اسباب دخول سجن الغش ظلم والحلول النهائيه بأذن الله تعالى ( موجه لجميع الاعضاء )

بسم الله الرحمن الرحيم
ِ السلام عليكم ورحمه الله وبركاته

اخواني الاعزاء

انا حقولكم ايه الي بيحصل بظبط في حوار سجن الغش ده وان شاء الله كله يفهم الموضوع واي استفسار انا تحت امركم

س1 : ازاي بدخل سجن الغش ؟

ج1: فيه نظام تلقائي في مشغل اللعبه عندما يجد قيم معينه في اللعبه معدله يقوم بأدخالك تلقائيا إلى سجن الغش

س2: ما هي اسباب دخول سجن الغش ؟
ج2:
1- استعمال برامج

2- وجود فيروسات ( وهو السبب الذي يدخل الناس ظلما إلى سجن الغش )

3-النصب والاحتيال على الناس

س3: طيب انا مظلوم ودخلت ظلم ايه السبب ؟؟

ج3: السبب انه للاسف برمجه برنامج سجن الغش كانت لازم تراعي مشكلة الفيروسات او ع الاقل تحمي ملفات اللعبه من دخول اشياء غريبه إليها

س4: طيب هيا الفيروسات بتعمل ايه في ملفات كونكر؟

ج4: الفيروسات بتعدل في ملفات اللعبه بتخرب ملفات وبتعدل في ملفات فلما برنامج سجن الغش بيفحصك بيلاقي الملفات متعدلة فبيدخلك السجن ع طول

س5: طيب والحل ايه نفضل نتسجن كدة وندفع لحد ما نخلص ال 3 مرات وبعد كده نغني ظلموه ؟؟

ج5 : الحل انك حتروح تفرمت جهازك وتشترط على الي بيفرمت لك:

1-انها متكنش نسخه وندوز معدلة قوله عايزها نسخه وندوز XP SP3 مش معدلة ( حتى لو حتدفع اكتر شوية )

2- تخليه ينزلك برنامج ESET Smart Security وهو برنامج انتي فيرس ممتاز جدا عن تجربة وليه برنامج بيجب مفاتيح التحديث شغال معايه من 4 سنين لحد دلوقتي

3- تخليه ينزلك برنامج ( الديب فريز ) الديب فريز بيحافظ على الجهاز بدون فيروسات وهو بظبط زي الثلاجه بشتغله بعد ما تعمل كل ده وبيجمد لك الجهاز لاكن هو ليه سلبيه واحده بس ان اي حاجه حتنزلها حتتشال بعد الريستارت وبكدة فيروسات او اي حاجه بتتشال بعد الريستارت متنساش كمان انك كل حوالي اسبوع بينزل باتش لكونكر لازم تفك مفعول الديب فريز وتثبت الباتش وبعدها ترجع مفعوله تاني

4- في مشكلة جانبيه وهي مشكلة البنج البنج وما ادراك ما البنج مشاكل البنج طبعا مشتركه بين 4 عوامل :

1- سرعه الانترنت
2- عدد المشتركين على نفس خط الانترنت
3-السيرفر الي انت بتلعب عليه
4-عدد البرامج الي بتستهلك نت معاك

العوامل : 1 و 2 و 4 نقدر نتحكم فيها

العامل 1 : نزود سرعه الانترنت (512 ) بدون مشتركين حلوة جدا

العامل ال 2 : نجيب خط انترنت لوحدنا ( لو منقدرش مش حتفرق اوي احنا لسه عندنا حل )

العامل ال 3 : وده العامل الاهم لازم نتحكم في البرامج الي بتروح ع الانترنت دي وللاسف البرامج دي بتشتغل في الخلفيه يعني منعرفش نمسكها طيب والحل ايه ؟؟

الحل انك تقول للراجل برضه ينزلك جدار ناري اسمه : Armor2net Personal Firewall

الجدار ده اي حاجه رايحه للنت بيقولك انها راحيه لو عايز تسمح لها اضغط Pass لو عايز تمنعها اضغط الي جنبها

وطبعا بيجبلك صورة البرنامج واسمه وانت بقى يبقى الانترنت تحت تصرفك مش تحت تصرف حد تاني

وبكدة اقدر اقلكم ان كل الكلام ده متجرب ووممكن ارفعلكم صوره من جهازي واوريكم البنج فيه كام علشان تصدقوا
وانا مكتبتش الكلام ده الا عن تجربه وانا عارف المعانة مع الحاجات دي عمله ازاي

اخيرا : ارجوا من اي مشرف يسمح لي اني اعمل الشروحات دي بس لازم اللاعبين حينزلوا البرامج الي انا ذكرتها فوق لو محدش عنده مانع انا حشرحها بالصور هنا علشان الكل يستمتع ويلعب لعبه نضيفه و ع فكره كل الكلام الي انا كتبته ده سهل جدا بس هو في الشرح بيطول

والسلام عليكم ورحمه الله وبركاته

اخوكم : KILL77 سيرفر عطارد

ملاحظه الفرمتة ليست اجباريه ولاكن القصد ان تعمل على شي من اول وجديد لاكن لو انت ضامن جاهزك انه خالي من الفيروسات فتوكل على الله ولاتفرمت وقم بتنزيل البرامج على طول
تحياتي

تسلم ايدك يا رمضان
جميل اوى