الساعة 4 هديك 1000 جنيه

[♥ρėŧŧу ςαŧ♥]

السلام عليكم ورحمة الله وبركاته ،،

اهلا بيكم .. نورتونى بجد ..

اليوم هحكلم علي حاجتين مهمين جداً ..

ياريت كل اللى يدخل يقولى ايه هما ؟!http://www.3gypt.com/vb/images/smilies/smile.gif

عجبتني فرصة عمل قلت اجيب الاعلان هنا .. عشان الكل يستفاد ..

طبعا مستغربين انى حطيت الموضوع هنا في الركن الاسلامى ..

طبعاً عشان ده رزق والرزق من عند ربنا فقلت احطه هنا ..

المهم الشغله بسيطة جدا .. كل يوم الساعة 4 الفجر تصحي توصلني وتاخد 1000 جنية ..


وده رآي الناس اللى وافقوا

اول واحد قالى طبعاً دى بسيطة جدا دايس معاك

والتاني وافق وقال ازمة الشباب مفيش شغل ..

والتالت كانت بنت قالت عادي طالما فيها 1000 جنية اهلي مش هيمانعوا دنا بميت راجل و هيسمحول انزل عادي ..

والرابع قال ايوة انا محتاج عشان اكمل تشطيب شقتى اللى مآجلة جوازى ..

واللى بعده قالت ايوة ياريت انا اصلا بسهر فخلينى اكسب ..بدال ما اسهر ع الفاضي

واللى بعدها قالت ياريت عشان اكمل الجهاز لاني لحد دلوقت مشعارفه اكمل الباقي ..

وغيرهم وغيرهم .. طلع اللى محتاج شغل عددهم كبير اووووووووووووووووووووووووووووووووووووووى

وبما اننا في بلد البطاله .. كل الناس مستعدة تشتغل في اى وقت وباى سعر .. ومن غير حتى ما يعرفوا طبيعة العمل ايه ..

طيب ياجماعة انا انسانة عندى مجال عمال وفتحته عشان اديكوا رزق وطلبت منكم تصحوا في عز نومكم عشان تاخدوا 1000 جنية .. وافقتوا

واللى رزقنى بالـــ1000 طلبكم تصلوا الفجر مقابل حسنات هتتردلكم يوم القيامة رفضتوا .. وكسلتوا والشيطان زينلكم نومكم ونمتوا ..

ولما لاقيتوا فيها فلوس صحيتوا ووافقتوا ..

ياااااااااااااااااااااااه

معقوله ربنا سبحانه وتعالى يناديكم اللى هو رزق صاحب العمل بــ1000 وقتادر يرزقكم بــ100000000 ملبتوش النداء ..


الرزق من عند الله ومحدش هيموت الاّ واخد رزقه كاملا .. واللى بيخلى رزقك يتآخر ذنووووب ذنوووووب واللى يعجل برزقك الصلاة والاستغفاااااااااااااااار

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


طب ليه ؟ عايزين ايه ؟ هو مش الرزق ده من عند ربنا .. تصحوا للعبد ومتصحوش للى خلق العبد ..

صلاة الفجر تعدل قيام ليلة كاملة

بشااااااااااره

قال صلى الله عليه وسلم: ( بشر المشائين في الظلم إلى المساجد بالنور التام يوم القيامة ) رواه الترمذي وا بن ماجه

البردين

قال صلى الله عليه وسلم : ( من صلى البردين دخل الجنة ) والبردين هما الفجر والعصر

ياسلام لما الملايكة تعمل تقرير لينا عند رب العباد كده تخيلوا كم الغفران والحسنات

قال صلى الله عليه وسلم : ((يتعاقبون فيكم ملائكة بالليل وملائكة بالنهار ويجتمعون في صلاة الصبح والعصر ثم يعرج الذين باتوا فيكم فيسألهم الله وهو أعلم كيف وجدتم عبادي فيقولون تركناهم وهو يصلون وأتيناهم وهم يصلون ))

خير الدنيا كله فيهم

قال صلى الله عليه وسلم : ((ركعتا الفجر خير من الدنيا وما فيها))

تحب تكون منافق ؟!

قال صلى الله عليه وسلم : (( ليس صلاة أثقل على المنافقين من صلاة العشاء والفجر ولو يعلمون ما فيهما لأتوهما ولو حبواً ))


اصحى وفوق قبل فوات الآوان

يا قومنا هذي الفوائد جمّة *** فتخيروا قبل الندامة وانتهوا

إن مّسكم ضمأ يقول نذيركم *** لا ذنب لي قلت للقوم استقوا


أستغفر الله عدد ماكان ... أستغفر الله عدد ماسيكون .. أستغفر الله عدد الحركات والسكون

(( اللهم اجعل في قلبي نورًا, وفي لساني نورًا, واجعل في سمعي نورًا, واجعــــــــــل في بصري نورًا, واجعل من خلفي نورًا, ومن أمامي نورًا, واجعـــــــل من فوقي نورًا)

شكراً لحسن استماعكم لي ..

ارجو من الله ان اكون وفقت في العرض ..

وانتظر ردودكم بفارغ الصبر فلا تحرموني

مع حبي لكم ..