المساعد الشخصي الرقمي

مشاهدة النسخة كاملة : ((( يابحر مالك حزين )))



ناصر الزيدى
23-12-2010, 08:28 PM
يابحر مالك حزين كده بالشكل ده


عمرى ماشفتك قبل كده بالحزن ده


ليه تبكى ليه وتضرب شطوطك


ليه تصرخ كده وبعلو صوتك


ويثور كده ع الخلق موجك


يابحر انا جايلك من مكان بعيد


جايلك احكى واشكى واعيد واذيد


بعد اما كنا اتنين يابحر انا جايلك وحيد


جايلك احكيلك وأوصفلك هزيمتى


جايلك اشكيلك من اللى كانت فى يوم حبيبتى


الاقيك يابحر رافض تسمع منى صوت


رافض تسيبنى انزل اغرق فيك واموت


عايزنى ليه ارجع لدنيا ماتستاهلش


عايزنى ليه ارجع لناس ما تتأمنش


عايزنى ليه ارجع لوحده ماتتوصفش


اهدى يابحر واسمعنى


اهدى وبلاش ترجعنى


اهدى وبلاش الحزن ده


ناصر الزيدى

واحدة من الناس
23-12-2010, 09:21 PM
اراه من كثرة دموع وشكوي الناس علي شطه قد أن ومل وثار وضج

كلماتك جميلة قوي قوي
احييك عليها

rwana
23-12-2010, 09:58 PM
جميله قوى قوى
وكلماتها حزينه ومعبرة
تسلم ايدك

yota
23-12-2010, 10:06 PM
تسلم ايدك ناصر على الكلمات المعبرة جداااااااااااااا


عجبتنى جداااااااااااا " بعد ما كنا اتنين يا بحر جايلك وحيد "


تسلم على الموضوع الجميل

♥ρėŧŧу ςαŧ♥
29-12-2010, 01:46 AM
جميله اوى
تسلم ايدك