ازيكوا كلكوا
يارب تكونوا بخير
بسم الله الرحمن الرحيم
( ان الله لايغير مابقوم حتى يغيروا مابأنفسهم)
صدق الله العظيم
بصراحه انا كتبت الموضوع ده من شدة الاستفزاز الاعلامى اللى بشوفه
يعنى ايه كل شويه الاقى حد يقول اى بورسعيدى هشوفه هقتله
واللى يقول انا هشتمه بأهله
واللى يولعوا عربيات المنطقه الحره فى القاهره
واسماعيليه و دمياط يقفلوا علينا طريق السفر
كل دااااااااا ليه ؟؟؟؟؟؟؟؟؟؟؟؟؟؟؟
واللى يقول كان احسن يحتلكوا الفرنسيين ومتتحسبوش علينا محافظه مصريه
والاعلام الرياضى يشتم فينااااااا
هى دى حرية الاعلام ؟؟؟؟؟؟؟؟؟؟؟؟؟
هى دى الثوره ؟؟؟؟؟؟؟؟
كلامى هنا موجهه لاى حد قال علينا كده
احنا مصريين غصب عن اى حد ومش هنسمح لاى حد يشكك فى مصريتنا ايا كان
لولا بورسعيد مكنتوش انتوا عشتوا فى امان من وقت الاحتلال
الشعب المناضل عمره ما يعمل كده
عشان شوية بلطجية مأجورين من فلول الحزب الوطنى ومن بره بورسعيد بقت كل بورسعيد وحشه
ما تفوقواااااااااااا يا مصريين
بورسعيد مكنتش غير كبش الفدا لتصفية حساب المجلس العسكرى مع الالتراس الاهلاوى
ما احنا طول عمرنا بنلعب مع الاهلى و عمر ما حصل كده واحنا خسرانين
هيحصل واحنا كسبانين ؟؟؟؟؟؟؟
والامن واقف يتفرج وفتحوا باب المصرى للجمهور
وباب الاهلى ملحوووووم
كل ده ومحستوش انها مؤامره ؟؟؟؟
كل القنوات الاعلاميه اللى معندهمش ضمير الا من رحم ربى
محدش جاب سيرة الــ 20 بورسعيدى اللى ماتوا وكانوا فى مدرجات الاهلى
والالتراس الاهلاوى يقول كل البورسعيديه اللى كانوا معانا فى المدرج مشوا عشان جتلهم تعليمات
امال اللى ماتوا دوووووووووووول ماتوا ازاى ؟؟؟؟
ده منهم اتخنق بالجنزير واتداس عليهم
حسبى الله ونعم الوكيل فى كل ظالم ظلمنا
يارييييييييت نفهم بقىقالوا قانون الطوارىء للبلطجيه
ومنوصلهمش للى هما عايزينه
منجحوش وقت تفجير كنيسة القديسين
ومنجحوش انهم يقسمونا مسلميين ومسيحيين
هيقسمونا مسلمين ومسلمين ؟؟؟؟
حرام بجددددددد
ما كل اللى كانوا فى الملعب بيقتلوا فى اخواتنا بلطجيه ومشوفناش واحد بس اتمسك وقتها
كل ده ومفهمتوش ؟؟؟؟؟؟
مبرووووك يا مبارك
مبروووك يا مشير
سنة ولم يسأل فرد واحد عن شهداء مصر
واخيرا مش عشان انا بورسعيديه بقول كده
بس عايزه اقول ان اللى حصل ده كان ممكن يحصل فى اى محافظه
كان ممكن يحصل فى استاد القاهره نفسه
بس جت فى بورسعيد
عاشت مظلومه ايام المخلوع وعايز يظلمها تانى
بس هقول ايه غير ان ربنا ميرضاش بالظلم
وحسبى الله ونعم الوكيل
وانا لله وانا اليه راجعون فى جمييييييع شهداء مصر
