& على رأى المثل .. مع هيومتى &
رد: & على رأى المثل .. مع هيومتى &
السلام عليكم ورحمة الله وبركاته
اولا بحييكى على فكره الموضوع
جديد وجميل وهادف جدا
أيه رأيك فى المثل هل بتعمل بيه فى حياتك ؟
ممكن اقول انى من وقت قريب كنت كده
بس دلوقتى ومع الاصطدام بالواقع المرير مبقتش اعرف اكون سلبيه
والناس عموما مش بتسيب حد فى حاله ولا اللى ماشى جنب الحيط ولا اللى واقف قصادهم
فالامرين سيان
وهل كل ريح ينفع نقف قدامها ولا فى ريح منقدرش عليها ونقفل الباب ونريح نفسنا منها ؟؟
اكيد مش كل الريح اللى نقدر نقف ادامه بس اهم حاجه منكنش سلبيين و نجرب ونحاول
منستسلمش من اول جوله
وكفايه اننا نكون كسبنا شرف المحاوله
و حتى لو اتهزمنا بشكل مبدأى
فلازم نثق ان اى حد فاكر نفسه كبير وقوى سواء بسلطه او مال او او .....
ففيه اللى أقوى منه
ربنا قادر على كل شىء
يعز من يشاء ويذل من يشاء
وفى النهايه الحق هو المنتصر
تسلم ايدك يا هيام
منوره المنتدى بمواضيعك الجميله يا حبيبتى
واكيد منتظرين جديدك
ومتابعه معاكى الموضوع الرائع ده
تم التثبيت
دمتى بتميز
رد: & على رأى المثل .. مع هيومتى &
أيه رأيك فى المثل هل بتعمل بيه فى حياتك ؟
لوقت ليس بالبعيد كنت اتعامل بهذا المثل فى حياتى الشخصية والعملية ولكن فى بعض الاحيان
تغلق الباب تلاقيها كسرتلك الباب ودخلت :) اذن فلابد من المواجهة .
وهل كل ريح ينفع نقف قدامها ولا فى ريح منقدرش عليها ونقفل الباب ونريح نفسنا منها ؟؟
ليس كل الرياح من الاستطاعة الوقوف امامها وافضل التحاشى بذكاء
وعدم اعطائها ظهورنا لكى لا تنتهز الفرصة فتنقض علينا ونصبح ضحيتها .
المثل ملهوش ثوابت محددة لان من الممكن ان تتكرر
المواقف ويختلف رد الفعل من شخص لاخر اما بالمواجهة او التحاشى .
رد: & على رأى المثل .. مع هيومتى &
وعليكم السلام ورحمه الله وبركاته
بشكرك على مقدمتك يا لولو
http://propagnda.com/vb/images/smilies/38.gif
الحقيقة انا كاتبه الموضوع ده فى منتديات اخرى لكن يسعدنى انى اكتبه هنا وتشاركونى بأرئكم الجميله
----------------------------------------------
شوفى يا لولو مواجهه المشاكل ليها أصول والأصل فيها هو الحق
والحق ليه صاحب واحد
ودائما الحق بيكون واضح وضوح الشمس
ومحدش يقدر يلوم حد وهو بيقف قدام الريح ويدافع عن حقه
اللى يتلام الشخص اللى يتوهم انه ليه أهميه وليه حجم أكبر من حجمه ويدخل فى شىء ميخصوش
خصوصا لما يكون الحق ده حق شخصى وتلاقى اللى فرض نفسه وتطفل عليكى بكلام ورأى وهو فى غنى انه يسمع كلمه أنت مالك
وصاحب العقل بيميز وبيعرف حدوده وبيحافظ على كرامته
ومبيدخلش غير فى الخير
اما المتدخلين بالشر فالنتيجة بشعه ولا يتحملها غير سواهم
فى النهايه لا يصح الا الصحيح
نورتى بردك الجميل يا لولو
وميرسى على التثبيت
http://propagnda.com/vb/images/smilies/38.gif
رد: & على رأى المثل .. مع هيومتى &
فعلا يا هيام بجد
لو كل واحد خلاه فى نفسه وبطل يتدخل فى حياة الناس
هيكسب احترام نفسه وكرامته ادام نفسه اولا ومن ثم ادام الناس
وفيه ناس فعلا عندها قدره انها تتدخل فى حياة الاخرين
وتقتحم خصوصياتهم بشكل مش طبيعى
ومستفز جدا
واكيد اغلبنا قابل الشخصيات دى
تحذرى مره واتنين وعشره
و لا حياة لمن تنادى
يبقى وقتها بتكون المواجهه اسلم حل للدفاع عن حقى
وفى الاخر النادم الوحيد بيكون هو
و ميلومش غير نفسه
لانه من الاول هو اللى هان كرامته
وخسر نفسه
فميرجعش يزعل من المواجهه
لان فى الاخر صاحب الحق واحد زى ما قولتى وهو اللى دايما ربنا بينصره
ومهما اتظلم واتقال عليه من الناس
ربنا مبيسيبش حق حد
تسلمى يا هيومتى على المناقشه الجميله دى بجد
ومنتظره منك بقى الجديد :)
رد: & على رأى المثل .. مع هيومتى &
بيكهام
---------------------------
اكيد ظروف المشكله ووضعها واهميتها بالنسبالك بتفرض عليك انك تواجه
وبتحدد وتختارالأسلوب المناسب اللى هتواجه بيه
فى النهايه هو حق ومدام حق يبئى المواجهه من حقك
فى حجات فعلا لازم نتحاشى فيها لكن على حسب أهميتها
والموقف وأهميته بيفرض نفسه وبيفرض عليك اذا كنت هتواجه او هتتحاشى ومتهتمش وتدير ظهرك
شكرا لردك يا وليد
نورتنى
http://propagnda.com/vb/images/smilies/38.gif
رد: & على رأى المثل .. مع هيومتى &
رد: & على رأى المثل .. مع هيومتى &
رد: & على رأى المثل .. مع هيومتى &
انا متفق مع المثل
فعلا مش كل شخص يستحق العتاب وفيه اشخاص مفروض علينا نسيبهم زى ...
