سالخير عليكوا
انشالله تكونوا بخير كته وكويصين الحمد لله
انا جمعتكم انهاردة عشان اوريكوا حاجه غريبة شوفتها يعنيا اه وربنا بعنيا مش بودنى
انا قاعدة بقلب فى المنتديات
وابص هنا وابص هنا والاقى على حين فجأة عنوان غريب من نوعه
(( مواطنون ضد الزواج ))
زى مواطنون ضد الغلاء او ضد الحكومة او ضد الفساد
على اساس ان الجواز ده نكبه ومصيبة وداهية بيروح فيها الراجل شهيد ياعينى
" نحن لا نتزوج .. ننتحر أو نموت "
أسباب نشأة الحركة
الشباب مش لاقي شغل
والأهالي بتضرب أخماس في أسداس عشان يصرفو على عيالهم
والبنات طبيعي هيموتو على عريس
ولما ربنا يكرم شاب (من اللي مش لاقيين شغل) ويشتغل
ويروح يتقدم لبنت (من اللي هيموتو على عريس)
يصطدم بأهلها (اللي بيضربو أخماس في أسداس عشان يصرفو على عيالهم) بيفشوا فيه غل السنين
ويمطروه بوابل من الطلبات وإعصار من الشروط وعواصف من التحكمات
وكأن (الموكوس) رايح يخطب بنت بارم ديله وعامله فيونكة
فالنتيجة الطبيعة لهذا الطقس السئ اللي بيفرضه الأهل على ذاك الموكوس حاجة من اتنين
(1) إنه يستسلم للأمر الواقع ويشد الحزام على مصاريفه وأكله لبسه ويشتغل شغلانة تانية
وحاجات كده تقطم الوسط ، وكله طبعا عشان خاطر عيون ست الحسن
(2) إنه ينفد بجلده منهم وساعتها هيبقى ربنا بيحبه
هو صحيح لو فكر يتقدم لواحدة تانية هيجرب نفس الأحوال الجوية غير المستقرة
ومش هيبقى قدامه غير نفس الخيارين
بس أهو يفضل ينفد بجلده وربنا كريم بقى
ولأن الخيارين مايرضوش حد
كان لابد للحركة من الظهور لاستقطاب هؤلاء النافدين بجلدهم
أو المطحونين في الدنيا عشان يعجبو الست هانم اللي سابتهم واتخطبت لابن عمها اللي مسافر إيطاليا
واهو نشترك كلنا ونعمل حاجة مفيدة ، بدل ما يعملو في نفسهم حاجة
أهداف الحركة
1) الابتعاد التام عن كل ما يتعلق بالزواج ،
من شقة .. لعفش .. لبدلة .. لفستان .. لمعازيم .. لفرح .. لاستديو .. لدبلة .. لشبكة .. لهدايا في المناسبات اللي احنا أساتذة فيها
لمسك إيــــــد بقى .. لبوسة طياري .. لصورة ليها في محفظتك .. لمكالمة ساعتين بتصالح في الهانم المقموصة قال إيه بتغير عليك والحركات القرعة دي كلها
2) مقت أي كلمة شبيهة بكلمة الجواز
يعني (جوزة) لأ ........ شيشة اه
(جواز) سفر لأ .......... طلاق سفر اه
(جوز) جزم لأ ........... فردة واحدة اه
كل شئ (جايز) لأ ......... كل شئ أكيد اه
3) زرع الضغينة في القلوب تجاه الجنس الآخر وإبراز صورته في العيون على إنه قرد أو شمبانزي أو نسناس مسلوخ
4) الدعاء لكل من أنعم الله عليه وظل أعزبا بأن يثبته الله على موقفه ، ونحن معه قلبا وقالبا ومقلوبا
5) كلما زاد أعضاء الحركة، زادت نشاطاتنا وزاد تفاؤلنا بالمستقبل المشرق المبهر
6) {للشباب فقط}
العمل بموجب نصيحتنا الأزلية .... (( سيبها تعنس ))
- يعني ليه البنت المتعنطزة فيها تبقى كده
لما ممكن تبقى كده
< لا وواخد بالك من الإغراء اللي بتعمله >
- ليه تساعدها على إنها تبقى كده
لما ممكن تخليها كده
< لابسة إكسسوار ومفهمة اصحابها انها اتخطبت >
- ليه تقولها كده
لما ممكن تقولها كده
7) {للبنات فقط}
العمل بموجب نصيحتنا الأزلية .... (( سيبيه يتشحتف ))
- يعني ليه بسلامته يتهنى كده
لما ممكن يتهنى كده
- ليه تستقبليه كده
لما ممكن تستقبليه كده
- ليه تشوفيه كده
وانتي ممكن تشوفيه كده
---------------------------
معا ضد الزواج
وانا بضم صوتى لصوتكم
بلا جواز بلا نيلة
ههههههههههههههههههههههههههههه
شوية رجالة فاضية والنبى
مواقع النشر انشر موضوعك وهاتلو زوار