كيفية اختيار افضل مكان لشهر العسل
http://www.elagazat.com/uploads/blogger/image/555/6487
سؤال مهم جدا ومفيش عريس او عروسة الا وبيسألوا عنه؟
ياترى فين اقدر اعمل شهر العسل بتاعي؟ وياترى الفلوس اللي معايا دي هتوديني فين؟ انا نفسي اروح تايلاند ..بس ماليزيا احسن...ياترى بالي الافضل؟
فعلا حاجة تحير جدا وصعب الجوااب عليها, ولكن تقدر تحدد شويه معايير علشان تحدد قرارك وبناءاً عليه هتقدر تحدد اتجاهك.
معايير الإختيار:
التكلفة المتوقعة كام؟
عروستي نفسها تروح فين؟
هل انا مستوفي شروط إستخراج تأشيرة البلد اللي هقضي فيها شهر العسل بتاعي؟
امتى احجز؟
1- التكلفة المتوقعة كام؟
طبعا التكلفة هي اهم حاجة ودي اللي هتخليني اعرف فعلا انا رايح فين ودي عليها تقريبا 60% من اتخاذ قرار مكان شهر العسل لان مصاريف توضيب الشقة والأثاث والفرح اخدت كل الفلوس اللي معايا ومش هيتبقى غير شويه فكة هم دول اللي هقدر اروح بيهم المكان اللي انا نفسي فيه, واحنا وفرنالك هم كبير اوي عنك علشان متفكرش كتير في موضوع الفلوس دا, وانت تقدر بكل بساطة تختار المبلغ اللي معاك بيتراوح من كام لكام وهتلاقي كل العروض اللي في حدود المبلغ دا ظهرت قدامك وتقدر تقارن براحتك بين العروض وتختار انسب عرض في حدود امكانياتك.
2- عروستي نفسها تروح فين؟
طبعاً لو علينا احنا الرجاله مش عايزين اصلا شهر عسل :D بس احنا بنعمل كدا علشان نرضي شريكة الحياه وعلشان تبقى حياتنا كدا مزهه وجميلة ونقدر نقولها بعد 5 سنين عايزين نفتكر الذكريات الجميلة بقى في بداية حياتنا, ودائماً ما بتكون العروسة احلامها كبيرة جدا جدا وشايفه ان ركوب الفيل في بماليزيا او تايلاند دي احلى حاجة في الحياة ولو عملت كدا يبقى هو دا شهر العسل اللي محصلش نهائي.
بس صارح عروستك بإمكانياتك علشان هي تختزل احلامها على قد فلوسك وبعدها تقدروا تختاروا براحتكم من عروض شهر العسل
http://www.elagazat.com/uploads/blogger/image/555/6488
بس لو هي بقى نفسها تطلع وتركب الفيل هتعمل ايه بقى؟؟
الموضوع سهل وتقدر تقسط رحلتك بشكل بسيط ومريح معانا لو انت معاك فيزا البنك الأهلي المصري.
3- هل انا مستوفي شروط إستخراج تأشيرة البلد اللي هقضي فيها شهر العسل بتاعي؟
طيب الحمد لله العملية مزهزهه معاك وهتقدر تنفذ حلمكم او هتقدر تعمل تقسيط مع البنك الأهلي المصري, يبقى كدا ناقص بس التأشيرة للبلد اللي انت هتروحها.
فلو هتعمل شهر عسل في تايلاند فلازم يبقى معاك بعض اوراق إستخراج التأشيرة زي كشف الحساب البنكي و خطاب موجة من جهه العمل HR Letter او سجل تجاري وبطاقة ضريبة.
اما لو هتعمل شهر عسل في ماليزيا فانت مش محتاج تاشيرة اصلا.
اما بقى لو عروستك صممت على شهر عسل في تركيا فهيبقى في شويه اوراق هتعرفها عن تاشيرة تركيا.
4- امتى احجز؟
اهم عامل في الموضوع دا هو الوقت لان كل لما تحجز لشهر العسل بتاعك بدري كل لما تكون الإمكانية متاحة والتكلفة اقل, اما بقى لو زنقت نفسك فمتلومش الا نفسك...
