ayoun elkamr
15-04-2012, 03:58 AM
http://as7ab.me/wp-content/uploads/2012/04/308878_279337095441203_129352967106284_774373_1419 699237_n-300x199.jpg
عزيزى الراجل دقيقة من فضلك..ومتعملش نفسك عارف كل حاجة..هقولك على شوية حاجات كل البنات بتموووت فيها حتى لو معترفتش بكده.
فيه فى الأتيكيت قسم خاص بفن الهدايا و سواء كنت خاطب او غيره لازم تبقا عارف ايه اللى بيفرح البنت حتى لو قالتلك “انا الحاجات دى مبتفرقش معايا” او “اصل انا مش مادية ومش عايزة حاجة غالية .. كفاية تجيبلى ورده” الورد حلو وكل حاجة وهدية رومانسية بتفرح بس ده ميمنعش ان الحاجات الغالية بتفرح جداااا
.. قال رسول الله صلى الله عليه وسلم : (تهادوا فإن الهدية تسل السخيمة) , (تهادوا تحابوا)…ده غير ان البعض بيفسر عدم فهمك للإتيكيت فى الهدايا انه بخل او غشومية عشان كده لازم تاخد باك.
♥
بالنسبة للناس اللى مقبلة على الخطوبة او المخطوبين: (ياريت فى كل نقطة نعرف ونقدر ان كل واحد ليه ظروفه المادية اللى بتختلف عن غيره وانه ممكن يعمل النقط دى على أد امكانياته بشكل شيك وبسيط وبرده مبيبقاش فوت حاجة)
أولا: هدية قراية الفاتحة ودى مهمة جدا لانها تعتبر اول حاجة يشوفوها منك فبلاش يكون الانطباع الاول سئ وياسلام لو جبتلها حاجة دهب حتى لو كانت بسيطة ممكن خاتم او اكتر على حسب امكانياتك وطبعا مش مستحب ان البنت من أول قراية فاتحتها تلاقيك بتفاجئها بالدبلة لانها اولا قراية فاتحة ثانيا لان الدبلة دى جزء من الشبكة فممكن تخاف انك بكده مش ناوى تجيب شبكة كويسة .
http://as7ab.me/wp-content/uploads/2012/04/269771_115273915233031_100002512684670_122494_6475 202_n-200x300.jpg (http://as7ab.me/wp-content/uploads/2012/04/269771_115273915233031_100002512684670_122494_6475 202_n.jpg)
ثانيا: مش عايزة انسى ان داخلة بيت العروسة فى الأول مهمة جدا ومهما كانت الناس طيبة ومتواضعة بيستنوا يشوفوا انت هتجيب ايه اختبارا لزوقياتك فمتخزلهمش..مستحب فى الموقف ده يتجاب شيكولاته نوع محترم تتحط فى صنيه او طبق كريستال اوعلى حسب امكانيات كل واحد .. او ممكن تورته فخمة من عند حلاونى اسمه كويس.
ثالثا: موضوع المواسم بقا.. عندك شوية مواسم اساسية لازم متطنش فيهم وهما (العيد الصغير و العيد الكبير وعيد الأم ومولد النبى و عيد ميلادها و رمضان) فى المواسم دى بتتفاوت الهدايا من عدية لكحك وبيتيفور من عند حلوانى كويس وياميش رمضان و حلاوة المولد وطبعا هدية عيد ميلادها وهدية مامتها فى عيد الأم .. الاجمل من كل ده هو التفاهم اللى المفروض يكون بينكم وانك ممكن تستشيرها فى هدية عيد الأم او فى اى هدية من اللى فاتت بس على شرط تسيب حاجة تفاجئها بيها مش كل ورقك يبقا مكشوف.
رابعا: فى بنات بتزودها وبتبقا منتظرة هدايا فى الفالنتين ولحمة العيد الكبير وهدية السنة الجديده “هابى نيويير فين بابا نويل بقا يا بيبى؟” و هدية ناجحها فى الترم الاول والترم التانى وهدية لأخوها فى عيد ميلاده وكل الهدايا دى مش منك انت بس منك انت وباباك ومامتك وكلام كتيركده دى بقا الله يعينك عليها!!! ونصيحها منى تسيبك منها بقى http://as7ab.me/wp-includes/images/smilies/icon_biggrin.gif
ممكن تعمل كل اللى فات ده كله بس متتحسش ومتفرحش البنت وممكن تعمل اقل من كل ده بكتيييير وتخليها طايرة من الفرحة .. كلة متوقف عليك انت
يعنى مثلا من غير مناسبة تلاقيك جايبلها وردة صغننة مع كلمتين حلوين هتجننها. ♥
عزيزى الراجل دقيقة من فضلك..ومتعملش نفسك عارف كل حاجة..هقولك على شوية حاجات كل البنات بتموووت فيها حتى لو معترفتش بكده.
