يفوت اليوم بعيد عنِك كأنه سنين واتوه بعدِك
واعيش عمرى مع امبارح ولحن حزين وحبك فى الضلوع ساكن شموع قايده بتكوينى
وورده تنام هنا فـ قلبى تحيَّرنى..تعذِّبنى..وبرويها بدمع العين
وتفضل روحى تستنى معاد ميجيش
وانا قلبى حنين هاجر ورا نجمه
بشوفك ترسمى حدودهاونورك فرحه فـ خدودها واغنى لك..و اناديلك...وماترديش
يسافر ليل ويرجع ليل و روحك جوَّا روحى تعيش
تصبَّر شوق مسهَّرنى تطمنِّى و توعدنى بفجر عشقته فـ عنيكى و بَعدك تاه و ضاع منى ومرجعليش
ولو مره ندانى النوم يدوب القلب م الفرحه واحسِّك روح بترجع لى واشوف طيفك ينادينى يدفينى ويحضنى وما يسبنيش
ويفضل حلمى واخدنى واخاف اصحى ألاقيكى بقيتى بعيد وخدتى فرحتى معاكى وسبتينى هنا لوحدى
..مع التنهيدمع الذكرى..وميت فكره تمنينى.. وتحيينى تموِّتنى..وبيها بعيش
بعيش و الحزن أغنية بغنيهاواقول للدنيا ياخسارةوفين أيامى خدتيها واناجيكى بكلمة شوق
ولهفه فـ العيون باينه
و أمنيَّة بصدَّقها لكن قلبى...ماصدقنيش
ويرجع يومى من تانى كأنه سنين
ويرجع قلبى ويهاجر ورا نجمه
واشوفك ترسمى حدودهاونورك فرحه فـ خدودهاواغنى لك..واناديلك ..وماترديش
