المساعد الشخصي الرقمي

مشاهدة النسخة كاملة : رباعيات صلاح جاهين



همس القلب
15-10-2010, 07:35 PM
http://www4.0zz0.com/2010/10/15/16/106766280.gif

http://lh3.ggpht.com/_LMuEUHptZKQ/STHN7_EebOI/AAAAAAAAAUE/U8ysbnLqfi4/98%5B11%5D.jpg?imgmax=800


صلاح جاهين
أنا بحب الشخص دة جدا جدا وقلت اجبلكم شوية من ربعياتة ياريت تنال أعجبكم :SugarwareZ-223:

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

يه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!


ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!


يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!


أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!

إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!


إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!


في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!

نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!


ما حد في الدنيا واخد جزاتــــــــــــــــــه

و لا حــــــــــــــــد بيفكر في غير لذاذاته

ما تعرفيش يا حبيبتي .. أنا و انتي مين؟

إنتي عروس النيل ... و أنا النيل بذاته

عجبي !!

همس القلب
15-10-2010, 07:36 PM
إخطفني ياللي تحبني ع الحصان

الدنيا قالت يوم في ماضي الزمان

إخطفني ياللي تحبني ع الـــــفرس

الدنيا قالت .. قام خطفها الشيطان

عجبي !!!!

من بين شقوق الشيش و شقشقت لك

مع شهقة العصافير و زقزقـــــــت لك

نهار جديد انا ..قوم شوف تعمل ايه

انا قلت يا ح تقتلني .. يا ح أقــــــــتلك

عجبي !!!



أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!





كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!


دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

عجبي !!


- الدنيا من غير الربيع مــــــــيته

ورقة شجر ضعفـــــــانه و مـــفـــــتــته

- لا يا جدع غلطان تأمل وشوف

زهر الشتا طالع فــــــــي عز الشـــــتا

عجبي !!!


ياللي انت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!


سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!



صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!

واحدة من الناس
16-10-2010, 09:30 AM
شكرا شكرا شكرااااااااااا
تسلم ايدك بجد

همس القلب
23-10-2010, 08:03 PM
صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!




ياعنى انتى موافقة على ان فعلا الحب هو طوق النجاة:SugarwareZ-223:
فى ناس اختلفت معاة فى النقطة دى

همس القلب
23-10-2010, 08:13 PM
حلووووووة يا هموسة

تسلمي يا حبي :*


تسلميلى انتى يا وزتى
تعبتك معايا انا عارفة بس انتى قدها :SugarwareZ-149:

همس القلب
23-10-2010, 08:18 PM
شكرا شكرا شكرااااااااااا
تسلم ايدك بجد

عفوا عفوا عفوا
تسلمى انتى ياتغريد:z025:

رقة الندى
28-10-2010, 11:14 PM
ومين مبيحبش جاهين
والكلمتين المرصوصين
والعبره اللى توصل ببسمه تنور الوش الحزين

يسلم اختيارك وياريتى تجمعى اكبر قدر من الربعيات يايويو

نور الأمل
02-11-2010, 07:05 AM
مش عارفة اقول ايه اللي عجبني ولا ايه
كلامه داخل على طول القلب وماليه
اللي يقول عليه مجنون
يبقى ده عايش على الفاضي اللي بيلهيه

همسة الشوق انتي راااااااائعة باختيارك
ياريت تخصصي الموضوع لرباعياته
وانا متابعة معاكي لاني باحب كلماته
شكرا ليكي يا قمر

BECKHAM
03-11-2010, 06:06 PM
تسلم ايدك ياهمس انتقاء ممتاز طبعا ومفيش خلاف على صلاح جاهين كلامه بيدخل القلب لانه طالع من القلب واحساسه مرهف

أنين الألم
06-01-2011, 01:58 PM
الله الله
الله عليكي من هنا لبكرة الصبح
تحفه اوي
تسلم ايدك ياهمس قلبي