كلمني عن مصر

**واحدة من الناس** · 03-02-2011, 01:18 PM

السلام عليكم يا شباب المنتدي
السلام عليكم يا شباب مصر
السلام عليكم يا أهلنا وشرفاء هذه البلد
السلام عليكي يا مصر و فيكي الي يوم الدين
السلام عليكم ورحمة الله وبركاته

اخواني و اخواتي في ظل أيام لا تخفي عن احد و عواقب لا يعلمها احد سوي الله

مرض اصاب بلدنا الحبيب مصر و ستفيق منه وستشفي ان شاء الله قريبا

اردت في هذا الوضوع ان نتحدث من قلوبنا عن مصر

ببساط هنتكلم عن مصر

كلمني عن مصر
بقصيدة
فصحي
عامية
بكلام عادي من قلبك
قول كل اللي نفسك تقوله عن مصر وحبك لمصر وايه هيا مصر عندك

تعالوا كلنا نتكلم عن مصر

تعالوا كلنا نحب مصر

تعالوا كلنا نصالح مصر

في انتظارمشاركتم
وربنا معانا كلنا

ــــــــــــــــــــــــ

**Don't play with me** · 03-02-2011, 01:38 PM

موضوع فى غاية الروعه
ولى عوده بإذن الله

**بحر الحياه** · 03-02-2011, 03:28 PM

هايل ياتغريد ,,,

اتمنى اشارك ...

ويارب يعدى الايام دى على خير

اللهم احفظ مصر

**bondok** · 03-02-2011, 05:37 PM

بحييكي جدا جدا يا تغريد،،
موضوع قمه فـ الروعه،،
وتوقيته اكتر من رائع،،

انتي عارفه انا معنديش القدرة علي كتابه شعر،،
بالمستوي اللي يتنشر للناس،،

لكن كلامي عن مصر .. كلام ابن بار لامه وابوه،،
مصر بجد امي .. والريس ابويا،،

دي وجهه نظري انا الخاصه بيا انا .. محدش يشاركني فيها،،
ولا يعلق عليها،،

مصر كبيرة اوى .. وريسها عظيم اوى .. وانا هفضل احبه جدا جدا،،
وان شاء الله مصر هتعدي الايام الصعبه دي .. وهتبقي اكبر واقوي،،
وده مش كلامي ولا كلام اي بشر علي الارض،،
ده كلام رب العزة .. قال ادخلوها بسلام امنين .. وهتفضل طول عمرها كده،،

وان شاء الله هتبقي احسن واكبر واعظم .. ولن ينال منها الفاشلون الساقطون،،

**زائر** · 03-02-2011, 09:37 PM

تمام يا تغريد
ان شاء الله هكتب الى فى نفسى وجاااااااى

**جمال المصري** · 03-02-2011, 11:11 PM

مصر بتنادي والدموع في عنيها

علي كل مصري عايش فيها

في قصر او حتي في حواريها

يلا يا مصري نقوم نبنيها

ايدي في ايدك هنعلي بيها

**همس القلب** · 04-02-2011, 07:47 PM

باحيكى يا تغريد على موضوعك
انا ملقتش أحلى من الاغنية دى عشان أقولها
وطني يا مالك حبك البــــــــــــــــي
وطني يا وطن الشعب العربــــــــي
يا اللي نديت بالوحده الكبـــــــــرى
بعد ما شفت جمال الثـــــــــــــوره
انت كبير .. واكبر كتيـــــــــــــر ..
من الوجود كله .. من الخلود كلــه

***********************
وطني يا اغلى وطن في الدنيــــــــا
وطني يا ألعه للحريـــــــــــــــــــــه
انت الباني مع البانييـــــــــــــــــــن
وانت الهادم للعبوديــــــــــــــــــــه
الصوت صوتك حر وعربـــــــــــي
مش صدى شرقي ولا غربـــــــــي
ياللي ترابك كحل لعينــــــــــــــــــي
ياللي هواك عطره بيحينــــــــــــــي

***************
وطني يا زاحف لانتصراتــــــــــــك
ياللي حياة المجد حياتـــــــــــــــــك
في فلسطين وجنوبنا الثائــــــــــــر
حنكملك حرياتــــــــــــــــــــــــــــك
احنا وطن يحمي ولا يهـــــــــــــدد
احنا وطن بيصون مايبـــــــــــــــدد

وطن المجد يا وطني العربــــــــــي
وطني حبيبي ...

ربنا يحميكى يا مصر ويفضل علمك مرفوع دايما

**ناصر الزيدى** · 08-02-2011, 05:28 PM

مصر يا أرض البلاد

يا أرض أجدادى

رقى يا مصر واسمعى

صوت الحق بينادى

**واحدة من الناس** · 15-02-2011, 11:56 PM

شكرا لكم يا جماعة
في انتظار كلام كتير عن مصر
لانها يتقال عنها كتير
من الاخر الكلام عنها مش بيخلص
ياريت تشاركونا
والناس اللي قالت هترجع تشارك احنا في انتظاركم لسة

الموضوع: كلمني عن مصر

أدوات الموضوع