صينية قرنبيط باللحمة المفرومة [الأرشيف] - منتديات ايجى ميزا

ayoun elkamr

21-09-2012, 07:35 AM

http://im23.gulfup.com/2012-03-11/1331487221421.jpg

المقادير اللي هتستعمليها
قرنبيط
نصف كيلو لحمة مفرومة
عصير طماطم
بصل مفروم ناعم
كسبرة خضرا و شبت
توم - ملح - كمون - كسبرة - شطة - فلفل أسود
3 بيضات
زيت للقلي

الطريقة
أول حاجة هتقطعي القرنبيط على شكل وردات متوسطة
و بعدين هتحطي حلة فيها ماية ع النار تغلي و هتحطي فيها شوية ملح ... و هتسلقي القرنبيط ... من 2 : 3 دقايق ... وهتطلعيه تحطيه في مصفاة يتصفي و هتسيبه ع جنب دلوقتي

تحضير الخلطة
هتجيبي الخلاط و هتقطعي فيه الكسبرة و الشبت تقطيع ناعم ... و هتحطي فصوص التوم و الملح و الكمون و الكسبرة و الشطة و الـبيض ... و هتخلطيهم لحد مايبقا قوامهم متوسط بحيث يثبت ع القرنبيط ... و سيبيها ع جنب

تحضير اللحمة المفرومة
هتجيبي طاسة و تبشري فيها بصلة بشر ناعم و طمطماية صغيرة كمان ... و تحطي عليها اللحمة و الملح و الفلفل و معلقة سمنة أو شوية زيت زي ماتحبي ... و تحطيهم ع النار مع التقليب لما تحسي ان اللحمة خلاص بقت متعصجة حلو ... و سيبيها ع جنب

تحضير القرنبيط للقلي
هتجيبي الخلطة اللي عملناها ... و هتجيبي القرنبيط و تحطيه في الخلطة و تقلبيه ... و هتكوني محضرة طاسة فيها زيت ع النار ... وتبدأي تقلي القرنبيط نص قلي مش تقليه أوي علشان لسه هيتحط ف الفرن ... خلصتي القلي ،،، تعالي بقا نحضر الصينية

هتجيبي الصينية و تحطي فيها عصير الطماطم و تحطيها ع النار 5 دقايق كده و بعدين تحطي القرنبيط ف الصينية و فوقيه اللحمة و تقلبي كل ده ع النار 10 دقايق ... و بعدين دخلي الصينية الفرن تتحمر
ودي بعد أما تخرج من الفرن