟


http://www.al-wed.com/pic-vb/35.gif

دبـــــــــــــــرنى يا وزيـــــــــــر



http://www.nogoomonline.com/forum/images/smilies/happy.gif


http://img176.imageshack.us/img176/6816/022y.gif

[♥ρėŧŧу ςαŧ♥]

هل حدث معك أو معكى هذا الموقف ؟
وكيف كان تصرفك ؟
لا الحمد لله محصلش معايا لان بابا مش متشدد فى الحاجات دى
ولما اتقدملى ابن عمى وابن خال بابا وانا قولت لا بابا نهى الموضوع علطول

وما هو رأيكم فى زواج الأقارب بشكل عام؟

انا رأى ان نسبة نجاحه بتكون قليله اوىىىىىىىى ده اولا
وده بسبب المشاكل اللى ممكن تكون موجوده
وممكن لا قدر الله يحصل عيب خلقى فى الاطفال
بس ده بيكون فى تحاليل قبل الزواج بتوضح كل ده
ورأى فى جواز الاقارب ككل
انى برفضه تمااااااااامااااااااااااااا


تسلم ايدك يا هيوم
موضوع جميل كالعاده

[Hayomty]

لولاااااا

هل حدث معك أو معكى هذا الموقف ؟
وكيف كان تصرفك ؟
لا الحمد لله محصلش معايا لان بابا مش متشدد فى الحاجات دى
ولما اتقدملى ابن عمى وابن خال بابا وانا قولت لا بابا نهى الموضوع علطول
انتى حظك كويس يا لولو انك محستيش بالاحراج بالموقف اللى انا زكرته ده موقف بيحصل لبنات وولاد كتير
وزى ما تقولى كده أهلينا بيستخسرو البنات والولاد يروحو بره على حسب تفكيرهم ونيتهم الطيبه
وبيعتقدو ان زواج بنات وولاد العيله من بعض اضمن من الزواج من اشخاص غريبه
مع ان الزواج اصلا مبنى على المشاعر وغير خاضع اصلا لاى ترشيحات


وما هو رأيكم فى زواج الأقارب بشكل عام؟

انا رأى ان نسبة نجاحه بتكون قليله اوىىىىىىىى ده اولا
وده بسبب المشاكل اللى ممكن تكون موجوده
وممكن لا قدر الله يحصل عيب خلقى فى الاطفال
بس ده بيكون فى تحاليل قبل الزواج بتوضح كل ده
ورأى فى جواز الاقارب ككل
انى برفضه تمااااااااامااااااااااااااا
فعلا زى ما بتقولى ممكن تحصل مشكله فى الانجاب لو حصل زواج اقارب لكن بنسبه مش كبيره
لكن طبعا ده ميخلناش نرفضه رفض باتا لان فيه تحاليل وفحوصات بتتعمل قبل الزواج
لكن يجوز جداا ان يحصل حب بين أطراف فى عائله واحده ويتم زواجهم
المهم التفاهم واهم شىء يكونو متفقين انهم مش هيدخلو العيله معاهم فى مشاكلهم
عشان المشاكل متتنقلش منهم للعائله بالكامل

تسلم ايدك يا هيوم
موضوع جميل كالعاده


تسلمى انتى على مرورك وردك يا لولو
نورتينى يا قمر

[sithory]

وحشتنى جدا مناقشتك يا هيومتى
موضوعك رائع جداااااااا

زواجك الاقارب بالنسبالى انا مش برشحه نظرا لان اكتر العائلات دلوقتى بقى بينهم خلافات كتير
فلو حصل ارتباط بينهم هايعيشوا حياتهم فى مشاكل مستمرة
ومش هايقدروا يقولوا مالناش دعوة بمشاكلهم لان اهلهم طرف فيها فهايشاركوا هايشاركوا
والمشكلة ان الاهل لما تتشاكل ما بيشوفوش مصلحة الزوج والزوجه دول بينجرفوا بس وراء غضبهم
فالافضل عندى عدم زواج الاقارب
وفى برده النقيض من ده ان نسبة قليله بيتم الزواج بينهم بنجاح طالما اتنين متفاهين ومتفقين فكويس جدا




زواج الاقارب نفسة مش مشكلة لو فيه حب وتفاهم بين الشاب والبنت
لكن لو مفيش حب تفتكرو الحياه تستمر بين البنت وأبن عمها !!



