افرحي يا ام الشهيد

[واحدة من الناس]

افرحي يا ام الـشهيد
النصر طلع مش بعيد
وحق ربنا هو الشديد
ربنا ..
ربنـــــا يــــــا أم الشـــــهيد
...القادر علي كل معتد عنيد
اللي كان علي دمعك شهيد
اللي استجاب لكل مدة ايد
دعيتي فيها وقولتي يا مجيد
رجعلك حقك و إتفك من علينا القيد
والظالم خلاص.. بقي في ايده الحديد

افرحي... و خدي عزا ضناكي
قلـــوبنا اللي بــــكت وياكـــي
فرحـــــانة النـــهاردة معـــاكي

دعوة مظلوم و طلعت للسما
و رب استجرنا به و كان نعم الحما

شمسك يا مصر نورت سماكي
و الفرحة من الفــجر مليــاكي
أخيرا يا مصر بقيت لقياكي
توهنا منك وفيكي .. و رجعنا لحماكي
لمي اولادك يا مصر وانا جاية وياكي
نفرح و نقولك يا مصر كلنا فداكي

بحق دم جرجس بحق دم محمد وعيد
زمان غنوا و قالوا ..مصر اليوم في عيد
و النهاردة بقول بحق دم خالد سعيد
وكل شهدائنا اللي عشانهم هاقول واعيد
الحق رجع وبيرجع ومبقاش العدل عننا بعيد
ارتاحي و خدي عزاكي بقلب راضي سعيد
و افرحي ...... افرحي يا أم الشهيد

[واحدة من الناس]

اه والله يا زينب
الحمدلله المطلع العليم
نورتيني يا حبيبتي

[لو اننا لم نفترق]

الحمد لله ربنا مش بيسيب حق حد
ميرسى يا تغريد جميلة اوى
تسلم ايدك يا قمر

[واحدة من الناس]

الله يخليكي يا قمر

متحرمش من الرد الغالي