نكت وفكاهات الثورات العريبة

**s_a** · 02-03-2011, 04:42 AM

أشهر صفحات القذافي: الراجل اللي جاب الميه للقذافي والذبابة التي هبلت القذافي
و"الصوت اللي بيزيق في مكالمة القذافي" و"المذيع اللي مكنش عارف يضحك والقذافي ع التليفون".
--------------------------------------
- نبأ عاجل: القذافي لن أتنحى حتى أسدد أقساط التوك توك.
- سائقو التوك توك يشكرون العقيد بعد أن ظهر بالتوك توك مرتين كإعلان مجاني.
- طيب القذافي قال خطاب وسيف هيقول خطاب طيب واخواته وأمه محدش عاوز يقول حاجة؟.
- معا للحفاظ على القذافي كتراث أنساني.
- القذافي يغير علم ليبيا إلى علم ازرق مكتوب عليه "العين صابتني و رب العرش نجاني".
- القذافي: سأظل في ليبيا إلى أن أموت أو يوافيني الأجل.
- القذافي يرفض حظر التجول تعاطفاً مع الناس اللي عندهم تجول لا إرادي.
************************************************** ***********************
"من أفلام الثورة: مبارك في الزنزانة - يا انا يا حسني - الواد عز بتاع الرئيس - مبارك شيكا بيكا - إنها حقا أجندة محترمة - خالتي أجنده - تيمور وحسني
- شورت وأجندة وكاب - حسنيكانو - وبلطجية في كي جي تو - المرأة والدستور - مطب رئاسي - اللي بالي ماشي - اللعب مع الاخوان - نحيني شكرا -
--------------------
§ "أكبر فرق بين التلفزيون المصري وسبيس تون؟ أن التلفزيون
المصري لا بيسابق ولا بيلاحق، إنما سبيس تون فيه سابق ولاحق"
§ "مفاجأة مدهشة : كل الأجيال راحت الجيش، احنا الجيل اللي الجيش جاله".
§ "عقد الريس جلسة مع وزير الداخلية السابق حبيب العدلي، قا له محتدا : منعت الحشيش يا فالح أهو الشعب صحصح
************************************************** ************************
أمنية واحد مصري: يا ريت مبارك كان ضربنا إحنا الضربة الجوية،
وراح حكم إسرائيل 30 سنة، كان زمانهم بيشحتوا دلوقتي!
---------------------------------
- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!
-----------------------
- الرئيس يعلن في بيان: وفاء مني لمصر ورغبة في تلبية طلبات الشعب
لن أرحل حتى أحقق مطلب الشعب في القبض على السفاح ومحاكمته.
--------------------------------------- ----------------
- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟
قاله الراجل: أنا عايز كوبري بين القاهرة وأسوان. العفريت قاله:
دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم.
العفريت قاله: انت عايز الكوبري رايح جاي؟ ولا رايح بس؟.
---------------------------------------
- شهود عيان فى أروقة وزارة التربية والتعليم تفيد بأنه قد تم تأجيل امتحانات
الدور التاني إلى أجل غير مسمى، معللة هذا بأن النظام سقط وعاوز وقت عشان يلحق يذاكر.
************************************************** ************************
اطل مبارك من الشرفة ثم التفت الى نائبه عمر سليمان وقالـ له: هو الشعب المصري اللي في الخارج بيهتف بيقول ايه ؟
فرد عليه سليمان : الشعب جاء عشان يودعك ياسيادة الرئيس ! ! ! رد مبارك فورا : ليه ؟ هو الشعب عايز يرحل ويروح فين؟
--------------------------------------------------------
إبليس شاف الـ 3 ملايين بيصلوا الجمعة في ميدان التحرير راح مصوت وقال الله يخرب بيتك يا مبارك بقالي
30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!.
----------------------------------------
زين العابدين لما عرف بعت رسالة لمبارك يقوله له فيها : متنساش تجيب
دراع البليستيشن معاك – رد مبارك قائلا : لا تعايرنى ولا أعايرك الشعب خالعنى وخالعك.
---------------------------------------
سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : يا جماعة أنا فرض مش سنة.
-------------------------------------------------------------------------------------
وكتب آخرون تعليقا يقول : (حسني مبارك "آسف على الازعاج" انت عملت أكبر "مطب صناعي
في تاريخ مصر والله إنت "وش إجرام" وطول عمرك "دبور" ودلوقتي جالك "
زهايمر" باختصار إنت " محترم إلا ربع" كل الشعب بقى ينادي "جعلتني مجرمًا"
وعملت الحلو "عسل إسود" ومن السجون "العيال هربت" سرقت من عيونا " الفرح" إنت فاكر مصر "كباريه" وعامل فيها "الزعيم"
وكنا نقول يا عم عديها "حين ميسـره... " "ليه.. يا دنيا" "هي فوضى" باختصار حسني مبارك . "طير إنت")
************************************************** **********
وكان مصريون رفعوا بدورهم لافتات طريفة خلال الثورة وعقب تنحي
مبارك في ميدان التحرير أشهرها لافتة تقول (إرجع ياريس كنا بنهزر معاك .. الكاميرا الخفية!!).
- القذافي: معلقاً على الأحداث في مصر: "ياما نصحتو خليك مع شعبك مخدش بنصيحتي".
- تم تغيير النشيد الوطني المصري وأصبح: بلادو بلادو بلادوو... مصر لحسني وولادو!!!!
ليبي لقى فانوس سحري.. فرك.. فرك.. طلعلو القذافي.. قالوا شبيك لبيك..
عمروا.. بين أيدك.. قلو أرجع تاني وعيب عليا لو طلبت منك حاجة
************************************************** ****************************
بيقولك واحد لقي الفانوس السحري ودعكه.. طلعله العفريت وقاله:
شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي..
نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

**‏ღ ـزى الــهـــوى ღ** · 02-03-2011, 05:24 AM

جميل قوي قووووي
بس غيني باظت ههههه
لو سمحتي كبري الخط شويه ممكن؟

**s_a** · 02-03-2011, 05:34 AM

والله بغيرالخط بس مش عارفة بيرجع تانى اعمل ايه ؟؟

**‏ღ ـزى الــهـــوى ღ** · 02-03-2011, 05:36 AM

ممكن تغيري المتصفح الي شغاله عليه وجربي كده

**s_a** · 02-03-2011, 06:11 AM

المشاركة الأصلية كتبت بواسطة ‏ღ ـزى الــهـــوى ღ

ممكن تغيري المتصفح الي شغاله عليه وجربي كده

شكرا ليك بس بجد انا عملت كل حاجة علشان يتغير الخط وبردو

**MR. PrESIdEnt** · 02-03-2011, 08:57 AM

§ "مفاجأة مدهشة : كل الأجيال راحت الجيش، احنا الجيل اللي الجيش جاله".

************************************************** ************************
أمنية واحد مصري: يا ريت مبارك كان ضربنا إحنا الضربة الجوية،
وراح حكم إسرائيل 30 سنة، كان زمانهم بيشحتوا دلوقتي!
---------------------------------
- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!
-----------------------
إبليس شاف الـ 3 ملايين بيصلوا الجمعة في ميدان التحرير راح مصوت وقال الله يخرب بيتك يا مبارك بقالي
30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!.

************************************************** **********

انا عجبوني اوي دول
خصوصا بتاع ابلبس
بس حاولي تشوفي حل في حوار الخط ده
انا لابس نضارة اساسا

تسلم ايدك