بتحب ربنا ؟ طيب لحظة من فضلك

**واحدة من الناس** · 23-12-2010, 11:03 AM

اختي الغالية واخي الكريم

يا كل عضو معانا هنا

ممكن سؤال

بتحب ربنا؟؟هتقولي ايه السؤال دة

طبعا بحبه

طيب ممكن لحظة من فضلك

دي شوية أسئلة ياريت تجاوب نفسك قبل ما تجاوبني عليها

لو مشغول بلاش تقراها الوقتي

خليك لما تفضي واقراها علي مهلك

لو مشغل اغاني ياريت اطفيها ولو لخمس دقايق بس

واستحضر عظمة ربنا الان وانت بتقراها

بتحب ربنا اذاي..؟

تعالي احكيلي وقولي ........

إمتي حسيت إنك عملت عمل رضيت فيه ربنا وكان راضي عنك ساعتها

إمتي حسيت إنك خجلان منه ..وبتطاطي راسك قوي لانه يراك علي معصية

إمتي فكرت قبل ما تعمل حاجة ياتري هيرضي؟؟...ياتري دة شئ يرضيه ولا لآ

إمتي دعيته ولجأتله..... وقولت يارب من قلبك

إمتي استغنيت عن الناس ...وجريت تنادي علي بابه

إمتي قلت توكلت علي الله من قلبك

إمتي قلت حسبي الله ونعم الوكيل بيقين وحسن توكل بجد

إمتي شعرت برغيه شديدة انك تقوم تتوضأ وتصلي ركعتين من غير فريضة

إمتي بكيت وانت مادد له ايديك وبتشكيله وبتدعيه وبتقول من قلبك مليش غيرك يارب

إمتي قلت ميهمنيش الناس..انا كل همي رضاك انت يارب

إمتي حسيت انك نفسك تقعد وتتكلم وتفضفض لنبيه

إمتي قلت مش هجادل ولا ادخل حوارات تلهيني عن ذكرك يارب

إمتي قلت انا بعصي بس هتوب وبعترف اني غلطان ومذنب

إمتي فكرت فيه وانت حاطط راسك علي مخدتك وقعدت تبص فوق كانك شايفه وبتكلمه

إمتي قلتله بحبك قوي

بحبك قوي يارب

ملحوظة بسيطة

اتمني من كل اللي هيقرا الاسئلة دي انه يسالها لنفسه ويجاوب بينه وبين نفسه

مش منتظره اجابات هنا خالص صدقوني

اعتبروها وقفة مع النفس بينا وبين ربنا

بس ياريت تقراوها بقلبكوا قبل عنيكوا

الكلام دة بجد محضرتهوش والله العظيم

الكلام دة جالي فجاة الآن وأنا بكتبه مباشرة علي المنتدي

لعلها إردة المولي سبحانه وتعالي

ان يهبنا بهذا الموضوع وقفة مع انفسنا وقربا له سبحانه وتعالي

شكرا يارب

لك ألف حمد وألف شكر

**Don't play with me** · 23-12-2010, 11:17 AM

السلام عليكم ورحمة الله وبركاته
ليس الخائف من بكى فعصر عينيه، إنما الخائف
من ترك ما اشتهى من الحرام إذا قدر عليه
جزاك الله خيرا أختي الكريمة..
على هذه الأسطر الجميلة...
والتذكرة المهمة....والحديث الطيب..
نفع الله بك الإسلام والمسلمين..
ورزقنا الله وإياك القبول والإخلاص في القول والعمل..ياارب..
كلمات اكثر من رائعه تستحق التقيم