http://7bna.com/up/uploads/e9df89ce30.jpg
في زكري وفاتك يا امي بقولك ,,, وحشتيني
وحشني كلامي معاكي وقاتلني بعدك حنيني
وحشني هزارك وحشني لما اغلط تحاسبيني
وحشني لما انده يا ماما تردي وتجاوبيني
وحشتني ملامحك قوي وحضنك يدفيني
وحشتني ابتسامتك وفرحتك لما تشوفيني
وحشني اسمي بصوتك نفسي تندهيني
كتبت كتير عن ناس كتير ياما طول سنيني
وعنك مش قادرة اتكلم ولا كلام الدنيا يكفيني
14/1/2003
مش بس تاريخ وفاتك لآ
دة بداية كسر ويتم
وجرح في القلب اتشق
الله يرحمك يا أمي
ـــــــــــــــــــ
