أيهما أرحم .. جنة الغربه أم جحيم الوطن ؟!

[لو اننا لم نفترق]

السلام عليكم ورحمة الله وبركاته

أيهما أرحم .. جنة الغربه أم جحيم الوطن ؟!

الغربة
عندما يكون العاشق غريبا والمعشوق وطنا يصبح للحب طعما آخر
و للغربة مذاق مر لا يدركه إلا من تجرع من كأسه وذاق لوعاته وغص بآهاته.
للغربة نصل يتغلغل إلى أن يصل إلى العمق فيصبح الجرح في الأعماق وعندها لا نستطيع إيقاف النزيف .
للغربة سياط تترك آثارها على أجسادنا وأرواحنا و نظراتنا و أنفسنا فلا نستطيع الخلاص منها أبد الدهر لتكون وصمة على الجبين تعلن للجميع إننا لسنا سعداء .
للغربة آلام كآلام المخاض تبدأ بسيطة ثم
لا تلبث أن تصل إلى قمة عدم الاحتمال - يبدو أن الفرق بينهما أن آلام المخاض تتبعها حياة روح وآلام الغربة يتبعها موت روح .
قد تكون الغربة حلا أمثل عندما ينبذنا الوطن ...

وتلفظنا أرضه ..
وتحملنا ريحه إلى البعيد ..
لتتركنا في الإقامة الجبريةخارج حدوده ..

ولا يرق قلبه لدموعنا وتوسلاتنا ..
ولا تجدي معه قصائد استعطافنا واستجدائنا ولا يطربه شدونا ولا يحرك فؤاده حبنا له وعشقنا لثراه .
عندها نضطر لحزم حقائبنا وذكرياتنا وما بقى من كرامتنا ..
ونبدأ في البحث عن وطن جديد ..
وطن يقبل بنا ويأوينا ..
وحنيننا يشدنا إلى الوطن الأول ..
وكرامتنا تدفعنا في المضي قدما للبحث عن وطن يتبنانا ...
ولكن الحنين يعذبنا ..
والبعد عن أرضنا يذبحنا من الوريد إلى الوريد .. ونكون على يقين تام بأننا سنعود يوما إلى الوطن .. سنعود إلى أحضان الأم الحقيقية التي أنجبتنا..
في الغربة تقتل الأحلام ..
و تنتحر الامانى ..
و يذبل القلب ..
ويتجمد الإحساس ..
ارايت الزهرة ان قطفت واجتثت من أصلها ..
فإما أن تذبل وتموت أو أن تجف وتبقى جسدا بلا روح
ولكن يبقى السؤال حائرا ..
أيهما أرحم .. جنة الغربه أم جحيم الوطن ؟ !



منقول

[انا لحبيبى]

السلام عليكم
لسه كنت بتكلم ف الموضوع ده امبااااااااارح
بهدله ببهدله وقله كرامه بقله كرامه يبقى ف بلدى احسن ع الاقل منى مش حد غريب مسخرنى

جحيم الوطن حتى بكل مساوئه بس اسمى وسط اهلى وناس يوم ماقول اه الاقى حد يقف جنبى يوم ماتعب واحتاج افضفض مع حد قريب يفصل بينى وبينه خطوه او حتى ساعه ولا اتنين مش بلاد وبحور
الغربه قاتله بكل المقاييس


وجه نظرررررررررى لا أكثر

تسلمى ع الموضوع

[♥ρėŧŧу ςαŧ♥]

اكيد فى بلدى احسن
وابقى فى وسط اهلى احسن من الغربه
تسلم ايدك على التوبيك

[زائر]

السلام عليكم
الغربه بشتى انواعها فهى جرح بالقلب ينزف لا يلتئم الا بالعوده للوطن
واصعب الانواع هى غربه النفس
فتجد نفسك مغترب داخل وطنك
وهذا هو السائد حاليا
تقديرى


وعليكم السلام ورحمة الله وبركاتة
انا بتفق مع كلام صدفة

[حنين حنونه]

أيهما أرحم .. جنة الغربه أم جحيم الوطن ؟ !
...........................برغم ان الوطن اسىء جداااااااااااا جداااااااااااا
بس ................
جحيم الوطن ارحم بكثييييييييييييييييييير من جنة الغربه
اصعب احساس ممكن يمر على انسان هو احساس الغرب او الغريب


خالص تحياتى موضوع رائع
حنين

[bondok]

فـ الحالتين احنا اللي بندفع التمن،،
ناس هتقول جحيم الوطن .. وناس هتقول جنه الغرب،،
لكن صعب اوى اما اختار جحيم الوطن،،
والوطن باللي فيه .. مبقاش فيه ادني درجات الرحمه،،

[لو اننا لم نفترق]

