زارع الورد حصد شوك
كنت ماشى فى سكتى
مش عارف رايح فين ولا عارف جاى منين
قابلتنى ورده مدمعه ودموعها سايله
قلتلها مالك ليه كده للهم شايله
قالتلى سيبنى عايزه اكون وحدى فى حالى
مش عايزه حد يعرف ايه جرالى
سبتها ف حالها ورحت ماشى فى سكه تانيه
قابلتنى ورده كانت بتدبل كل ثانيه
قطفتها ومن بحر حبى انا رويتها
ولما كبرت من عيون الناس داريتها
لاكن نصيبى انها ماتكونش ليا
كانت لغيرى وهى ماشيه شاورت عليا
ادى اللى انا كبرتها وفتحت عينها على الحياه
اول ما شافت حد غيرى سابتنى ليه وراحت معاه
ورجعت تانى لوحدتى اسقى الورود الدبلانين
واقطف لنفسى أحلى ورده واقول ياعالم هتروح لمين
كلمات
ناصر الزيدى
