بصى يا امى

بصي يا امي
من غير ازعاج
لما اسافر
ويجيلك خبري
اوعي تقولي
ضنايا وولدي
اوعي صراخك
بجرح فيكي
واوعي تنادي
عليا بشوق
جايز نهر
الدم السايل
يبقى الميه
ف وش النايم
لاجل يفوق
****
فوق خطين
رافضين يتقابلوا
طول السكة
تشرب شاي
بس حسابه
هيبقى عليك
اصلي لبست
البدلة الميري
من غير فكة
بص يا دفعة
انسى الهم
رايحين نرفع
راية مصر
حتى ان كان
التمن الدم
انسى الخوف
لما الشمس
هتشرق بينا
تمسح حرف الجر الساير
يدبح فينا
يقتل فينا
وادي الدم
بيجري بشوق
رايح يروي ارضي
في سينا
***
اصحي يا دفعة
داخلين ع الجيزة
صاحي ياعم
هنام ازاي
6 في كرسي
وشباك مفتوح
حتى البرد
طالعلي بريحته
كل ما غمض عيني
تفوح
مش مسموح
بقزاز يحميك
عايز تدفي
استنى الشمس
لما شعاعها
يحن عليك
****
من جوا القطر المقلوب
بعض الانات
ولسه حكاية ام بتدعي
ابنها ماااااااااااااااااااااااات
مين المسؤل ..؟؟
وعلامة استفهام
هتفضل على طووووووووووووووول

اجمل هدية لللام ان نبوس اقدا مها كل يوم