الكوارع

[ayoun elkamr]

http://www.mkani.com/m-up/uploads/images/mkani-fe8f3d7546.jpg

ده شكل الكوارع مقطعه ولسه مغسولة
بغسلها بدقيق وملح للاحتياط
بضع التوابل التاليه
2عود قرفه(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفه
بصله مقطعه اربعه

الطريقه
نضع الحله على نار بداخلها ماء لد الغليان وبعدين نضيف الكوارع اوالمقادم مع كل التوابل السابقه


http://www.mkani.com/m-up/uploads/images/mkani-c3e4937dc5.jpg




تترك على النااااااار حوالى من ساعتين الى ثلاثه ساعات حسب الحجم
تعالو نجهز الفته
انا بحمص العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن

http://www.mkani.com/m-up/uploads/images/mkani-eb59ee22a0.jpg


معلش نسيت اصوره الصلصه علشان اليوم كان شاق جدا بس هقولكم على الطريقه بالضبط
نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه
حتى يحمر الثوم وبعدين نضيف 2 ملعقه خل وبعده كده نضيف الطماطم المعصورهحوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبهاااااا وبعدين نضيف شوربه الكوااااارع

http://www.mkani.com/m-up/uploads/images/mkani-0177b0d362.jpg


نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز



الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى


وده شكلها النهااائى

http://www.mkani.com/m-up/uploads/images/mkani-643595e23b.jpg




دلوقتى هنعمل الممبار او الفوراغ او الامعااااء
بعد الغسيل والكحت والنقع فى الملح والخل

الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى اللمبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى



(((كيلو نصف ممبار معها حوالى 3 كيلو ارز))

http://www.mkani.com/m-up/uploads/images/mkani-27700f0680.jpg


نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب
انا مش بربط الممبار لانه اول ما بينزل فى الماء بيقفل من الاطرااااف


http://www.mkani.com/m-up/uploads/images/mkani-d86ccaa5a1.jpg


طبعا ده جزء من الممبار


نضعه فى الماء المغلى مع اضافه الملح

http://www.mkani.com/m-up/uploads/images/mkani-9ac6ec4e2e.jpg

نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير


http://www.mkani.com/m-up/uploads/images/mkani-687866239e.jpg


نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى

http://www.mkani.com/m-up/uploads/images/mkani-dd7e66fa14.jpg

وده من الدااااخل احمر وفى نفس الوقت طرى من الطماطم المقطعه والبصل


http://www.mkani.com/m-up/uploads/images/mkani-52e6811ea0.jpg

[♥ρėŧŧу ςαŧ♥]

جميلة
تسلم ايدك