تم صرف مرتبات لأعضاء المنتدى

**7ATEM** · 03-10-2010, 10:41 PM

السلام عليكم ورحمة الله وبركاته

بسم الله الرحمن الرحيم

كام راتبك في المنتدى ؟

سألت بيني وبين نفسي ,, ياترى كام راتبي من المنتديات ؟؟

وايه اللي يخليني أتمسك بالمنتديات

بالرغم من كل الضغوط ومشاغل الحياة التي تتعب وتخنق الواحد فى الوقت الحالى ؟؟

وهل لو كان فى رواتب في المنتديات

كنا هنقدم ربع اللى بنقدمه دلوقتى من غير مقابل مادي ؟؟

أحب اعرفكم انه فعليا تم صرف رواتب للأعضاء

أيوة فى راتب بيتقدم من المنتديات !!!

وهو راتب حسي ومعنوي أكثر مما يكون مادياً !

العضو لما بيقدم موضوع .. بيجتهد في إختياره حتى لو كان منقول

ولما يجتهد العضو في البحث والتنقيب

فهو بدوره بيستفيد من البحث ده

فـ اجتهاده بيخليه يكسب فايدة ومشاركته ليها فايدة

وقرايته لمواضيع غيره ليها فاديدة

ومتابعته لردوده وردود غيره لها فايدة

لكن لما يكون العضو ملزم بعمل معين .. وبمقابل عليه ..

هيبقى غالباً بيقدمه ممن غير روح طيبه .. بدون نفس زكية ..

منغير النشاط ..

هيقدم مادة من غير ذوق .. من غيرطعم .. من غير نفس

لكن لما ينزل شيئ في المنتديات .. ويرتبه ..

ويهندمه يينزله ونفسه طيبه

وبينزله لنفسه ثم لنفسه ثم لنفسه

فـ غيري هو أنا .. وأنا هو غيري

لأني المستفيد الأول والأخير من المنتديات دى

مرتبي إني أخاطب طبقة المثقفين والواعين والطيبين من الناس

ناس انا حلمت بلقائهم ،، أو حتى تحيتهم ..

لكن مش عارف .. فـ بخاطبهم عن طريق المنتديات ..

مرتبي انهم يقرو ويشوفو اللى انا بنزله ..

مرتبي توجيههم ليا ..

مرتبي شكرهم ..

مرتبي تقبل نصيحتهم القيمة ...

مرتبي إهداؤهم نصائحي المتواضعة ..

مرتبي أن أكتشف ذاتي من خلال غيري ..

مرتبي معرفة معادن الناس..

مرتبي أن أعمل لنفسى في كل دولة وبلد ومكان أخ وصديق

و في كل مكان رفيقاً..

مرتبي إني اكتسبت أخوة أعزاء..

مرتبي إني أضفت لرصيدي الكثير من الحسنات بتوعية غيري

وشغلت نفسي باللى ينفعني وينفع غيري ..

مرتبي إني ازددت معرفة وعلم من الناس الحبايب دول..

مرتبى أنهم سعوا لمساعدتي.. لأنهل من ينبوع المعرفة..

مرتبي إني سعيت علشان أساعد غيري

بلا مقابل غير كلمة شكر تسعدني ..

حقاً أنهُ أجمل راتب

و على قدر العطاء تكون العلاوة و الترقية

________________

عجبنى .. فنقلته

تقديرى للجميع

**بحر الحياه** · 03-10-2010, 10:58 PM

احلى كلام والله ...

**جمال المصري** · 04-10-2010, 06:03 PM

انا قولت هنقبض بقي وانا داخل اتشرط واقول هاخد بالدولار

بس حقيقي موضوعك رائع بجد

تحياتي لك ولموضوعك الجميل

**زائر** · 09-10-2010, 02:00 AM

تمام
احلى مرتبات
لما نخاف على بعض ونحب بعض
والتعاون السمة المتداولة بينا
بجد احلى مرتبات

**تريكه** · 09-10-2010, 02:00 AM

فين ياعم انت الرواتب

انا عايز المقابل بتاعى مادى

لا حسى ولا معنوى

ده كلام قديم كان فى الستينات ده

هههههههههههههههههههههه

كلام زى الفل يا حاتم والله