إحنا فـ بلدنا عبيد .. وهما فـ بلدنا ملوك

**7ATEM** · 18-10-2010, 08:50 AM

السلام عليكم ورحمة الله وبركاته
بسم الله الرحمن الرحيم

بداية خالص تحياتى وتقديرى لكل الأعضاء الجمال اللى مشرفيننا

هدخل فى الموضوع على طول بدون اى مقدمات

وانا قاعد وكعادتى بحب اتصفح موقع المفضل اليوم السابع
رجعت بالأخبار لورا شوية .. وبالصدفة سبحان الله

ابص الاقى خبر بعنوان "صور إباحية تروج للدعارة تحت سفح الأهرامات وصور التقطت بمناطق سياحية مختلفة كالأقصر وسقارة تحت سمع وبصر الأجهزة الرقابية والتنفيذية"

بصراحة انا شوفت العنوان ذهلت
واللى جابلى ذهول وشلل وكل حاجة ان الخبر فعلا بالصور كمان .. يعنى حقيقة

دى صورة الخبر .. مش المحتوى .. انا اتكسف بصراحة اجيب صور الخبر اللى يحب يدخل على اليوم السابع ويشوف جمال بلدنا .. او يبحث عن العنوان ده ويدخل اووووووووول نتيجة هتطلعله

وبرده ده محتوى الخبر .. من غير الصور

كشفت صور فوتوغرافية حصل عليها اليوم السابع، عن قيام شركات سياحة أجنبية بتصوير فتيات فى أوضاع فاضحة ومخلة بالآداب داخل منطقة الأهرامات، كنوع من الترويج الدعائى لسياحة "الدعارة" فى مصر.

وتبرز إحدى الصور، فتاة تكشف عن ملابسها وبجوارها فردا أمن ينظران إليها، فى غياب الجهات الرقابية المتمثلة فى وزارات الداخلية والثقافة والسياحة والهيئة العامة للآثار، كما تظهر فتيات عاريات تماماً فى مناطق سياحية أخرى مثل منطقة هرم سقارة ومعابد الأقصر، فيما تم تصوير عدد كبير من هذه الصور بعيداً عن أعين الأجهزة الرقابية فى المناطق السياحية.

هذا وينشر اليوم السابع تلك الصور مع تغطية المناظر الفاحشة لتقوم الأجهزة الرقابية بدورها فى التصدى لمثل هذه الأحداث التى تسيىء لسمعة مصر.

كفايا عليكو الخبر من غير صور .

شايف كلمة دعارة انا وترويج للدعارة .. وده تحت مرئى ومسمع الجهات الرقابية
والمتمثلة في وزارات الداخلية والثقافة والسياحة والهيئة العامة للآثار .. كل ده فين؟؟

فين الناس دى .. وازاى يسمحو بحاجة زى كده

وطبعا لو واحنا ماشيين شوفنا سياح لبسهم زبالة .. ولا اتنين بيبوسو بعض ف الشارع وعايشين اللحظة .. وعادى ممكن تلاقى الأمن واقف يتفرج وعادى .. وده شوفته كتير جداااااااا .. خصوصا فى محطة الجيزة {اللى ربنا كرمنى بيها وشفتها بس وما خفى كان اوسخ} .. ولو حد فى واحد ف عليتهم راجل يفتح بقه معاهم ؟؟!!

لكن لو حد عادى مصرى حاطت بس ايده على كتف بت .. هيلبس قضية آداب وش .. وهيبقى دخل فى دايرة المجهول كمان!!

نشوف إحنا الحاجات دى ونخرس خاااااااااالص .. ما هو اصل دي السياحة يعني مصدر الدخل الأول لمصر،
تقول لي بقى دعارة، تجارة، حقارة، هما بقى شايفينها إعارة يا حاجة إعارة

وصلة للدرجة الحقيرة دى عشان العملة الصعبة؟؟

اللى عاوز اعرفه احنا فى مصر .. مش فى بلد تانى من البلاد المعروفة بكده .. صح كده؟

**El-ToRkY** · 18-10-2010, 09:05 AM

انت اول مرة تعرف ان فيه كده ف الهرم
الموضوع ده بقاله زمن بس مكنش معروف

عموما بلدك عاوزة كده ، او بمعنى اصح
مسئولين بلدك عاوزين كده ومفيش ادنى مانع

بسبب السياسة الزبالة لمسئولين وزارة الثقافة
خلت اى حد سائح أجنبى او حتى عربى
يعمل ما بدا له فى مصر تحت مسمى السياحة

ولا يقدر اى مسئول أمنى يقوله اى حاجة

ولو فرضنا وحد خدته الشهامة اوى
وخد الناس دول للنقطة مثلا او قسم

ولا هيتعملهم اى حاجة بالعكس
الظابط ده هو اللى ممكن يعاقبوه

وكل ده عشان الدخل اللى بيقولو عليه
من السياحة والقرررف اللى بيحصل بسببها

ورغم كل هذا مصر ف ترتيبها من حسث البلاد السياحية
ولا تيجى جناح بعوضةجمب بلد زى الامارات او تركيا مثلا

ربنا يعلن المسوئلين بتوعنا قبل ما يلعن الاجانب
وان شاء الله كلهم الى جهنم وبئس المصير

**♥ρėŧŧу ςαŧ♥** · 20-10-2010, 12:24 PM

انا مش عارفه اعلق بصراحه

مفيش كلام يتقال بعد اللى قريته

بس دا كله بسبب الخوف وطبعا مفيش مراعاه لشعور المصريين

مع ان مصر دوله اسلاميه بس تقول ايه

تسلم على طرحك للموضوع

**MR. PrESIdEnt** · 01-11-2010, 09:58 AM

المشاركة الأصلية كتبت بواسطة jorry

السلام عليكم
اولا انا مستغربه للكلام لا والادهى المرفقات من الصور
سأعطى مثال بسيط فى دوله السعوديه على سبيل المثال
تلزم كل من يدخلها من باب المطار السعودى بلبس الزى الرسمى والا يمنع الدخول والاجانب هناك على درجه عاليه من التفهم والالتزام بالزى الاسلامى رغم انها ليست ديانتهم

الكلام ده مع العرب بس هناك
حاملي الجنسيات الاوروبية والامريكية
بيعملوا اللي عاوزينه هناك

طبعا مش بالفجور اللي هنا
بس عايشين حياتهم براحتهم

وده اللي بيخلي الخليجيين يجيوا مصر يعيشوا حياتهم

وده اللي خلى الجزائريين يقولوا علينا
اننا بلد الرقاصات والدعارة

وعندهم حق
طالما احنا فاتحين ابوابنا وبناتنا لكل من هب ودب
في سبيل كام دولار ولا يورو

الخليجيين بيجوا مصر متوقعين ان بنات الليل واقفين لهم على ابواب المطار
وكل واحد هيعلق له 3 وهو طالع الفندق

ربنا يعدينا من البلد دي على خير
ونغور منها بقى نروح في اي مكان
ايا كان
هيبقى انضف من هنا بمراااحل