فى ناس تقولك يا هيام الحب بيجى بعد الجواز وفى ناس اتجوزت عن عدم حب
لكن بعد الجواز حبوا و قالوا ان افضل الحب هو اللى بيجى بعد الجواز
وان المهم فى الاول هو التفاهم فانا مع الراى ده




ولو حصل زواج بين البنت وابن عمها وحصل بينهم خلاف هل هذا الخلاف سينتقل بين الأب والعم والعائله بالكامل ؟؟



لو الخلاف ده هما عرّفوه للغير فاكيد فاكيد هايتنقل للعيلة بالتريج
لان فى حماوات دمها حامى اوى ما بتصدق تلاقى مشكلة الا وتعمل منها حكاية وقصة ورواية
وحاليا كمان الصبر قل اوى عند الناس فده ليه دور برده فى اشتعال المشكلة
لكن الزوج والزوجه لو عاقلين هايحلوا مشاكلهم لوحدهم من غير مشاركة الغير ليهم




هل حدث معك أو معكى هذا الموقف ؟
وكيف كان تصرفك ؟


لا مش حصل معايا ولو فرضا كان حصل
كنت هاعمل نفسى ما سمعتش وهاظهر عدم الاهتمام
او اقول لحد قاعد بصوت متوسط ده زى اخويا ههههههه
وكده نلغى الموضوع وننهى الاحراج


موضوع رااااااااااائع يا هيام
وسعدت اوى بمشاركتى فيه
تسلم ايدك يا حبى

[BECKHAM]

زواج الاقارب
اسباب رفض

المشاكل الاسرية هتبقى العائلة كلها عارفاها وده مرفوض بالنسبالى

زمان طبعا قبل ما يبقى فيه حاجة اسمها تحاليل كان بالحظ وممكن الطفل يبقى عنده عيب خلقى او عقلى ودلوقتى بالتحاليل كله سهل

العائلة وتدخلها في العلاقة ولو حصل مشكلة هتلاقى اللى يقف ف صفى واللى يقف ف صفها وممكن ناس تخسر ناس بسبب كده

والاسم قرايب فبلاش منه احسن .

لو فيه حب بين البنت والشاب وهما قرايب مفيش مشكلة يتجوزوا بعد التحاليل وكده والافضل ان يبقى بيتهم هو سرهم مفيش جنس مخلوق يعرف

باى مشكلة تقابلهم ويحلوها سوا ولو حصل وجت مشكلة اكبر منهم ف يحلها معاهم الناس العاقلة من العائلة والحكيمة اللى تتدخل عشان تصلح لاتفسد

ومحصلش معايا الموقف ده وانا كبير بس حصل وانا صغير وكان هزار وكده ومدخلش ف جد وكل بنات العائلة انا متربى معاهم فيعتبرو اخواتى .

تسلم ايدك ع المناقشة الجميلة دى ياهيام

[Hayomty]

هنوووووون
وحشتنى جدا مناقشتك يا هيومتى
موضوعك رائع جداااااااا
مرورك ومناقشتك الاجمل يا هنون

زواجك الاقارب بالنسبالى انا مش برشحه نظرا لان اكتر العائلات دلوقتى بقى بينهم خلافات كتير
فلو حصل ارتباط بينهم هايعيشوا حياتهم فى مشاكل مستمرة
ومش هايقدروا يقولوا مالناش دعوة بمشاكلهم لان اهلهم طرف فيها فهايشاركوا هايشاركوا
والمشكلة ان الاهل لما تتشاكل ما بيشوفوش مصلحة الزوج والزوجه دول بينجرفوا بس وراء غضبهم
فالافضل عندى عدم زواج الاقارب
للاسف ده اللى بيحصل فى الغالب

وفى برده النقيض من ده ان نسبة قليله بيتم الزواج بينهم بنجاح طالما اتنين متفاهين ومتفقين فكويس جدا
تمام لو التفاهم موجود بين الطرفين وحرصين كل الحرص ان مشاكلهم تكون بينهم هما الاتنين هينجحو فى حياتهم
وأكيد المشاكل هتتحل وتتلاشى ومش هتكبر بالتدخل العائلى