ميرسى ع ردودكم ونورتونى بجد

انا قلت اجرب اسافر اشوف ايه الى يسافر مش طايق يقعد بره ليه
قعدت 3 شهور فى دبى مش عاوزة اقولكم قد ايه جميله بجد روعه من كل حاجه فيها
بس 3 شهور حسيت انى زى ما بموت نفسى ارجع اهلى وصحابى ده كفايه لما ببقى مخنوقه بنزل اتمشى فى اى حته
بس رجعت لقيت حاجات كتير اتغيرت ومبقاش الناس زى ما هى بس بردوا محبتش اكررها تانى ولا احب
هى الحياه خنقه بس بقول استحملى يمكن ربنا يكرم ويتغير كل ده
انا بس حبيت اقولكم ان هى احسن من بلد تانيه ع اقل بتحس الناس فعلا طيبه حتى لو كانو اتغيروا

[El-ToRkY]

انا مش هقولك بقى جنة الغربة
لا انا هقولك نار الغربة ارحم من جحيم الوطن

وطن ايه ده اللى اكون باقى عليه وهو مش عاوزنى
عملى ايه الوطن ده اصلا عشان اخاف عليه
ولا حتى اقارن بينه وبين اى مكان تانى
اهو حتى ع الاقل لما اتمرمط بره
مش هيكون فيه حد عارفنى
مش احسن ما اكون ف بلدى وشايف الغريب فيها
شايلاه ع الراس وابنها دايسة ع رقبته برجليها

هناك اتمرمط شوية اه وبعدها ممكن ربنا يكرمنى
ووقتها عمرة ما هفكر اجى الوطن اللى بتقولو عليه ده
لما اجى هنا هاجى عشان ليا ناس فيه بس
لا اكتر ولا اقل لكن حب وطن والكلام الفاضى ده
خلاص بقينا بنسمعه ف الاغانى الافلام التاريخية وبس

ده الواقع اللى احنا عايشينه رضينا أم أبينا

الله يحرق ابو ده وطن

[رزة]

طبعا ياجدعان جنة الغربة ازاى اقعد فى مكان نظام كوسة فى كل حاجة ووسايط وحاجة ارف
ومرتبات مفيش وكمان مفيش حد دلوقتى بينفع حد وناس كلها مشغوله وكل واحد ومصلحته لاسف ده بقى الحال واسوا كمان فى الوطن اللى بتقولوا عليه ارحم من الغربة

[جمال المصري]

http://img163.imageshack.us/img163/6532/gemy.gif

موضوعك جميل قوي ريم ويارب اقدر افيدك فيه

شوفي ريم وعن تجربه شخصيه

جحيم الوطن طبعا اهم

كفايه انك تحسي بالامان طول الوقت لانك في بلدك

وسط اهلك واخواتك واصحابك بتفرحي معاهم وتحزني معاهم

هقولك كام احساس دايما بعمل حسابهم قوي وبخاف منهم فعلا

في شهر رمضان مثلا ووقت اذان المغرب وانتي بتفطري لوحدك دة احساس مؤلم جدا

في الاعياد والناس كلها فرحانه وبتعيد علي بعض وانتي يدوب بيوصلك رساله او رنه برضو احساس مؤلم

لما واحد من اعز اصحابك يتجوز وكل اصحابك يكونو موجودين الا انتي وتسمعي منهم الجمله الشهيرة اللي بتدبح

الفرح كان ناقصك بجد وكان نفسنا تكون معنا النهاردة برضو احساس مؤلم جدا

لما بعد الشر يعني حد قريب منك يتوفي ومن مشفتهوش ومش هتعرفي تشوفيه تاني برضو احساس مؤلم

كل دي اسباب تخليكي تقولي ومن كل قلبك جحيم الوطن اهم من جنه الغربه

اسف ريم علي الاطاله بس بشرح للكل يعني ايه جنه الغربه اللي معظمهم اتمناها

تحياتي لكي ريم ولموضوعك الاكثر من رائع

[نور الأمل]

انا بالنسبة لي الغربة زي الوطن كله واحد مفرقش كتير
لكن الغربة ارحم بكتيييير من الوطن
يمكن لاني اتولدت في الغربة وعشت في الغربة 17 سنة يعني عمري كله
لكن الوطن عشت فيه 8 سنين بس ولسه حاسة اني متغربة
مع اني مرتبطة جدااااااااا باهل بابا احنا عندنا ترابط شديد فوق الوصف
لكن انا من النوع اللي بتأقلم في اي مكان اروحه
باحب الوحده وممكن لفترات طويلة توصل لشهور.. حسب ما اتعودت
والدنيا كلها بالنسبة لي والاهل والونس هي ماما الله يرحمها
ولما جينا مصر اتوفت يعني بقت غربة قااااااااااتلة في وسط بلدي
بالنسبة لي جربت الغربة اللي بره الوطن جميلة بكل المقاييس

مجرد راي .. والرأي لا يفسد للود قضية