فهل يأكل الذئب ذئبا

[المهاجر]

فهل يأكل الذئب ذئبا
او يأكل الماعز ماعز


منذ عهد الافتتاح ظهر التلاعب بالمواطن البسيط كاستيراد علف للاسماك(فراخ نافقه)وبيعها للمواطن لاننا معده تهضم الظلط
او عمل سحب على جوائز مكونه من (عربيه- موتوسيكل- شاشه ديجتال) والكوبون بجنيه
الفكرة لم تكن فى ثمن الدجاجه الذى لا يتجاوز الخمس جنيهات او ثمن الكوبون وانما فى عدد المشتركين الذى سيتجاوز المليون طمعا فى الغنى لاننا شعب عفوا فقير
وليس فى الامر جديد عفوا دائما يتم استغلال الضعفاء ولكن هل يأكل الذئب ذئبا او الماعز ماعز؟[/color]
وكيف وصل الامر الى ان يستغل الفقير من يضارعه فقرا؟
وحديثنا اليوم بصدد نوع جديد او طريقه جديده من طرق استنزاف الفقراء دماء الفقراء وهى ان التوك توك اصبح عمله رسميه متداوله بين ارجاء مصر المحروسه ولكنها عمله غير معترف بها المشكله ليست فى التوك توك ولكن فى طريقه استغلاله
التوك توك اصبح الوسيله الوحيده للمواصلات فى بعض المناطق سواء راقيه او نائيه ومن المضحك انى سألت احد سائقى التوك توك بمنطقه حدائق المعادى
*اريد الذهاب الى.............
_فقال بكل شموخ ده توك توك بيطلع مخصوص زى التاكس مش عايز عندك هتلاقى تكاتك بنص جنيه
فوافقت مرغما على ركوب المخصوص لعدم وجود التوك توك الشعبى ابو نص جنيه وكم عانيت من المطبات كأنى اعتلى صهوة جمل فى منطقه جبليه فاذا بالسائق يسأل زميلا له فى المهنه من اصحاب التكاتك الغير مخصوصه خدت اجرة الدور اللى فات بكام فكانت الاجابه مثيره خدت من النفر جنيه لان الدنيا زحمه واهى فرصه احنا ساعات بنعد بالساعه على مانعمل دور
اعترف الان ان الماعز اصبح يأكل ماعز
فهل اصبح الشعب هو اللقمه السائغه فى افواه سائقى التوك توك ليتحكمو فى رفع وانخافض الاجر على حسب حاله الازدحام بلا قانون يحكم هذه الوسيله الهمجيه من المواصلات بتوحيد اجر معين يلتزم به الجميع وتمهيد طرق لها ام سنكتفى باخر اغنيه نزلت لاحد المطربين(ياتوك توك يا جميل يا صغير)
ام ينتهى الامر بان يأكل الفقراء انفسهم؟


الامضاء

المهاجررررررررررررررررر

[7ATEM]

والله يا شمس الجشع والطمع واهمال المسؤلين

غير وبهدل حاجات كتير ف البلد

حتى ارخص حاجة الأكل

يعنى التكاتك والحاجات دى فى بديل ليها

انما الأكل .. هتعمل فيه ايه وتجيبله بديل منين؟

يعنى الواحد فعلا مش عارف يعمل ايه

شكاوى بتتقدم بالجملة وبرده مافيش اى تحرك من حد

بقينا للأسف لقمة من ارخص ما يكون للناس دى

بس برده ارجع واقول احنا اللى بنجيبه لنفسنا

احنا اللى بنتحرك بعد الهنا بسنة

واحنا اللى سايبين الناس تعمل اللى على هواها

مش بنقول ليه ولا بنتعارض .. واللى يتعارض يبقى مصيره ورا الشمس

مش مهم المقابل ايه .. لأن اساسا انت نفسك مالكش مقابل ولا تمن

لنا الله يرحمنا برحمته .. الحمد لله رب العالمين

تسلم ايدك يا شمس :)

[BECKHAM]

تسلم يامهاجر وكلامك سليم وفى كل مكان الاستغلال والناس بتاكل بعضها ومفيش رقابة لا على تكاتك

ولا على وسائل مواصلات ولا على اسعار الاكل والسلع الغذائية ,,

البلد باختصار بتعيش حالة تردى وانحدار هابط للاسفل وخير بلدنا مش لينا للاسف وكرامتنا مهدرة ,,

المساوىء بقت كتيرة قوى اكتر من اننا نقدر نحصرها للاسف ,,

توبيك اكثر من رائع ويارب اصلح الحال وولى امرنا الصالحين ,,

[bondok]

تسلم ايديك يا شمس،،
كلام بجد ولا اروع،،
وجماله الاكتر فـ واقعيته،،
لان هو ده واقعنا ودنيتنا،،
ان لم يكن مصيرنا،،
والغلط مننا وعلينا،،
ربنا يرحمنا برحمته يارب،،

[المهاجر]

توبيك في الجون يا مهاجر

بس مش سواقين التكتك بس اللي بيتحكموا في الناس

لا كل سائقي وسائل المواصلات

عاوزين يركبوا الناس على مزاجهم

و برضه هتدفع الاجرة اللي يقولك هو عليها

مش اللي على تقديرك انت ليها

كمان التوكتوك وسيلة مواصلات غير مرخصة

بس للاسف انتشر بسرعة جدا

بس هسالك سؤال

هو في ايه يعني صح في البلد

اما هتيجي على بتوع التكاتك ؟؟؟

فائق احترامي ليك يا مهاجر

و هتابع بقية الاراء :)

