بحب موجة البحر ...

بحب موجة بحر... مصاحبها من صغرى

يوم ما التقيت بالبحر... كان عمرها عمرى
الموجه دى شافت
لعبى ونا صغيَّر... قلبى البرىء واقف
ع الشط متحير
يحلم بحضن البحر
تلمح عيونه الصخر
يهرب قوام حلمه
وبسرعه يتغير
ماشيه السنين بتمر
والموجه واخدانى
تكبر ليالى العمر
وألاقيها عايشانى
وتفوت سنين أكتر
حلم الصبا يكبر
وف ملحها السكر
داب الزمان المر
الموجه دى شافت
أول مقابلة حب
من غير قلوع شالت
حلمين جمعهم قلب
ولقينا تالتنا
ومشينا سكتنا
الخطوه فى الخطوه
والجنب جنب الجنب
وف يوم حزين باكى
غدر الزمان بينا
واقف فى شبَّاكى
باصص على المينا
ع البعد شفت شراع
فارد قلوعه وداع
بيقول تالتكم باع
ورجعنا وحدينا
ورجعت والموجه
تحضنى من تانى
وفْ ملحها السكر
دوبت أحزانى .

ومين فينا ميحبش البحر
ابدعت في كلامك عن البحر
ومداعبة الانسان لامواجه

تسلم ايدك

انا بعشق البحر
تسلم ايدك على الكلام الجميل

واحده من البني أدمين

يسلم قلبك أنتى يا باشا لمرورك الى نور التوبيكككككككككككككككككككككك

ويارب علطول منوره المنتدى بكلامك ومرورك الجميل ده

petty يسلموووووووووووو

الكلام جميل عشان ردود حضرتكم تحتيه بس

ديما يارب منوره المنتدى

الله ع الكلمات الرائعه الجميله
تسلمووووو اخى

يسلم قلبك أختى لمرورك الجميل الى نور التوبيك

ويارب علطول منوره المنتدى كلللللللللللللللللللللله

دومتى بود ....