وقعت ؟؟

[ayoun elkamr]

طب و بعدين ؟ هتفضل كدة !! هتيأس !!

لا طبعا !! هتــقوم

هتــقوم و تكمِّــل و تبقى أحسن من الأول كمان

عــارف لـيه ؟؟

عشآن اليأسْ دَة مش من صفاتنا ,,

اليــأس دة مش ليــنا ,,

{وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ } "يوسف"

طب أنا مش قااادر .. انا مفيش فايدة فيا !!

لا إنت قادر .. والله تقدر .. و هتجاهد نفسك غصب عنها و تقوم ..

عارف ليه ؟؟ دة مش كلامى !!

دة كلام ربنا سبحانه و تعالى :

( لا يُكَلِّفُ اللَّهُ نَفْسًا إِلَّا وُسْعَهَا )

طالما قاللّك قـــوم ,,, يبقى عارف انك تقدر تقوم ,,

طب أعمل إيه عشان أخرج من اللى انا فيه ؟؟

أنا كل ما برجع خطوة لورا .. او بقع فى الطريق بفضل زى مانا ... بكتئب .. نفسي بتتسد عن كل حاجة .. مش ببقى طايق نفسي ولا اللى حواليا !!

اقولك بقى .. انت اول حاجة و انت قاعد تستعيذ بالله من الشيطان الرجيم كتييييير و قولها بصدق ..

يعنى ايه بصدق ؟؟ يعنى تدعى ربنا من كل قلبك انه يصرف عنك الشيطان و وساوس الشيطان ..

و بعدين ؟؟ تقوم بقى كدة زى الشاطر تجااااااااااهد نفسك و تتوضى ..

هتحس انك هدييييييت كتير بعد الوضوء ..

و بعدين تروح تفرش مصلتك ,, و تقول الله أكبر و تدعى ربنا كتيييييير انه يصرف عنك همّك

و إنه يثبتك عالطريق السليم .. و إنه يرزقك توبة نصوحة لا رجوع بعدها أبداً

ادعى على قد متقدر .. متقولش انا لا أحسن الدعاء !!

هو مش ربنا دة اللى خالقك ؟؟!! يعنى اكيد هيفهمك أكتر من نفسك :)

متسلِّــمش من الصلاة إلا و انت قايل كل اللى نفسك فيه ..

إلا و انت حاسس بقمة الراحة ..

و من هنا و رايح قول لنفسك : ( لا لليـــِأس )