... بسم الله الرحمن الرحيم ...
ازيكوا يا قمرات اخباركوا ايه
يارب تكونوا بخير يارب
وكل سنه وانتوا طيبين
انا كنت فى عيد ميلاد خطيبى عملتله تورته
وكانت جميله اوووووووووى فى الطعم بصراحة
والشكل بقى هسيبكوا انتو اللى تحكموا
يلا نبدأ : ..
اول حاجة المقادير :
انا اشتريت من محل بتاع مستحضرات حلويات :
علبه كيك تورته بالشيكولاته جاهزة بـ 7 جنيه
مش بتحطى عليها الا 6 بيضات بس قولى بــ 5 جنيه تقريبا
واشتريت شيكولاته خام بــ 3 جنيه
وكريم شانيته بــ 3 جنيه
وفارمرسيه بتاع ملون كدا بيتزوق بيه بــ 1 جنيه
و كريـــز بـــ 2 جنيه كفايه اوى
واشتريت من المحمصه :
بــ 50 قرش فول بالشيكولاته
زى الفول السودانى كدا بس متغلف شيكولاته
هاتى بـ 50 قرش كفايه اوى لانها لما تجهز بتبقى كتير
المهم الطريقة بقى ركزى معايا :-
هتجيبى العلبه وتعمليها بالطريقة اللى عليها بالظبط
هيا تقريبا كانت تضربى البودرة اللى فيها مع الـ 6 بيضات وكبايه لبن
بـــــــــــــــــس وكدا الكيك بتاع التورته بيكون جاهز
تكون انتى مسخنه الفرن من قبلها
وتدخليها الفرن ومتفتحيش عليها الا بعد فتره حوالى نص ساعه
وتختبرى الكيك بالسكينه لو لقيتى السكينه عليها عجين يبقى لسه
تسيبيها شوية كمان
لو لقيتيها نضيفه يبقى كدا بقت ميه ميه
تطلعيها وتسيبيها تبرد براحتها
كدا الكيك معاكى تمام
على فكره لونه غامق لانو كيك شيكولاته
وهيطلع معاكى بالشكل ده
http://www7.0zz0.com/2010/11/13/10/904169888.jpg
نيجى بقى للتزيين :-
بعد ما الكيك يبرد بقى هاتى سكينه
واقسمى الكيك بالنص بس مش تعمليها نص دايره
لالالالالالالالالالالا تقطعيها من الجنب
يبقى معاكى شريحتين مدورين كدا تمام
بحب التفاصيل انا ههههههههههههههه
تكونى بقى جيبتى الكريم شانتيه وتحطية فى طبق غويط
وتضربيه مع كوب لبن مثلج
وتضربى كتيييييييييييير لحد ما يبقى تخين ويملى الطبق كدا
ويقولك خلاص حرمـــــــــــــــــــت هههههههههههههههههه
كــــــــــــدا :
http://www7.0zz0.com/2010/11/13/10/121600945.jpg
وتجيبى برضو مكعب الشيكولاته اللى اشتريتيه
وابشرية كدا بالمبشرة زى ما بتعملى البصل
هيبقى كدا
http://www7.0zz0.com/2010/11/13/11/746645324.jpg
وتروحى تسيحيه على حمام ماية مع معلقه لبن
او معلقتين
وتجيبى الفول بالشيكولاته وتعمليه فى المفرمة يبقى بودرة كدا زى الكاكاو شوية
كـــــــــدا
http://www7.0zz0.com/2010/11/13/11/774496518.jpg
والفارمرسية معاكى جاهز وتمام هو والكريز اقطعى كل واحد بالنص
http://www7.0zz0.com/2010/11/13/11/853230401.jpg
كدا معاكى حاجات التزيين كلها تمام
اولا بقى : بعد ما قسمتى الكيك هتدهني الجزء اللى تحت بالكريم شانتيه
وبعدين تحطى فوقيه الجزء اللى فوق من الكيك ده الحشو يعنى
وبعدين تدهنى النص الاول من الكيك بالكريم شانتيه ومن الجنب برضو
نص الكيك بـــــــــــــــــــــــــــــــس
ونفس النظام فى النص التانى بس بالشيكولاته اللى سيحتيها ومن الجنب برضو
هيبقى كـــدا
http://www7.0zz0.com/2010/11/13/11/929792188.jpg
بعد كدا هتيجى اتجاه الجنب بقى اللى بالشيكولاته
وتجيبى الفارمرسية الالوان ده
وتلزقيه ع الجنب تغطى كل الجنب الشيكولاته يعنى
والجنب التانى الكريم شانتيه تحطى عليه الفول اللى فرمتيه
هيبقى شكلها كدا
http://www7.0zz0.com/2010/11/13/11/287187877.jpg
بعد كدا هتجيبى كيس حلوانى بتاع الوردات اللى بتتعمل بالكريم شانتيه ده
ولو مش عندك استخمى كيس واخرميه او بتاع السبوع
بس انا اشتغلت بكيس الحلوانى
وهتعملى على الطروف من فوق كلها وردات بس مش تلزقيهم فى بعض
كـــــــــدا
http://www7.0zz0.com/2010/11/13/11/728560229.jpg
بعد كدا هتعملى الخط الفاصل بين الشيكولاته والكريم شانتيه وردات برضو
وتحطى بين كل وردة والتانية كريــــــــــز
http://www7.0zz0.com/2010/11/13/11/522016619.jpg
بعد ما تخلصى كدا انا كتبت على الجزء اللى بالكريم شانتية حرف " A "
عشان خطيبى اسمه احمد كتبتها بالفول بالشيكولاته اللى اتبقى من اللى عملته ع الجنب
وعملتها بايدى كدا مش بحاجة
والجزء التانى كتبت بالفارمرسية اللى اتبقى برضو كلمه " بحبك " :d
وبكدا خلصت التورته الحمدلله
وده شكلها النهائى :
http://www7.0zz0.com/2010/11/13/11/194204584.jpg
وعملت معاها بقى اختراع كدا
جبت بسكوت مارى بتاع الشاى العادى ده
وجبت صوص الشيكولاته اللى اتبقى
ودهنتها ولزقت كل اتنين فى بعض وبعدين دهنتهم من بره
وجبت فول سودانى عادى وفرمته ورشيتة عليهم
وده شكله :
http://www7.0zz0.com/2010/11/13/11/977243433.jpg
وكنت عامله جيلى فراوله كمان وعصير تمر هندى
بـــــــــــــــــــــس
ودى الهدية :
http://www7.0zz0.com/2010/11/13/11/680180490.jpg
يلا يا جماعه قولوا رأيكو بقى لانى والله تعبت فى الموضوع ده اووووووووووووى
على ما كتبته وحملت الصور ... وعلى فكره كل ده عملته فى فتره صغيره
هيا الخطوات ممكن تفكروا كتير وكدا بس مش بتاخد حاجة والله
يلا بقى هستنى رأيكو
