المساعد الشخصي الرقمي

مشاهدة النسخة كاملة : ازاى تشد انتباة البنت ليك من برجها‏



ملكه الاحزان
27-01-2011, 02:39 PM
الابراج والبنات

ده توبك كدة للهزار بس ... عايز تاخده جد ... خده كأنه جد

في كتير منه حقيقة .... وفي شوية هزار

اعتمدنا فيه على صفات البنات من الابراج ... وعلى التجارب الشخصية

ازاي تشد انتباه البنت من برجها؟

يالا نبدأ

في اربع انواع من الابراج

الابراج المائية ... الابراج الهوائية ... الابراج الترابية ... الابراج النارية
--------------------------------------------------------------------------

(( الابراج المائية .... زي (( الحوت .. السرطان ... العقرب

ودي ابراج البنت فيها بتكون (( حساسة ... رومانسية ... يسيطر عليها الخوف .. عندهم كبرياء فظييييييييع.. لديها مواهب متعددة في الادب والشعر والرسم بس صعب انها تعبر عن نفسها .... غامضة))ة

عشان كدة أي بنت في البنات دي لو عايز تشد انتباها .... تدخلها من ناحية قلبها ... تحسسها انك فاهمها (( حتى لو انت مش فاهمها )) .... مهي اصلا غامضة يا عم انت


حسسها انها شاعرة او رسامة او فنانة .... لانها في اغلب الاحيان مبيكونش عنها القدرة على ابراز مواهبها ... فأنت حسسها بقيمتها اوي

قشطة ؟ ..... قشطة

حسسها انك دايما في مستوى تفكيرها ..... لأن الابراج المائية دي مبتحبش الولاد اللي بيتذاكو عليهم .... محنا اتفقنا انهم بيحسو انهم مميزين وعباقرة

سر بنت مواليد الابراج المائية في كبريائها .... عشان كدة اوعى تهين أي بنت منهم ..... لان كرامتها بالدنيا

ساااامع ؟ اوعى اية يا حبيبي ؟ اوعى تهين اي بنت منهم

لازم تحتوي البنت دي .... لازم تحتوي البنت دي ... سامعني .... احتوي بنت الابراج المائية

لازم تبقى البنت حاسة انك حبيبها ... واخوها ... وابوها .. ومامتها ... وكل حياتها
------------------------------------------------------------------------------------

(( الابراج الترابية (( الجدي ... الثور .... العذراء

ودي ابراج البنت فيها بتكون (( عملية ... حمالة الاسية ..... صبوووووورة اوي.. انانية .. عنيدين اوي ... غيورين اوي .... راضيين بالامر الواقع .... صعب انهم يغيرو افكارهم بسهولة .... ومبيسمعوش كلام أي حد .... وانقياديين ))

بنات البرج ده لو عايز تلفت انتباهم .... يبقى اسهل حل واسرع حل ... انك تبقى شيك جدا ... استايل اوي .... وجذاب ..... وتعمل انك مقطوع من شجرة ..... وانك عندك فلوس كتير ))

بنات البرج ده مبيسمعوش كلام أي حد بسهولة الا اللي بيحبوه ... لو حبتك هتعبدك

البنت دي من النوع اللي بيجري ورا الولد .... يعني عادي عندهم انهم يحاولو يوصلو للولد بشوية تفكير وتكتيك ..... يعني البنت دي لو حبتك ..... متخافش ..... هتفضل تتلزق فيك لحد لما تقرفك وتقولها بحبك

بنات البرج ده يحبو الشياكة ... بالرغم من انهم مبيهتموش بلبسهم زي الابراج التانية

البنات في البرج ده بيعيشو نفسهم في احلام وردية ... الحياة عندهم بمبي .... بمبي .... بمبي

عشان كدة كتييييير اوي بينجرحو بسهولة .... بسسب المظاهر الكدابة

لو حبو ولد .... صعب انهم ينسوه .... وبيقارنو بينه وبين أي حب جديد

سهل اوي انك تسستم دماغ النت اللي بتحبك من البرج ده

انت اللي بتقود البنت في البرج ده ... لو حبتك ..... هتعبدك وهتكون كل حياتها



----------------------------------------------------------------------------------------

(( الابراج النارية (( القوس ..... الاسد ....الحمل

ودي ابراج البنات بتكون فيها (( نشيطة ... رومانسية بهبل .... اجتماعيين .... يحبو الحرية .. اذكية من نوع خاص ... التكلف في اللبس يعني البهرجة في اللبس ))

اسهل حاجة عشان تلفت انتباه البنت دي انك تكسر كبريائها

اه .... تتنك عليها يعني ... خليك تقيل

اكرفها يا اخي ..... اكرفها ومتخافش .... هتقعد تاكل في نفسها

اه والله هتقعد تاكل في نفسها ... وياسلام بقة لو رحت وقفت مع واحدة تانية غيرها

ممكن تموت والله

حسسها انها ملهاش لازمة في الوجود ..... استفزها ... وصدقني .... هي اللي هتجري وراك

بتحب الخروج والفسح .... وسهل جدا انك تخرج معاها في أي مكان .... بس اهم حاجة انك تخرجها

حسسها انها معاك هتبقى حرة وانك هتوريها الدنيا والعالم كله

لو غلطت أي غلطة حتى لو كانت صغيرة .... كدرها ... وحسسها انها عملت غلطة فظيعة

البنات اللي من النوع ده بيحسو بضعفهم لما يلاقو شخصية قوية قدامهم

مش مهم انك تكون رومانسي معاهم على قد ما تحسسهم انك انسان مستريح ماديا بتحب الفسح والخروج .... الا برج القوس ... الله يخليك ... خليك رومانسي شوية معاه .... لانه رومانسي
-----------------------------------------------------------------------------------------

((الابراج الهوائية (( الجوزاء ... الدلو ..... الميزان

ودي ابراج البنات فيها بتكون (( عقلانية ... متمردة ... حادة الذكاء ... العقل قبل العاطفة .. قوية الشخصية .... حب الحرية .... فضولية .... حشرية .... حب القيادة .... دهاء .... الغيرة ويمكن كمان الحقد ))

بنات برج الميزان لبسهم شيييييك اوي ... برج الميزان بالذات ... هتعرف اذا كنت بتحبها ولا بتضحك عليها

عشان كدة الله يخليك مع برج الميزان في البنت متحاولش تكدب عليها

لو عايز تشد انتباه أي بنت من دول حسسها انك اذكى منها .... لازم تحسسها انك ذكي مووووت

اديها مرح وفرح ونكت .... خلي الجو فيه بهجة عشان تجيبها

حسسها انك شخصية قوية ... وانك احسن منها

بنات الابراج دي شخصيتهم قوية ... عشان كدة مبيحبوش الشخصية الضعيفة ... لازم تكون شخصيتك قوية اوي معاهم

بيبصو دايما للمراكز والفلوس

الراجل في نظرهم ..... شخصية + مركز + فلوس + ذكاء

العاطفة بعد العقل .... يعني من النوع اللي لما بيحب بيحب بعقله
------------------------------------------------------------------------------

زي متفقنا ..... مفيش زعل .... والموضوع ده فيه حقائق وفيه هزار

:SugarwareZ-148:

♥ρėŧŧу ςαŧ♥
27-01-2011, 06:40 PM
هههههههههههههههههههههههههههه
مش كله صح لانه هزار
بس نايس
ونصايح تودى ورا الشمس
هههههههههههههه
تسلمى يا جى جى

زائر
27-01-2011, 06:52 PM
ههههههههههههههههه
عارف انا الحاجات دى
هههههه
تسلمى يا جنات