اخلاق يجب ان تتحلي بها مع زوجك

[ayoun elkamr]

1:الاحترام:
اعلم انكن جميعا محترمات ومن بيوت فاضلة ولكننى اقصد احترامك لزوجك واعلمى ان الاحترام المتبادل هو اللغة المشتركة بمعنى لو رزقك الله بالشخص المحترم ستكسبي حياتك فعلا
طيب لا سمح الله وحصل انة غلط ودة طبعا ممكن يحصل افتكرى دائما كلامى اوعى تردى الغلط علشان حقك ما يضيعشى وخليكى صاحبة فضل
واصل محترم
2:الكتمان:
تعرفى تكتمى سر صديقتك لو قلتى اة تبقى شاطرة

طيب خليكى معايا
تكملة للنقطة الاولى لو زوجك غلط وفرضا شتمك حتعملى ايه
اكيد ردودكم دلوقتى عنيفة جدا خليكى معايا
كثيرا جدا من الازواج ممكن وقت الزعل يسبك مثلا باهلك او يسب اخت او اخ لك اذا حدث منهم تصرف لم يعجب الباشا او يغلط مثلا فى والدتك
الكلام دة طبعا ممكن تشوفيه
عارفة يا شطرة يا حبيبتى لو الكلام دة طلع برة يبقى حتقولى يا رحمن يا رحيم على علاقته باهلك والغريبة انك حتصلحيه بعد كدة واول ما يقرب منك حتنسي كل حاجة بس الى مش حينسي اهلك وحتفضل علامة سوداء لا تمحى
اوقاتا كتيرة كان زوجى يتشاجر معى ويتصل بى والدى ويقولى صوتك فى ايه اقولة تعبانة رغم انه خلاف عادى لو حكيته مش حيعمل مشكلة
طيب لو قلت لوالدى حيزعل عشانى ويرجع يتصل تانى وهكذا
والغريبة ان انا وزوجى نتصالح علطول وانسي طبعا كل حاجة يبقى ليه نحكى برة فهمتونى ولا اقول كمان
3- لا تصادقى الا من يحبهم زوجك
يعنى مثلا واحدة صحبتك يقولك مش بحبها وانتى تقولى هى صاحبتى ما لكش دعوة ما ينفعش واتقى الشبهات وما ينفعش انتى تقعدى مع واحد صاحبه او تكلميه فى التليفون
او هو يقعد مع صاحبتك ويهزر وتبقوا عيلة زى ما بيقولوا
صاحبه يجى البيت باب الغرفة يتقفل عليهم و الواجب الى حتقدميه يكون وانتى برة يا بنات فى مصايب بتحصل كتير بسبب تعايش المحارم مع بعضهم
4-البرستيج

عارفة الى بتدى لزوجها برستيجه امام الناس كلهم
مش قصدى تاخديه منه تانى لا بجد احترميه واعطيه اكتر من مقامه ولا تتحدثى على عيوبه امام اى حد فعلا حتلاقى نتيجة حلوة معاه
5-الالتزام
اضيفى على بيتك رونق الالتزام فلتحعلى ايات القران تتردد فى منزلك فعلا بتهدى جو البيت وتبعد عنه الشياطين
تخيلى لو مشغلة اغانى وقت الزعل والله حتتهبلى اكتر
انما لو سورة البقرة مثلا تشعرين ان رضا الله فى منزلك وبيكون الصلح سهل جدا
6-اللك واللت والعجن والرغي:
فهمتونى قصدى كثرة الكلام وخصوصا فى التليفون حاولى ان تنتهى من مكالماتك قبل وصول زوجك الى المنزل على فكرة كل الرجالة عموما عندهم حالة نفسية من موضوع التليفون دة ممكن هو يلك براحته بس انتى لو اتكلمتى كتير تلاقى نقد منة جامد
ومش حنقول اشمعنة انت بتكلم
احنا زوجات جدعان وبنريح الزبون اتفقنا يا حلوين حنخلص اللك كله مع الاهل والاصدقاء قبل ما يوصل البيت
ويا سلام لو شعر بذلك لو حد اتصل فى وجوده وقولتى معلش اصل زوجى
هنا نتكلم فى وقت تانى حيفرح بيكى اوى تمام

7-الشطارة
انا عايزاكى تكونى شاطرة تخلصى شغل البيت قبل ما يجى مش تستنى لما يوصل ويلاقيكى قاعدة امام الكمبيوتر او التليفزيون وتقومى لما يوصل تعملى الارز مثلا او تكملى الاكل
ما ينفعش يا قمر قبل وصوله بيكون كل شئ تمام حتى انتى تمام
ويا سلام فى زجاجة معطر ترشى بها المنزل وخصوصا غرفة نومك
دلعيه اوى قبل ما تتكعبلى فى العيال علشان يلتمس لك العذر ان قصرتى
ولا يكون من طبعك الاهمال
واؤكد عليك اساسى لو عندك عشرين طفل لازم زوجك ياتى يلاقى الاكل جاهز ايا كان نوعيته المهم وجوده فهمان ولا مو فهمان

8- الاونطة

تعرفى تكونى اونطجية مثلا وحشتنى ،بحبك،الكلام الحلو الى مالهوش اخر
حتى لو لم يرد وطبيعته لا يجيد الكلام برضة لازم تقولى اتصال جميل وهو فى الشغل عايزة اطمئن عليك وخلافه
واكرر عليك لا تزعلى منه لو لم يبادلك صدقينى انتى كدة مش بتحرميه من اى حاجة علشان ما يجيش علية وقت ويبص برة
ولو تعاملتى بالعاطفة حتلاقى نفسك بتدى كتير وكرمك مش مخليكى تستنى الرد
9- كونى له اماً
ودة طبعا بالحنان والعطف عليه واكيد فهمين كلامى لو وصلتى للدرجة دى حتكونى شاطرة جدا وفعلا ستاثريزوجك وتجعليه لا يستطيع الاستغناء عن حنانك وعند نومه اول شئ يفعله هو النوم على صدرك الحنوون مثل ما كان يفعل وهو صغير مع امه

[♥ρėŧŧу ςαŧ♥]

تسلم ايدك يا رورو