حاجه تقرف عنوان مثير صح
ورجعت بعد غيبه طويله اكتب موضوع ممل شبهى ماهو ذاك الزهق من ذاك الملل
وقولت اجى اطلع زهقى وخنقتى على البشريه اللى عارفين اد ايه انا بارع فى المجال ده
ماشى النهارده رايح شغلى وخير اللهم اجعله خير اسمع صوت صفافير وحاجات بتطير افتكرت انى وقعت منا السما وسط استاد القاهره فى ماتش الاهلى والزمالك وتقمست دور ابو تريكا وبصيت حواليا بكل انزحه غريبه اوى الاستاد بيبقاش فى شبابيك ايه ده اه فوقت لنفسى دى مدرسه البنات اللى ف اول الشارع وكل البنات طالعه تصفر ليه هو في ايه ابص حواليا فى الشارع يمكن بيصفر وبيشجعو خناقه ولا حاجه مالاقيش مخلوق وبشىء من الذكاء الحاد تنبأت انهم بيصفرولى انا يا كثوفى ياكثوفى عيشت بقى دور تامر حسنى وهبقى اعدى عليكو بكره
ومشيت وقولت نسيت لكن بعديها بفترى ماشى فى الشارع وخير اللهم اجعله خير الاقى الصوت الناعم اللى زى الملائكه جاى من ورايا يقول كابتن كابتن ياكابتن كابتن طيب عشان ازهقكو كمان مره كابتن كابتن بصيت وقولت اكيد الكابتن ده يبقى انا قولتلها نعم قالتلى اسمك ايه لوووووووووووووووووووووووووووووووووووووووووول
مشيت وقولت نسيت لكن خير اللهم اجعله واحد صاحبنا فى التمرين عنده بطوله قوه بدنيه ف جامعه عين شمس قولت ف عينى يبقى هحافظ عليه ما الكل عارف ان انا شمس وعين شمس تبقى عينى
روحناله الجامعه وقولنا نجامل ده مهما كان ف فريقنا روحنا وحضرنا وشجعنا وعملنا احلى زيطه وزمبليطه والاخر قولنا نطلع نعد عند البسين اللى عامل زى ترعه المحموديه اللى فى الجامعه نلاقى تلت امرات يا واحشنى تلت ايام جاى يقولولنا ياكباتن انتو بودى جردات بصيت بكل شموخ وقولت لع قالت طيب ممكن نتعرف وسمعنى سلام طالعه السلالم يامشالله عليها
************************
ما هذا الهذى هل افتقدت الاسلوب الراقى فى الحوار ام هذا لتدنى الوضع من البدايه
***********************
اعمل ايه بقى اصل زمان وانا صغير لما كنت بحلم ابقى كبير كان الشباب هما اللى بيعاكسو
ولما الشاب من دول يقف على ناصيه نقول الصياعه ومعاكسه البنات لكن الموضه بقت البنات هى اللى بتعاكس وبتتحرش
بالله عليكم فى اغرب من كده
بالله عليكم مش هى دى بقت الاخلاق
واذا غاب الضمير استباح الانسان فعل اى شىء
الامضاء
اخوكم الخنيق
المهاجررررررررررررررررررر
الصحفى المشاغب