وختامها مسك 2010 :) أسوأ واحلي

[صوصه]

السلام عليك ورحمه الله وبركاته

كل سنه وانتم طيبين يارب

انتهت السنه الميلاديه وبعد ساعات هتبدأ سنه جديده علينا كلنا واكيد هنستقبلها بركعتين شكر لله ودعاء

وبما اننا كلنا هنا زي العيله الواحده

عاوزين نخلي التوبيك ده ذكرايه

هنذكر فيه أسوا حدث حصلنا في 2010 وأحلي شئ حصلنا في 2010

يلا بينا نبتدي

بالنسبالي انا

أحلي حاجه حصلتلي : هو انا عندي الاسوأ اكتر والحمدالله يعني ههههههههه بس ده مينعش ان في برضه حاجات حلوه

احلي حاجه ممكن اقول يعني : خلصت الجامعه الحمدالله من كام اسبوع بس

أسوأ حاجه بقي : هيا حاجاااااات كتيره اوووي بس أسواها يعني مش فاكره بصراحه من كتر ماهيا سنه كبيسه :SugarwareZ-063:

....

بالنسبه للعالم

أحلي حاجه : مفيش حاجه بصراحه بس ممكن لجميع العرب كاس العالم اللي هيتم في أول دوله عربيه وهيا قطر

أسوأ حاجه : تتدهور حكومه مصر بالأوي .. وفساد مجلس الشعب ..وزياده العنوسه في البلد . وبقاء السيد الفاضل حسني مبارك ربنا ياخد من عمره ويدي للشعب

.....

أخيرا
يارب سنه جديده ونسألك يارب العالمين من خيرها ونعوذ بك من شره

وفي انتظاركم انتو كمان :SugarwareZ-191:

[bondok]

احم احم .. يارب ياساتر،،
اولا طبعا كل سنه وانتي طيبه يا صوصه،،
وان شاء الله تكوني خلصتي الكامعه بكل خير :D
الا هو انتي مقولتيش ليه :d
هههههههههههههههههههههههههههههه

ثم انا بالنسبالي احلي حاجه،،
اننا قدرنا نعمل مكان يجمعنا .. احسن مما كان،،
وان شاء الله ربنا يديم جمعتنا يارب،،

اسوء حاجه بقي .. حاجات كتير .. سوء الحظ :d

تسلم ايديكي يا صوصه .. وعاش مين شافكي :d

[صوصه]

زينب انتي نصابه

قولي احدث واسوا زي مابندق قال كده رغم ان بتاعه مش داخل دماغي بس همشالو عشان احنا اخر يوم النهارده

[yota]

صوصة كل سنة و انتى طيبة يا رب

كل سنة و كل أعضاء أسرة أجدع أصحاب طيبين و بخير يا رب

و الله 2010م مرت و فيها أشياء كتير جداااااا عندى

من أحسن الأشياء اللى حصلت:

* انى اتخرجت من الكلية ,, و حافظت على ترتيبى فى الأوائل و فى انتظار التعيين فى الكلية ان شاء الله /// أجمل حاجة فى كده انى أدخلت السرور على أهلى كلهم

*و كمان من أحسن الحاجات اللى حصلت انى اشتغلت فى مكان بحبه من كل قلبى

*و كمان انى اصبحت عضوة فى منتدى أجدع أصحاب

و من أسوا الأشياء اللى حصلت:

* انى اكتشفت خيانة أعز أصدقاء ليا بس مش ندمت عليهم لانى اتعلمت من اللى عملوه معايا

*و كمان انى كنت هموت مرتين فى المصيف بتاع السنة دى ,,, ههههههههههههه

*و كمان اتسرقت و اتسرقت الأشياء بتاعتى و كانت لسه جديدة


يالا الحمد لله على كل شئ سنة عدت بحلوها و مرها و احنا فى انتظار السنة الجديدة كمان ساعة و 45 دقيقة بالظبط

و أحلى حاجة انى هدخل السنة الجديدة و انا معاكم ,,, هههههههههههههههههههه

و بإذن الله هبتدى السنة الجديدة بصلاة ركعتين لوجه الله تعالى لعلها تكون مليئة بالخير و السعادة و الهنا

كل سنة و انتم طيبين يا رب

:SugarwareZ-233::SugarwareZ-233::SugarwareZ-233:

[صوصه]

هههههههههههه معلش بقي كلنا للسرقات دي محدتش بيسلم منها

[النجار5000]

كل سنه وانتى طيبه يا صوصه

بس على فكره

2010

اسوء سنه فى حياتى كلها من اول يوم لاخر يوم

[زائر]

وكلها كام يوم يا غالية ونستقبل 2012
وانتى مش معانا
وبقى موضوعك للذكرى
الله يرحمك ويكرم نزلك يارب وتكونى من اهل الجنة

[El-ToRkY]

الله يرحمك ويكرم نزلك يارب وتكونى من اهل الجنة

آآآآآآآآآمــــــــيـــن

[واحدة من الناس]

سبحان الله فعلا مين ضامن بكرة هيبقي فين
الله يرحمك يا هايدي
ويجعل مسواكي الجنة ويغفر ليكي
مكانك لسة بينا وانتي لسة معانا

[BECKHAM]

ربنا يرحمها برحمته ويغفر لها اللهم امين يارب

[♥ρėŧŧу ςαŧ♥]

ربنا يرحمك ويجعل مسواكى الجنه
الدنيا فانيه فعلا
ربنا يغفرلك يا هايدى ويجعل قبرك روضه من رياض الجنه