المساعد الشخصي الرقمي

مشاهدة النسخة كاملة : كفته مشويه مع رز بالزعفران



ayoun elkamr
23-03-2012, 09:08 PM
مقادير الكفتة:




½ كيلو لحمة مفرومة
¼ ملعقة صغيرة شطة
¼ ملعقة صغيرة كركم
½ كوب بقدونس مفروم
ملعقة صغيرة ثوم مفروم
½ كوب كزبرة مفرومة
2 ملعقة كبيرة سمنة
ملح وفلفل أسود
بصلة مفرومة


مقادير الرز:


2 كوب رز بسمتي
½ ملعقة صغيرة زغفران
2 ملعقة كبيرة مية ورد
2 ملعقة كبيرة زبدة
2 ملعقة كبيرة زيت
ملعقة كبيرة ملح
2 كوب ميه


لتحضير الكفتة:


1- اعصري البصل المفروم من المية بتاعته تماما، وبعد كده خدي البصل وحطّيه في طبق غويط، وضيفي عليه الكزبرة والبقدونس والملح والشطة والثوم المفروم والكركم والفلفل الأسود.


2- ضيفي اللحمة المفرومة على خليط البصل اللي عملتيه، واخلطيهم بإيدك لغاية ما كل المكونات تتجانس مع بعضها كويس.


3- صبّعي اللحمة على أسياخ خشبية، ولو مش عندك ممكن تصبّعيها على قلم.



4- حطّي السمنة في صينية على النار، وشوّحي فيها أسياخ اللحمة لحد ما تتشوح كويس ولونها يبقى دهبي.



5- حطّي قطعة فحم ساخنة على ملعقة زبدة في صينية الكفتة، وغطّيها بسرعة، ودخّليها الفرن وسيبيها لغاية ما تستوي.


طريقة الأرز:


1- هاتي حلة متوسطة، وحطّي فيها مقدار الميه والملح والزيت، وسيبي المية لحد ما تغلي أوي، وبعد كده حطّي الرز وسيبيه لحد ما يستوي كويس، وبعد كده صفّيه من الميه.


2- حطّي الزعفران في مية الورد.


3- حطّي الزبدة في حلة على النار وحطّي معاها الزعفران.


4- بعد كده حطّي نصف كمية الرز، وقلّبي بالراحة عشان تحافظي على حبة الرز، وبعد كده ضيفي الكمية الباقية.

5- عند التقديم.. اغرفي الرز في الطبق وعليه الكفتة المشوية

Don't play with me
23-03-2012, 10:17 PM
كدا هنموت من الجوع هنا
تسلم ايدك ع الاكله الروعه

♥ρėŧŧу ςαŧ♥
06-04-2012, 08:06 PM
تسلم ايدك على المواضيع المميزه