لان العينة دى لو جيتى تعاتبيها من الممكن انك تلاقى ما لايحمد عقباه وممكن تتشتمى
وده حصل من بعض الشخصيات :d بدون ذكر اسماء معروفين
ف سيتى وستك بقى عندهم حق ويستاهلو جايزة نوبل للامثال فى المثل ده
تسلمى ع الطرح الرائع ياهيام ويارب تفضلى منورانا ديما كده
تحياتى
رد: & على رأى المثل .. مع هيومتى &
بيكهام
انا متفق مع المثل
فعلا مش كل شخص يستحق العتاب وفيه اشخاص مفروض علينا نسيبهم زى ...
لان العينة دى لو جيتى تعاتبيها من الممكن انك تلاقى ما لايحمد عقباه وممكن تتشتمى
شوف يا وليد العتاب المفروض لشخص أنت باقى على صداقته لو مقدرش عتابك وفهم أن العتاب لأزاله الخلاف يبئى هو شخص أصلا ميستحقش العتاب
أما إللى يحول الخلاف لشتيمه وتلفظ بألفاظ خارجة هنا بئى هو عبر عن نفسه
وشخصيته وتربيته وبيئته
فالانسحاب من الخلاف أو أنهاء العتاب معاه ده أسلم حل
وفى الحالتين الكل عبر عن نفسه بكلامه وبتصرفه
وبيكون الموقف واضح للجميع
وده حصل من بعض الشخصيات :d بدون ذكر اسماء معروفين
ف سيتى وستك بقى عندهم حق ويستاهلو جايزة نوبل للامثال فى المثل ده
والله روعه الامثال والقيمه الاخلاقيه الموجوده فيها متصدقش ابدا انها صادره من ناس بسيطة وبذكاء فطرى
تسلمى ع الطرح الرائع ياهيام ويارب تفضلى منورانا ديما كده
تحياتى
شكرا ليك يا وليد
نورتنى بردك
رد: & على رأى المثل .. مع هيومتى &
ايه رايكم فى المثل يا اصحابى ؟
اكيد متفقه معاه جدااااااااااااااااااااا
العتاب لا يكون الا لمن يستحقه
فيه ناس كتير فعلا عتابها مضيعه للوقت
لانهم ميستاهلوش حتى انك تفكرى فيهم
وكمان زى ما وليد قال ممكن تلاقى مالا يحمد عقباه وشتيمه
وطبعا كل ده بيدل على التربيه والبيئه اللى نشأوا فيها
وطبيعى اننا مش هنعرف نعاملهم بأخلاقهم
لاننا من البدايه اتعاملنا بأخلاقنا
اقتباس:
وده حصل من بعض الشخصيات :d بدون ذكر اسماء معروفين
ده لان انت يا بيكو اديت قيمه من الاول لاشخاص ملهمش قيمه
واتعاملت بأخلاقك معاهم وانا شايفه ان بمجرد ظهور الاشخاص دى على حقيقتهم كسبونا كتييييييييييييييير
وهل سيتى وستك عندهم حق فى هذا القانون قصدى المثل وهل بتعمل بيه فى حياتك ؟
ستى وستك مغلطوش يا هيووووووووووووم
تسلم ايدك يا هيام
افكارك اكتر من رائعه
متابعه معاكى يا قمر :*
رد: & على رأى المثل .. مع هيومتى &
لولو
ايه رايكم فى المثل يا اصحابى ؟
اكيد متفقه معاه جدااااااااااااااااااااا
العتاب لا يكون الا لمن يستحقه
فيه ناس كتير فعلا عتابها مضيعه للوقت
لانهم ميستاهلوش حتى انك تفكرى فيهم
وكمان زى ما وليد قال ممكن تلاقى مالا يحمد عقباه وشتيمه
وطبعا كل ده بيدل على التربيه والبيئه اللى نشأوا فيها
وطبيعى اننا مش هنعرف نعاملهم بأخلاقهم
لاننا من البدايه اتعاملنا بأخلاقنا
المفروض ان العتاب لمن يستحق ويحرص على مودتى
لو شعر بخطئه فده شىء كويس لازاله أى خلاف
انما لو مشعرش ومقدرش العتاب فالعتاب ملوش لزمه معاه
وهل سيتى وستك عندهم حق فى هذا القانون قصدى المثل وهل بتعمل بيه فى حياتك ؟
ستى وستك مغلطوش يا هيووووووووووووم
فى المثل ده مغلطوش ابداااااا
لكن ممكن نختلف معاهم فى أمثال خرى
