مش عايز اعرف

**واحدة من الناس** · 03-04-2011, 10:52 PM

مش عايز اعرف مين مســـــؤل
اشتغل الوقتي الخط المشغول ؟
و الكل بقي يرد و يجاوب و يقول
بعد ما قفلوا الارضي و المحمول
و اللي يقرب يتكلبش علي طول
...
مرة جمل مرة فتنة و تذيد الحمول
اللي خلت شبابنا شكل الكهول
زهقت من كلام معدش مقبـــول
بلا احزاب بلا بلطجة بلا فـــــلول

غيرنا ايه و ايـــــه اللي معمـــول
أكلنـــا الغلبان لحمة بعد الفــول
و لا حاكمنا الجــاني و المسؤل؟

رتابة كآبة .... شئ مش معقول
طالعين ولا نازلين ياناس حد يقول
لا روحنا ولا جينا ولا وقفنا بالمعدول

ياريتني ما سألت.... انا ايه خلاني اقول؟
هسكت لاتقولوا خاين و اطلع انا المسؤل

**واحدة من الناس** · 05-04-2011, 12:15 AM

تسلميلي يا زينب
نورتيني يا حبيبتي

**7ATEM** · 15-04-2011, 03:56 AM

اتكلمت ولا متكلمتش

عادى جدا ممكن تبقى مسؤل

انا بسمع عن ناس بتتحبس

ماعرفش هى اصلا عملت فعلا كده ولا لأ

بس من غير ما حد يتكلم عليهم ولا هما يتكلمو :d

]لا خير خير

تحفة يا تغريد كالعادة

تسلم ايدك