نصائح ضرورية قبل استخدام مكواة الشعر [الأرشيف] - منتديات ايجى ميزا

ayoun elkamr

01-09-2012, 08:03 AM

طبعا محدش دلوقتى بيستغنى عن المكواة
خاصة انها سهلة وعملية عن السيشوار
وطبعا فيه ناس كتير شعرها بيبوظ من كتر مابيستخدموها
استخدام
المكواة
فى حد ذاته مش غلط بس الطريقة هيا اللى بتبقى غلط
عشان كده النصايح دى عشان يبقى شعرك مفرود وفى نفس الوقت سليم

1.لازم تكونى غاسلة شعرك فى نفس اليوم اللى هتستخدمى فيه المكواة
مينفعش ميكونش اتغسل قبلها بيوم او اتنين..اغسليه ولازم تستخدمى البلسم او حمام الكريم عشان تغذيه كويس لأنه هيتعرض لدرجة حرارة عالية..وبعد ماتغسليه سيبيه لحد ماينشف لوحده او نشفيه بالمجفف او السيشوار وبعد كده استخدمى المكواة
.
2.لازم لازم لازم يكون نوع المكواة
كويس..مش لازم براون يعنى بس على الأقل تكون ماركة معروفة لأن الماركات الرخيصة المنتشرة بتحرق الشعر
مش بتفرده.
3.ابدئى بدرجة حرارة متوسطة وزوديها لو كان شعرك تقيل او مجعد وقلليها لو كان شعرك خفيف او ناعم.
4.يفضل انك ترشى السبراى الواقى من الحرارة قبل ماتستخدمى المكواة
وسيبيه يجف لوحده.
5.ماتسحبيش الشعر
يعنى ماتجيبيش المكواة
من جذور الشعر
وتسحبيها لآخر أطراف الشعر
لأ افتحى المكواة
واقفليها على الشعر
وانزلى بالراحة حتى اخر الشعر
.
6.ماتعرضيش شعرك للحرارة لمدة طويلة.