فى ناس تقولك يا هيام الحب بيجى بعد الجواز وفى ناس اتجوزت عن عدم حب
لكن بعد الجواز حبوا و قالوا ان افضل الحب هو اللى بيجى بعد الجواز
وان المهم فى الاول هو التفاهم فانا مع الراى ده

انا معاكى يا هنون ده غير ان فيه فتره خطوبه وبنحس فيها بمشاعرنا وتفكيرنا وانجذبنا للطرف الأخر


لو الخلاف ده هما عرّفوه للغير فاكيد فاكيد هايتنقل للعيلة بالتريج
لان فى حماوات دمها حامى اوى ما بتصدق تلاقى مشكلة الا وتعمل منها حكاية وقصة ورواية
وحاليا كمان الصبر قل اوى عند الناس فده ليه دور برده فى اشتعال المشكلة
لكن الزوج والزوجه لو عاقلين هايحلوا مشاكلهم لوحدهم من غير مشاركة الغير ليهم
تمام يا هنون
الدم الحامى ده مضر جدااا فى الخلافات الزوجيه بالذات ههههههه
معاكى جدا فى رأيك


لا مش حصل معايا ولو فرضا كان حصل
كنت هاعمل نفسى ما سمعتش وهاظهر عدم الاهتمام
او اقول لحد قاعد بصوت متوسط ده زى اخويا ههههههه
وكده نلغى الموضوع وننهى الاحراج
كويس انك محصلكيش الموقف ده ده غير ان تصرفك لو حصل معاكى كله ذكاء وحكمه


موضوع رااااااااااائع يا هيام
وسعدت اوى بمشاركتى فيه
تسلم ايدك يا حبى

الأروع مرورك ومناقشتك الجميله يا هنون
انا الاسعد بتشريفك ليا يا قمر
نورتينى :*

[Hayomty]

بيكهام

زواج الاقارب
اسباب رفض
المشاكل الاسرية هتبقى العائلة كلها عارفاها وده مرفوض بالنسبالى
هو فى الغالب بتحصل المشاكل العائليه لو حصل تدخل
انما زى محنا متفقين ان لو فيه تفاهم وحب واتفاق بين شخصين فى عيله واحده فى انهم ميدخلوش اى اطراف فى مشاكلهم اكيد هيسعدو بحياتهم
المهم يلتزمو بأتفاقهم مع بعض

زمان طبعا قبل ما يبقى فيه حاجة اسمها تحاليل كان بالحظ وممكن الطفل يبقى عنده عيب خلقى او عقلى ودلوقتى بالتحاليل كله سهل
تمام وفى الغالب النسبة بتكون بسيطة

العائلة وتدخلها في العلاقة ولو حصل مشكلة هتلاقى اللى يقف ف صفى واللى يقف ف صفها وممكن ناس تخسر ناس بسبب كده

والاسم قرايب فبلاش منه احسن .
للاسف ده بيحصل الا لو حصل حالات نادره بئى

لو فيه حب بين البنت والشاب وهما قرايب مفيش مشكلة يتجوزوا بعد التحاليل وكده والافضل ان يبقى بيتهم هو سرهم مفيش جنس مخلوق يعرف

باى مشكلة تقابلهم ويحلوها سوا ولو حصل وجت مشكلة اكبر منهم ف يحلها معاهم الناس العاقلة من العائلة والحكيمة اللى تتدخل عشان تصلح لاتفسد
تمااااااااااااااام
ومحصلش معايا الموقف ده وانا كبير بس حصل وانا صغير وكان هزار وكده ومدخلش ف جد وكل بنات العائلة انا متربى معاهم فيعتبرو اخواتى .
اكيد الموقف وانت صغير بيعدى ومفيش منه أى احراج انما الموقف يبئى محرج جدااا اوى لو حصل وانت كبير
خصوصا فى وجود الطرفين فى نفس اللحظه

تسلم ايدك ع المناقشة الجميلة دى ياهيام


تسلم انت على مرورك ومناقشتك يا وليد
نورتنى