متقلقش لسة عندك وقت

[♥ρėŧŧу ςαŧ♥]

بسم الله الرحمن الرحيم


تخيل انك نمت ...
فجأة صحيت على امتحان!!
طيب هدخل الامتحان اعمل ايه؟
هجاوب بإيه... انا مستعدتش!!!http://www.goodwayinlife.com/forum/images/smilies/SnipeR%20%2877%29.gif

تخيل ان في لاعب مش بيقدر يجري ربع ساعة
و يقولك مش مشكلة لما اشوف الناس بتشجعني في النهائي
اكيد هنشط و هجري ساعة و نص و اجيب جولhttp://www.goodwayinlife.com/forum/images/smilies/SnipeR%20%2825%29.gif

تخيل ان في واحد بيشيل 50 كيلو اثقال
و لما يدخل مباراة يقولك انا هشيل 250 كيلو!!!http://www.goodwayinlife.com/forum/images/smilies/SnipeR%20%2826%29.gif

تخيل انك بنيت عمارة من غير اساس؟
هييجي عليها وقت و تقع بسرعة!

كل الحاجات دي لازم نستعد ليها

صح...!

طيب ليه منطبقش الكلام ده في امور دينا

لازم نتبصر و نفهم مبدأ الاستعداد لرمضان
عشان لما يدخل رمضان باذن الله
خلاص هيكون عندنا اساس و نبتدي نبني بس

اللي مش بيقدر يقعد ربع ساعة يقرأ قرآن
ازاي هيقدر يستحمل شهر كامل يقرأ فيه قرآن؟ http://www.goodwayinlife.com/forum/images/smilies/SnipeR%20%2871%29.gif

اللي عمره ما قام الليل ...
ازاي هيستحمل القيام و التراويح و قلة النوم؟؟ http://www.goodwayinlife.com/forum/images/smilies/nam.gif

و حتى لو استحمل و عمل مجهوده
هتلاقيه لسه بيجاهد نفسه عشان ميفترش

و لما خلاص يلاقي نفسه بدأ يخشع
و عنيه تدمع و يحس القرآن بقلبه
هيلاقي خلاص رمضان خلص!!! http://www.goodwayinlife.com/forum/images/smilies/SnipeR%20%2872%29.gif


اكتر سبب لتضييع رمضان هو عدم الاستعداد له
رمضان مش عصى سحرية
اول ما هييجي القلب اللي كان قاسي طول السنة هيرق
و العنين اللي منزلتش منها دمعة هتسيل
و القرآن اللي مكنتش بتحس بيه فجأة هتعيط منه

لو عايز تحصد في رمضان
يبقى لام تزرع في رجب و تسقي في شعبان

تزرع في قلبك حب الطاعات و العمل بيها
و تسقيها في شعبان عشان قلبك يرق
عشان تحصد في رمضان الخشوع و التقوى

و تبقى شحنة قوية تقدر تكمل بيها بعد رمضان
و مش تفتر و تتعب من اول شوال