اسعدنى مرورك
تعليقى على التوك توك خاصه هو تعليقى على تدنى الوضع ومدى استياؤه مع كامل الاعتراف بصحه رايك وكلامك
ولكن ان بحثنا عن الصحيح فى بلدنا هذا فسنجد الصحيح كقش وسط نار ما ينتظر سوى ان يحترق

[المهاجر]

تسلم يامهاجر وكلامك سليم وفى كل مكان الاستغلال والناس بتاكل بعضها ومفيش رقابة لا على تكاتك

ولا على وسائل مواصلات ولا على اسعار الاكل والسلع الغذائية ,,

البلد باختصار بتعيش حالة تردى وانحدار هابط للاسفل وخير بلدنا مش لينا للاسف وكرامتنا مهدرة ,,

المساوىء بقت كتيرة قوى اكتر من اننا نقدر نحصرها للاسف ,,

توبيك اكثر من رائع ويارب اصلح الحال وولى امرنا الصالحين ,,


اسعدنى مرورك بيكهام
ولكن الى متى سنقوم بدور المتفرج الذى ليس له اى دخل بتغيير مجريات الامور؟

[المهاجر]

والله يا شمس الجشع والطمع واهمال المسؤلين

غير وبهدل حاجات كتير ف البلد

حتى ارخص حاجة الأكل

يعنى التكاتك والحاجات دى فى بديل ليها

انما الأكل .. هتعمل فيه ايه وتجيبله بديل منين؟

يعنى الواحد فعلا مش عارف يعمل ايه

شكاوى بتتقدم بالجملة وبرده مافيش اى تحرك من حد

بقينا للأسف لقمة من ارخص ما يكون للناس دى

بس برده ارجع واقول احنا اللى بنجيبه لنفسنا

احنا اللى بنتحرك بعد الهنا بسنة

واحنا اللى سايبين الناس تعمل اللى على هواها

مش بنقول ليه ولا بنتعارض .. واللى يتعارض يبقى مصيره ورا الشمس

مش مهم المقابل ايه .. لأن اساسا انت نفسك مالكش مقابل ولا تمن

لنا الله يرحمنا برحمته .. الحمد لله رب العالمين

تسلم ايدك يا شمس :)


اخى العزيز اصبح قانونا الوحيد المتحكم فينا والمبدأ الذى نراه صالحا لنا هو الجبن سيد الاخلاق
فيما مضى ايام السادات قامت ثوره تسمى بثوره الجعانين حينما زاد سعر السكر خمسه قروش
واضطر الرئيس اسفا باستعاده السعر الاصلى انصياعا لامر الناس خوفا من غضبهم العارم
وذلنا هذا هو ما صنعناه بانفسنا فلنتحمل او نكتب خطاب هجره علنا نجد فى غربتنا مالم نجده فى وطننا

[المهاجر]

تسلم ايديك يا شمس،،
كلام بجد ولا اروع،،
وجماله الاكتر فـ واقعيته،،
لان هو ده واقعنا ودنيتنا،،
ان لم يكن مصيرنا،،
والغلط مننا وعلينا،،
ربنا يرحمنا برحمته يارب،،


سلمت اخى العزيز
ولكن واقعيه الكلام نابعه من مرار الحقيقه
وما عدنا نفكر فى شىء سوا ماذا سناكل كيف سنعيش وكاننا ما خلقنا الا لكى نفكير كيف ستسير امور حياتنا
وكاننا ماعدنا فى بلد ينعى هم سوى هم ملىء البطون
لقد فرغت العقول وباتت الثورات والبطولات ذكرى والوضع القائم هو الطوارىء فى الشوارع والجوع فى البيوت والحزن فى القلوب والخواء فى العقول

[المهاجر]

للاسف كل اللى بيحصل بايدينا

لاننا قبلنا يتعمل فينا وماتكلمناش

تحت مسما

ان الكبير بياكل الصغير

كدا لا عمر الكبير هايبطل

ولا عمر الصغير هايكبر

وبنفضل ناكل ف بعض

واللى بيخلص علينا مننا فينا

بجد كلام ولا اروع ف واقعيته

ف انتظار جديدك يا شمس
اسعدنى مرورك
ليس الامر فى قبولنا بان ياكل القوى ضعيفا بل الامر فى حمايه البلطجى لذوى المال واستنادهم بالسلطه
وكما قيل فى احد الافلام (ضربونى واشتكو سبقونى وبكو)
وندمى على بلد قد ماتت فيه الحريه باسم الديموقراطيه

[همس القلب]

عندك حق فعلا اكنك راكب جمل بس جمل 2010
على الموضوة ياعنى
هههههههههههههههه
فعلا الجشع فى البنيادمين بقى واضح جدا فكل شىء حوالينا
ربنا يرحمنا برحمتة

[Remas.zg]

والله يا مهاجر مش بس التوكوتك اللى بقى صعب
ده كمان المواصلات والتكسيات بقت حاجة صعبة
وبيطلبو فلوس كتير ولو مش عجبنى اركب اتوبيس
واريح دماغى والواحد بيضطر يدفع طبعا
بس انا اسمع ان التوكتوك ده بقى موجود فى كل مكان
والتوصيلة بجنية وطبعا كل متزيد التوصيلة تزيد الفلوس

[♥ρėŧŧу ςαŧ♥]

ليس التوك توك فقط
ولكن نرى الكثير والكثير
اقربها الى ذهنى
ما حدث خلال الثوره من غلاء للاسعار
قامت الثوره لتنادى بلا
لغلاء الاسعار
لا للمحسوبيه ولا ولا ..... الخ
وقام البعض ليتاجر باحتياجات الناس
نغير رأس الفساد ولا نغير ما بأنفسنا
تحياتى وتقديرى لقلمك الرائع