احرجتني ياذيب عند المعازيب
وانا ياذيب اليوم ماني بمسموح

عيني على سطح السما والمراقيب
ولي عزوتـ(ن) من روس سالم ومسروح

قد قلتها ياذيب .. ياذيب .. ياذيب
وانت تجر الصوت بالصوت وتنوح

حطيتني بين الملا والاجانيب
وخليتني مثل الذي فاقد البوح

حطيتني في موقفً صعب ومخيب
وارسلت لي فنجال بالدم مسفوح


رح ردها ياذيب لاهل المواجيب
ثم قلهم مالي بهالوضع مصلوح

لكنها صارت كما رمية مصيب
ثم خابت ولاهي من الود بتروح

اما انت لك عندي من الحق ترتيب
ابيات شعري في غلاكم لها زوح

شمس الغلا من بيننا حلت تغيب
لو تكتب بيوت العذر مانت مسموح

قبل امس تسوى في عيوني مخاليب
واليوم ماتسوى ولا ربع طحطوح