المساعد الشخصي الرقمي

مشاهدة النسخة كاملة : على باب سفارة كندا


Don't play with me
27-01-2011, 07:34 PM
السلام عليكم ورحمة الله وبركاته
ازيكم ياجماعه اخباركم ايه
القصيده دى عجبانى اوى وبالتأكيد كلكم عارفنها
وعارفين على سلامه
ويلا نشوف القصيده


على باب سفارة كندا ..
لمحت ابليس و ف ايده استماره ..
بقول له على فين ..
قاللي بص ..
يا هجره يا اعاره ..
يا عم زهقت كفرت ..
الاقيش معاك سيجاره ..
انا انتهيت خلاص ..
لا نافع وسواس ولا خناس ..
ولا ليا عيش وسط الناس ..
دي عالم مجرمين
عندكوا فائض ف الفساد ..
في كل البلاد ..
ومش محتاجين شياطين ..
مليش عيش ف البلد دي ..
بقالي سنين عاطل ..
و انتوا بتعرفوا ..
تقلبوا الحق باطل ..
و تسلكوا القاتل ..
و تمشوا ف جنازة المقتول ..
ومفيش مشاكل ..
يا عم ده انا بقيت أوسوس بالمقلوب ..
و أقول للحرامي كفايه بقى توب ..
انت هاتعمل كل الذنوب لوحدك ..
و أنا ابليس ..
أشتغل واعظ .. !!
ولا كمسري ف اتوبيس ..
يا عم ده انا زمان ..
كنت استنى حد ينسى ..
يسمي ..
وهو بياكل لقمته ..
دلوقتي كل اكلكم ملوث ..
و بصراحه الواحد خايف على صحته ..
ده مفيش ضمير اساسا ..
عشان اموته ..
و كل واحد بمزاجه ..
خربانه ذمته ..
يا عم ده كل حاجه اتسرقت ..
وكده الاجيال الجديده ..
م الحراميه اتظلمت ..
يا راجل ده من كتر ما لطشت معايا ..
خرجت ف مظاهره ..
مع الناس اللي بتقول كفايه ..
و برضه مفيش فايده

ههههههههههههههههههه
يارب تعجبكم
:SugarwareZ-223:
واحدة من الناس
27-01-2011, 07:35 PM
تسلم ايدك
جميلة فعلا قوي
وتحمل معاني كترة قوي
شكرا للاضافة المميزة
BECKHAM
27-01-2011, 07:42 PM
هههههههههههههههههههه عايز تفهمنى انك ثورى ووطنى lol

حتى الشيطان ياعينى بصراحة عنده حق الفساد بقى اووووفر والظلم فى كل حتة .

تسلم يارمضان شعر فى الجون ياريس .
زائر
27-01-2011, 07:45 PM
هى جميلة قوى
بس مفيش مؤمن يصدقها طبعا
مهما الى بيحصل فى بلدنا
الناس فيها طيبين كتير قووووى
شكرا ليك يا روما
Don't play with me
03-02-2011, 10:28 AM
تسلم ايدك
جميلة فعلا قوي
وتحمل معاني كترة قوي
شكرا للاضافة المميزة


مرورك هو الاجمل
نورتينى
♥ρėŧŧу ςαŧ♥
03-02-2011, 10:30 AM
ههههههههههههههههههه
تسلم يا رمضان
جميله اوى
Don't play with me
03-02-2011, 10:30 AM
هههههههههههههههههههه عايز تفهمنى انك ثورى ووطنى lol

ياعم وليد انا غلبااااااااااااااان :d

حتى الشيطان ياعينى بصراحة عنده حق الفساد بقى اووووفر والظلم فى كل حتة .

تسلم يارمضان شعر فى الجون ياريس .

نورتنى يامعلم بمرورك الغالى
Don't play with me
03-02-2011, 10:32 AM
هى جميلة قوى
بس مفيش مؤمن يصدقها طبعا
مهما الى بيحصل فى بلدنا
الناس فيها طيبين كتير قووووى
شكرا ليك يا روما

طبعاا ياعليوه بس
زى مافيها طيبين
فيها ناس كتير وحشين
نورتنى يامعلم
Don't play with me
03-02-2011, 10:34 AM
ههههههههههههههههههه
تسلم يا رمضان
جميله اوى



مرورك هو الاجمل
نورتينى
حنين حنونه
07-02-2011, 03:07 PM
يسلمو الايادى يا رمضان
ههههههههههههههههه
بحر الحياه
07-02-2011, 10:24 PM
هههههههههههههه

ابليس طفح بيه الكيل عنده حق

تسلم يارمضان