غلق المحلات من الساعة الثامنة مساءً

غلق المحلات من الساعة الثامنة مساءً




ازيكم يا احلى اعضاء

اعضاء منتديات اجدع صحاب

سمعت النهاردة الصبح في احد البرامج انهم هيبدأوا من اول السنة الجديدة بغلق جميع المحلات من الساعة 8 مساءً وده عشان توفير الكهربا


فقولت نيجي ونشوف اراء بعضنا في الموضوع ده ونناقشه بما اننا من افراد هذا المجتمع

ايه رايكم في الموضوع ده

وهل يترى هيتنفذ فعلا؟ ولا هيبقى في ناس مش هتنفذه؟
وهل هيبقى حلو ان الدنيا تبقى ساكتة من الساعة 8؟

طيب ايه مصير الناس اللي عايزة تزود دخلها وعايزة تشتغل بليل؟

ممكن النظام ده يبقى حلو في الشتاء لان الناس هتحاول تقعد في البيت وتدفى ومتخرجش بليل في الساقعة تشتري
طيب في الصيف الناس بتحب تشتري بليل ومحدش هيخرج بالنهار عشان الشمس

وايه رايكم في الهدوء اللي هيحصل بليل لما يقفلوا المحلات هيبقى حلو ولا لا

يا ترى كل واحد شايف الموضوع ده ازاي سواء سلبياته او ايجابياته عيوبه او مميزاته

طيب هما بيتكلموا على المحلات عشان النور طيب الافراح اللي بتقعد للفجر ايه مصيرها وياريتها بتبقى افراح بس دي بتبقى قعدة كده وفيها مالذ وطاب هيعملوا معاها ايه ولا دول مسموح ليهم النور


في انتظار ارائكم.....


:SugarwareZ-159:

هو انا سمعت الكلام ده من فتره يا جيجي،،
وكانت سبعه كمان .. مش عارف انهم مدوها ساعه :d

لكن اما اتسأل اصحاب الشأن اللي هما اصحاب المحلات،،
قالوا 7 من 12 مفيش فرق .. هو اصلا مفيش بيع ولا شرا،،

لكن هو من حيث توفير الكهرباء .. اكيد فيه اشياء اولي انها تتقفل .. او تتلغي،،

تسلم ايديكي يا جنه،،

انا شايفه انه مش لطيف

لان الطبيعى الناس بتبدا تشترى بعد ماتخلص شغلها

وتفضى يبقى تنزل تشترى


لكن تتقلب الايه يبقى اكيد لا يعنى

اما حوار الهدوء اللى هيحصل فهو ذو حدين

ايجابى ان الناس هترتاح من الدوشه شويه

والسلبى اكيد هيحصل سرقات كتير

ومفيش حد هيلحق ينزل يشترى اصلا


ياريت بجد يلغوه قبل ما يطبقوه


تسلم ايدك

موضوع ملهوش اى لازمة يعنى مثلا خليهم فى الطبيعى 10 مثلا او 11 مش 8 وف الصيف ده يبقى استهبال رسمى هما مش عارفين يقرفو الناس

بأى طريقة فكمان يقرفوهم ف رزقهم ( البلد دى خراااااااااااااابة وكل واحد يحلم بقانون يقوم الصبح ينفذه ما احنا فئران تجارب )

حدث ولا حرج الحكومة دى جابت اخرها مع الشعب خلاص انتظروا ثورة شعب بس امتى الله اعلم .

لا طبعا موضوع فاشل سبحان الله ياربى مش عارفين يضيقوا ويزهقوا ناس ازاى

هى ناقصة ياجدعان اغلبيه الناس بتزود دخلها بشغلانه بعد ضهر كده حيسدوا باب رزقهم غير ان فى كمان صيدليات بتفتح 24ساعة ودى طبعا من

ضروريات

لو بجد موضوع ده صح يبقى لازم يبقى فى بديل عشان بيوت ناس كتير متتقفلش

عندكم حق مش هينفع الكلام دة يتطبق واكيد مش هيتنفذ لما يلاقوا فى عدم موافقة علية