اكاد اشك فى نفسى وانت منى
اكاد اشك فى نفسى وانت منى
طبعا الشك وارد فى اى علاقه
سواء كانت علاقة حب
او علاقة صداقه
او فى العلاقة الزوجيه بوجه عام
وخصوصا لو كان فيه اشخاص بتساعد على كده بمعنى وجود طرف تالت فى العلاقه
زى ما بنشوف مثلا
اتنين بيحبوا بعض وتيجى واحده او واحد يكونوا واسطة شر ويوقعوا بينهم
هنا بقى نقدر نقول ان الشك لعب دوره
بس يا ترى العيب فى مين ؟
فى انهم سمحوا بوجود الطرف التالت وصدقوه ؟
ولا هى ازمة ثقة بين الطرفين فى الاصل ؟
ياريت تجاوبونى علي الاسئلة دى
ما معنى الشك عندك ؟
وايه اكتر حاجة تخليك تشك في اللى قدامك ؟
وياتري انت مخلص وما بتحبش ابداً الخيانه؟؟ طب ايه هى الخيانه من وجهة نظرك ؟
وياتري في حد في حياتك واثق فيه ثقه عمياء ؟؟
ياتري لما تثق في حد ويطلع خاين هيهز ثقتك في نفسك ؟
للبنات
تعملى ايه لو واحده جت قالتلك ان حبيبك او جوزك ده خاين او كان على علاقة بيها ؟
طب لو عرفتى ان جوزك اتجوز عليكى هل هتعتبرى دى خيانه ؟
يعنى الادهى انه يخونك ولا يتجوز عليكى ؟
ايه مفهوم الخيانه من وجهة نظرك ؟ والى اى مدى ممكن تقبليها ؟
للولاد
فرضا انك سمعت قصيدة هجاء فى حبيبتك
وكلام مش كويس
ايه هيكون رد فعلك وقتها ؟
ولو واحد جه قالك انه كان على علاقه بحبيبتك هتعمل ايه ؟
و ايه معنى الخيانه من وجهة نظرك ؟
والسؤال للطرفين
بما اننا فى مجتمع شرقى يجرم خيانة المرأه
فهل خيانة المرأه جرم فى حين ان خيانة الرجل شىء مقبول ؟
لكم مساحة مفتوحة بالرد ..
بقلمى
رد: اكاد اشك فى نفسى وانت منى
موضوع حلو اوى يا لولو
اقتباس:
زى ما بنشوف مثلا
اتنين بيحبوا بعض وتيجى واحده او واحد يكونوا واسطة شر ويوقعوا بينهم
هنا بقى نقدر نقول ان الشك لعب دوره
بس يا ترى العيب فى مين ؟
فى انهم سمحوا بوجود الطرف التالت وصدقوه ؟
ولا هى ازمة ثقة بين الطرفين فى الاصل ؟
معنى انى اشك فى حد معناه انه فعل فعل خطأ ولفت النظر له و خلانى اشك فيه
وشخص تدخل بين اتنين بغرض انه يوقعهم فى بعض فابعتبره شخص مريض
لكن لو الاتنين دول صامدين مش هايسمحوا بدخول طرف تالت بينهم وهايمنعوه من البداية
وهايواجهوا امورهم لوحدهم ولازم يكون بينهم ثقة كاملة
ولو فرضا حصل شك بينهم تاكدى ان الثقه فى الاساس اصلا ماكنتش كامله فى كلا منهم للتانى
وتعتبر وقتها مشكلة كبيرة وان الغير نجح فى عمل وقيعة
اقتباس:
ياريت تجاوبونى علي الاسئلة دى
ما معنى الشك عندك ؟
الشك هو عدم الثقة فى ان الشخص ده محب للخير ليا
ويريد بيا التربص والكيد والشر ان يقعوا بى ويفعل الافعال الماكرة
وايه اكتر حاجة تخليك تشك في اللى قدامك ؟
اقوال وافعال متناقضة وتدخله فيما لايعنيه بالشر ومن نظراته ومن رؤيته