تسلم ايدك يا هيام
افكارك اكتر من رائعه
متابعه معاكى يا قمر :*
تسلميلى انتى على ردك ومتابعتك يا لولو
نورتينى:*
رد: & على رأى المثل .. مع هيومتى &
رد: & على رأى المثل .. مع هيومتى &
ههههههههههههههههههه
جميل يا هيوم
بصى انا رفيعه بردو
وتيتا بتفضل تقولى اتخنى عشان مش هيجيلك عريس
بس العرسان بيجوا لوحدهم
ههههههههههههههههههههههه
انا متفقه ومختلفه مع المثل
ان الرفيعه اوى اوى دى مش بتكون حلوه فى الفستان والناس مش بتسيب حد من الكلام
بس سواء رفيعه او تخينه كل واحده وليها جمالها
وكل واحده وليها نصيب مكتوبلها
واخيرا مش مهم اى حد
المهم ان العريس عاجبه عروسته
حلوه او وحشه
المهم ان الطرفين مرتاحين
والناس عموما لاااااااااااازم تعلق على العريس والعروسه
تسلم ايدك يا هيومىىىىىىىىىىى
مستنيه جديدك
لانك طبعا طبعا مميزه دايما يا روحى :*
رد: & على رأى المثل .. مع هيومتى &
اقتباس:
المشاركة الأصلية كتبت بواسطة ♥ρėŧŧу ςαŧ♥
ههههههههههههههههههه
جميل يا هيوم
بصى انا رفيعه بردو
وتيتا بتفضل تقولى اتخنى عشان مش هيجيلك عريس
بس العرسان بيجوا لوحدهم
ههههههههههههههههههههههه
انا متفقه ومختلفه مع المثل
ان الرفيعه اوى اوى دى مش بتكون حلوه فى الفستان والناس مش بتسيب حد من الكلام
بس سواء رفيعه او تخينه كل واحده وليها جمالها
وكل واحده وليها نصيب مكتوبلها
واخيرا مش مهم اى حد
المهم ان العريس عاجبه عروسته
حلوه او وحشه
المهم ان الطرفين مرتاحين
والناس عموما لاااااااااااازم تعلق على العريس والعروسه
تسلم ايدك يا هيومىىىىىىىىىىى
مستنيه جديدك
لانك طبعا طبعا مميزه دايما يا روحى :*
هههههههههههههههههههه
على فكره اغلب العرسان مبيحبوش العروسة النحيفه وطبعا النحيفه غير الرفيعه
وفعلا يا لولو الوزن المظبوط للبنت بيخلى اى شىء تلبسه بيبئى شكله جميل عليها لان القوام مظبوط
ومعلشى بئى اختلفنا مع سيتى المرادى لكن منقدرش نستغنى ابدا عن كلامها وامثلتها ههههههههههههههه
نورتينى يا لولو:*
رد: & على رأى المثل .. مع هيومتى &
اختلف طبعا مع سيتى وستك وستاتنا كلهم
الوزن مش مقياس وسواء تخينة رفيعة متوسطة ده شىء عادى زى الرجالة بالضبط تخين رفيع متوسط
المهم الاتنين يبقو متقبلين بعض فى الشكل والقالب ده والاهم الجوهر طبعا مع القبول
تسلم ايدك ياهيام وسيتى المرة دى طلعت منها اوووووووت
رد: & على رأى المثل .. مع هيومتى &
اقتباس:
المشاركة الأصلية كتبت بواسطة beckham
اختلف طبعا مع سيتى وستك وستاتنا كلهم
الوزن مش مقياس وسواء تخينة رفيعة متوسطة ده شىء عادى زى الرجالة بالضبط تخين رفيع متوسط
المهم الاتنين يبقو متقبلين بعض فى الشكل والقالب ده والاهم الجوهر طبعا مع القبول
تسلم ايدك ياهيام وسيتى المرة دى طلعت منها اوووووووت
كلامك مظبوط يا وليد المهم العريس والعروسه يكونو قابلين بعض وهما على أى شكل وأى وضع
هو فعلا المثل ده طلع اوت من سيتى معلشى مكنتش مركزه هههههههههههه
لكن احنا متفقين ان احنا هنختلف ونتفق مع سيتى لكن فى النهايه منقدرش نستغنى ابدا عن كلامها وامثلتها
نورتنى يا وليد
رد: & على رأى المثل .. مع هيومتى &