فيه فى الأتيكيت قسم خاص بفن الهدايا و سواء كنت خاطب او غيره لازم تبقا عارف ايه اللى بيفرح البنت حتى لو قالتلك “انا الحاجات دى مبتفرقش معايا” او “اصل انا مش مادية ومش عايزة حاجة غالية .. كفاية تجيبلى ورده” الورد حلو وكل حاجة وهدية رومانسية بتفرح بس ده ميمنعش ان الحاجات الغالية بتفرح جداااا
.. قال رسول الله صلى الله عليه وسلم : (تهادوا فإن الهدية تسل السخيمة) , (تهادوا تحابوا)…ده غير ان البعض بيفسر عدم فهمك للإتيكيت فى الهدايا انه بخل او غشومية عشان كده لازم تاخد باك.
♥
بالنسبة للناس اللى مقبلة على الخطوبة او المخطوبين: (ياريت فى كل نقطة نعرف ونقدر ان كل واحد ليه ظروفه المادية اللى بتختلف عن غيره وانه ممكن يعمل النقط دى على أد امكانياته بشكل شيك وبسيط وبرده مبيبقاش فوت حاجة)
أولا: هدية قراية الفاتحة ودى مهمة جدا لانها تعتبر اول حاجة يشوفوها منك فبلاش يكون الانطباع الاول سئ وياسلام لو جبتلها حاجة دهب حتى لو كانت بسيطة ممكن خاتم او اكتر على حسب امكانياتك وطبعا مش مستحب ان البنت من أول قراية فاتحتها تلاقيك بتفاجئها بالدبلة لانها اولا قراية فاتحة ثانيا لان الدبلة دى جزء من الشبكة فممكن تخاف انك بكده مش ناوى تجيب شبكة كويسة .
http://as7ab.me/wp-content/uploads/2012/04/269771_115273915233031_100002512684670_122494_6475 202_n-200x300.jpg (http://as7ab.me/wp-content/uploads/2012/04/269771_115273915233031_100002512684670_122494_6475 202_n.jpg)
ثانيا: مش عايزة انسى ان داخلة بيت العروسة فى الأول مهمة جدا ومهما كانت الناس طيبة ومتواضعة بيستنوا يشوفوا انت هتجيب ايه اختبارا لزوقياتك فمتخزلهمش..مستحب فى الموقف ده يتجاب شيكولاته نوع محترم تتحط فى صنيه او طبق كريستال اوعلى حسب امكانيات كل واحد .. او ممكن تورته فخمة من عند حلاونى اسمه كويس.
ثالثا: موضوع المواسم بقا.. عندك شوية مواسم اساسية لازم متطنش فيهم وهما (العيد الصغير و العيد الكبير وعيد الأم ومولد النبى و عيد ميلادها و رمضان) فى المواسم دى بتتفاوت الهدايا من عدية لكحك وبيتيفور من عند حلوانى كويس وياميش رمضان و حلاوة المولد وطبعا هدية عيد ميلادها وهدية مامتها فى عيد الأم .. الاجمل من كل ده هو التفاهم اللى المفروض يكون بينكم وانك ممكن تستشيرها فى هدية عيد الأم او فى اى هدية من اللى فاتت بس على شرط تسيب حاجة تفاجئها بيها مش كل ورقك يبقا مكشوف.
رابعا: فى بنات بتزودها وبتبقا منتظرة هدايا فى الفالنتين ولحمة العيد الكبير وهدية السنة الجديده “هابى نيويير فين بابا نويل بقا يا بيبى؟” و هدية ناجحها فى الترم الاول والترم التانى وهدية لأخوها فى عيد ميلاده وكل الهدايا دى مش منك انت بس منك انت وباباك ومامتك وكلام كتيركده دى بقا الله يعينك عليها!!! ونصيحها منى تسيبك منها بقى http://as7ab.me/wp-includes/images/smilies/icon_biggrin.gif
ممكن تعمل كل اللى فات ده كله بس متتحسش ومتفرحش البنت وممكن تعمل اقل من كل ده بكتيييير وتخليها طايرة من الفرحة .. كلة متوقف عليك انت
يعنى مثلا من غير مناسبة تلاقيك جايبلها وردة صغننة مع كلمتين حلوين هتجننها. ♥