وياتري انت مخلص وما بتحبش ابداً الخيانه؟؟ طب ايه هى الخيانه من وجهة نظرك ؟
الحمد لله الحمد لله نعمه كبيرة من ربنا ومابحبش طبعا الخيانه الخيانه غدر
والخيانه طعنه فى الظهر دون ان نتوقع من اشخاص قد اعطينا لهم الثقه وائتمناهم
لكن اتضح انهم لا يستحقون اى ثقه وانهم اهل للصفات المذمومة فقط
وياتري في حد في حياتك واثق فيه ثقه عمياء ؟؟
النقطة ديه مهمة اوووى
بالنسبالى الثقه مششششش باديها لاى حد بسهوله كده
ومافيش حاجه عندى اسمها ثقه عمياء
الثقه لما بديها لحد بتكون مدروسة جدا و لازم اكون متأكده منه وعارفاه كويس جدااا
والثقة الكامله الحمد اديتها لناس تستحقها فعلا ودول معدودين
لكن غيرهم الثقه معاهم بتتراوح منهم من ياخذ 30% او 50%
وفى ناس مافيش ثقه اصلا فيهم
ياتري لما تثق في حد ويطلع خاين هيهز ثقتك في نفسك ؟
بيختلف رد الفعل ع حسب نسبته فى الثقه عندى لو واخد اقل من 80% تأكدى انه مش هايأثر فيا
لانى عملت حسابى معاه من البداية ان الشخص ده طالما ماعداش ال 80 يبقى لازم اتوقع منه اى فعل خطأ فى حقى
وطالما انا متوقعه اى فعل منه فالبتالى مش هايهز ثقتى فى نفسى
لكن لو الثقه كانت فيه كبيرة جداااا وقتها ممكن يهزها لثوانى لكن ترجع تانى
ونثبت بقوة ع الارض ويكون له رد فعل مختلف عن الاخرين وقد يكون رد قاسى
اقتباس:
للبنات
تعملى ايه لو واحده جت قالتلك ان حبيبك او جوزك ده خاين او كان على علاقة بيها ؟
بالعقل كده هو عرف واحده قبليا وماقليش عليها عشان هو قفل صفحتها
وبعد كده اتعرف عليا وجات هيا قالتلى انه كان ع علاقه بيها وقتها مش هاعتبرها خيانه
لانها حصلت قبل ما يعرفنى .. الخيانه تكون خيانه لو هو عرفها بعد معرفته بيا ساعتها ااقول خيانه
لكن عرفها قبليا مش تعتبر خيانه لانى ممكن انا برده اكون عرفت حد قبليه وفسخت الموضوع فهى مش خيانه ع الاطلاق طالما حصلت قبليا
وبالنسبة للى جات قالتلى هاقولها عاوزة ايه يعنى يا تكونى محضر خير يا تسكتى
ولو جاية توقعى بينى وبينه فالعبى فى مكان تانى
ولا انتى غيرتى عليه منى فعشان كده بتقولى عنه كلام مش كويس
كده ننهى ع طول مش نفتح حوارات
طب لو عرفتى ان جوزك اتجوز عليكى هل هتعتبرى دى خيانه ؟
مش هاعتبرها خيانه بمعنى الكلمة هاعتبره انه ماقدرنيش
وماقدرش العشرة اللى كانت بينا
يعنى الادهى انه يخونك ولا يتجوز عليكى ؟
طبعا يخونى الخيانه شىء صعب جدااا
ايه مفهوم الخيانه من وجهة نظرك ؟ والى اى مدى ممكن تقبليها ؟
الخيانة غدر وزى ما قولت فوق هى طعنة فى الظهر لم نتوقعها من اشخاص قد اعطينا لهم الثقة والامان
وطبعا الخيانه عمرها ما تتقبل عندى واول بس ما اعرف ان حد خانى بقطع علاقتى بيه تماما وبمسحه من حياتى مسح نهائى
