رجيم البروتينات اللي خسيت عليه 15كيلو في اسبوعين

كنت بفطر الصبح 2 بيضة مسلوقة
والغدا بخليه علي الساعة 6 باليل حاجة من تلاتة
يا قطعة فرخة مسلوقة او مشوية
يا علبة تونة متصفية تماما من الزيت اللي فيها
يا حتة لحمة صغيرة
وماكنتش باكل حاجة بعدها خالص
كنت بعمل تمارين صعود الدرج ربع ساعة بس
او اتمشي نص ساعة كل يوم
وبشرب 2 كوب مية او تلاتة قبل كل وجبة
واستمريت علي الرجيم ده اسبوع كامل
والمفاجأة
اني خسيت عليه 8 كيلو و نص في اسبوع واحد
اقسم بالله العظيم ده حصل
المهم يا بنات
قلت اجرب رجيم تاني و قعدت اجرب حاجات كتير و عكيت الدنيا لاسبوعين
زدت 2 كيلو
قلت يبقي رجيم البروتينات هوة اللي هيجيب نتيجة معايا
وكررته تاني
والله العظيم
خسيت في الاسبوع التاني منه 7 كيلو و ماكنتش مصدقة نفسي علي الميزان
وبقيت 75 كيلو
المهم بقي يا فتوكات في ده كله
ان الرجيم ده ماحصليش منه اي مشاكل
يعني لا دوخة ولا اصفرار و لا جوع و لا اي حاجة من الحاجات اللي بنسمعها عن الرجيمات اليومين دول
وكمان لو زودتي الوجبات اكتر من كدة هتخسي باردو بسرعة
اهم حاجة ان كله يبقي بروتين في بروتين
المشكلة بس انك ممكن تزهقي شوية منه
بس انتي عندك يوم مفتوح كلي اللي انتي عايزاه فيه
انا دلوقتي بقالي تلات اسابيع بعيدة عن الرجيمات
وتقريبا مافيش حاجة الا و تلاقوني باكلها

http://img.konyonsa.com/uploads/5009d123d7942.jpg

وبالرغم من كدة
اللي يشوفني يقولي انتي ولا باين عليكي بتاكلي
لأن فعلا يا بنات جسمي شكله ماتغيرش
انا عارفة نفسي و حسة اني زدت كام كيلو في التلات اسابيع اللي عمالة اعك فيهم دول
بس كشكل اللي يشوفني يقول علية زي مانا لما كنت 75 كيلو
ملاحظة هامة جدا جدا جدا
الرجيم ده ممنوع لمرضي الكلي والنقرس والكبد
انا اسفة اني طولت عليكوا قوي كدة
بس عشان انتوا حبايبي حبيت بجد انكم تستفيدوا من تجربتي
واي استفسار انا في الخدمةانا حبيت اعرض عليكوا تجربتي اللي فادتني جدا و احب ان الكل كمان يستفيد منها
انا بدات رجيم البروتينات و انا عندي 89 كيلو يالتمام والكمال

تسلم ايدك يا رورو
دمتى متميزة