محتاره ف الهديه بتاعت خطيبك مش عارفه تجيبي ايه تعالي هنا

12 بليل بالدقيقه تبعتي ماسج للمحروس لحسن نهارك يبقي اسود ويردهالك ف عيد ميلادك انتي حره بقي

1_مـــــــــكنه حلاقه ماركه(( بـــــراون )) أو ((سيزر 7))


2_ساعه من محل شيك في ماركات كتيره منها سواتش بس دي غاليه شويه ب 500 تقريبا نقي بقي الساعه وانتي وزوقك انا عن نفسي جبتله ساعه ب 100 ج والله ما اعرف ماركتها بس عجبته

3_ برفن كويس كده والشباب غالبا بيفضلو نوع((هوجو)) او (( وان مان شو)) او ((ديور سبورت)

4_ ميداليا فضه عليها لا اله الا الله او ايه قرأنيه او اسمه


5_لو المحروس روش ممكن تجبيله سلسله او انسيال فضه بيبقوا تحفه اوي


6_ممكن تتكرمي عليه وتجيبي ترينج اهو الراجل يعيد بيه بس هاتيه ماركه زي ((اديداس _ بوما))


7_ممكن لو بيلبس كابات تجبيله كاب شكله شيك ممكن يكون اديداس


8_ممكن تجبيله تيشرت من محل ومتنسيش تشيلي السعر من عليه وتطبقيه وتحطي فيه برفن انتي بتحطي منه وتحطيه ف بوكس كده

9_ممكن تجبيله موبايل صيني بيبقي رخيص وشكله شيك زي الاي فون مثلا


10-ممكن تجبيله فلاشه نت


11-ممكن تجبيله حاجات مثلا يعلقها ف العربيه بتاعته وتحطيها ف بوكس شيك كده

12_تجبيله نظاره شمس شيك ممكن ريبان ولو انها غاليه هاتيله تقليدها وخلاص

13-ممكن تجيبي تيشرت وتروحي عند محلا تخليه يكتب اسمك واسمه عليه ويرسم قلب وكده يعني


14- ممكن تجبي مج ويكون عليه صورته او تيجبي المخده دي وتحطي عليها صورته


15- هاتيله كوتشي ماركه اديداس برضه او بوما

16- ممكن تجبيله مصحف

17-ممكن تجبيله دبدوب اللي هو اتنين مع بعض ده او الكبير خالص




ممكن جمب الحاجات دي تجيبي الببرونه الكبيره من الصيدليه وتزوقيها بالدانتيل وتحطي حواها زواق وتجيبي ورق ملون وتكتبي فيه كلام حب زي بحبك بموت فيك ربنا يخليك ليا وهتعملي علي الغطا كده فيونكاات ساتان احمر وتلزقيها بالمسدس علي الدانتيل وممكن تحطي جوه الببرونه ميداليا فضه يعني لو جايبه حاجه ممكن تتحط جواها حطيهاا

تجيبي تورته وعليها صورته والشمع اللي بيولع وبيعمل صوت ده

ممكن تعزميه ف مطعم شيك وتجيبي التورته وتتفقي معاهم يشغلوا اغنيه حلوه وخليهم يزوقوا الكراسي بالبلالين