وبينزل اووووووى اووووووووى من نظرى وبستحقره لاقصى درجه
اقتباس:
والسؤال للطرفين
بما اننا فى مجتمع شرقى يجرم خيانة المرأه
فهل خيانة المرأه جرم فى حين ان خيانة الرجل شىء مقبول ؟
التقاليد والعادات هيا اللى القت الضوء اكتر ع المرأة وجرمت اى فعل يصدر عنها مهما كان صغير او كبير
والعادات والتقاليد ديه خلت الراجل مهما يعمل كأنه ماعملش حاجه وتسالى ليه هل دا عدل ربنا امر بيه مثلا ولا ايه
فيقولولك لا دا بسبب بس انه راجل مش فاهمه انا هما بيستحقروا النساء يعنى ولا ايه ربنا زى ما كرم الرجال كرم النساء
وبسبب فعلهم ده خلى الرجال تنحرف اخلاقها وتسوء حالها واصبح منهم من لا يستحق لفظ الرجولة
وانا مش ضد الرجال لكن انا ضد الظلم وعدم العدل
موضوع اكتر من راااااااااااااااائع فعلا
وسعدت جداااا بردى فيه
وفى انتظار مناقشتك
وكل الشكر ليكى يا قمر
رد: اكاد اشك فى نفسى وانت منى
اقتباس:
المشاركة الأصلية كتبت بواسطة sithory
موضوع حلو اوى يا لولو
ردك فيه الاجمل يا هنون
معنى انى اشك فى حد معناه انه فعل فعل خطأ ولفت النظر له و خلانى اشك فيه
وشخص تدخل بين اتنين بغرض انه يوقعهم فى بعض فابعتبره شخص مريض
لكن لو الاتنين دول صامدين مش هايسمحوا بدخول طرف تالت بينهم وهايمنعوه من البداية
وهايواجهوا امورهم لوحدهم ولازم يكون بينهم ثقة كاملة
ولو فرضا حصل شك بينهم تاكدى ان الثقه فى الاساس اصلا ماكنتش كامله فى كلا منهم للتانى
وتعتبر وقتها مشكلة كبيرة وان الغير نجح فى عمل وقيعة
فعلا يا هنا الثقه وتحكيم العقل فى الامور دى اهم شىء واهم حاجه عدم نجاح الوقيعه
التقاليد والعادات هيا اللى القت الضوء اكتر ع المرأة وجرمت اى فعل يصدر عنها مهما كان صغير او كبير
والعادات والتقاليد ديه خلت الراجل مهما يعمل كأنه ماعملش حاجه وتسالى ليه هل دا عدل ربنا امر بيه مثلا ولا ايه
فيقولولك لا دا بسبب بس انه راجل مش فاهمه انا هما بيستحقروا النساء يعنى ولا ايه ربنا زى ما كرم الرجال كرم النساء
مش عارفه والله يا هنا الاسلام كرم المرأه جداااااا واعتقد ان اى رجل يعامل المرأه باستحقار فده لضعف معرفته بتعاليم دينه
وبسبب فعلهم ده خلى الرجال تنحرف اخلاقها وتسوء حالها واصبح منهم من لا يستحق لفظ الرجولة
وانا مش ضد الرجال لكن انا ضد الظلم وعدم العدل
فعلا الظلممممممممممم وزى ما انتى قولى يا هنا ده ساعد فى انتشار الفساد وانحراف الاخلاق عند اغلب الرجال والنظر الى المعاصى كانه شىء مباح ومحلل
موضوع اكتر من راااااااااااااااائع فعلا
وسعدت جداااا بردى فيه
وفى انتظار مناقشتك
وكل الشكر ليكى يا قمر
بجد انتى اللى مناقشتك ممتعه جداااااااااااااااااااا
وبتاخدى الموضوع من جوانب رائعه
يسلم مرورك يا هنون
