لازم بعد رمضان هتتغير، لازم رمضان يأثر فيك [الأرشيف] - منتديات ايجى ميزا

ayoun elkamr

20-08-2012, 11:15 AM

انت كنت وانت صايم بتراقب ربنا في اصغر شيء لو شوية ميه دخلوا في فمك و انت بتتمضمض بتقعد تبصق علشان تطلعهم.. مع انك ممكن تبلعهم و محدش شايفك.. بس انت بتراقب ربنا..

يبقى لازم يستمر المعنى ده في قلبك بعد رمضان
انت في رمضان كنت بتصلي وتقرأ قرآن وتشارك في الخير.. ورب رمضان هو رب بقية السنة..

لازم تستمر على الصلاة و القرآن و الخير طول عمرك
لازم تستعد وتجهز لليوم اللي هتقابل فيه ربك!

انت عمال تقول انك مش قادر تبطل معاصي و ان معندكش ارادة.. و ده كله و الله وهم x وهم!!

انت قدرت تصوم عن الحلال 30 يوم متواصلين!
هتقدر باذن الله تبعد عن كل حرام.. هتقدر تتغير في رمضان و تثبت بعدرمضان باذن الله..

هتقدري يا اختي تقاومي نفسك و شيطانك، و تغيري البدي و البنطلون و كل اللبس اللي يغضب ربنا..

هتقدر يا اخي تغض بصرك وتصون قلبك..

هنقـــــدر يا شباب..

بارادتنا هنقدر نغير كل حاجة غلط في حياتنا..
بس محتاجين نعقد النية.. و نستعين بالله..

محتاجين نخلي دايما عندنا هدف..
و مفيش هدف اسمى و انبل و اعظم من رضا ربنا..

ربنا اللي يريد لنا اننا نعيش احلى و اسعد حياة