رز بلبن خطير

**رزة** · 20-10-2010, 10:48 PM

نبدا بسم الله

المقادير

كوب رز مغسول كويس جدا

لتر لبن

جوز هند

سكر

نشا

فانيليا

لبن بودرة

الطريقة

نجيب الرز المغسول ونضيف له كمية مناسبة من الماء ونغليهم علي النار لحد ما الرز يستوي كويس جدا

ولو شرب المية ضيفي شوية كمان لحد ما تتاكدي انه استوي كويس

بعد كدة تضيفي اللبن هتضيفي تلات اربع كمية اللبن للارز ونسيبهم يغلوا غلوة

واثناء ما الرز بيغلي مع اللبن تجهزي كوباية فيها اللبن الباقي وضيفي عليها شوية جوز هند وتغليهم علي النار

جوز الهند بتدي للزر بلبن طعم ونكهة جميلة اوي
بعد كدة تصفي اللبن من جوز الهند وسيبيه لحد ما يبرد وبعد مايبرد تضيفي 4 معالق كبيرة نشا ومعلقة صغيرة فانيليا

و 2 معلقة كبيرة لبن بودة وتقلبيهم كويس وبعد كدة تضيفيها للازر واللبن وتقلبي كويس لحد ماتحسي ان الرز تقل

وبعد كدة تضيفي السكر حسب الرغبة وتقلبي كويس وبعد كدة تغرفي الارز في الاطباق وتزينيه بالمكسرات وجوز الهند والزبيب

وبالهنا والشفا

**رزة** · 20-10-2010, 10:53 PM

متاخدوش على كده :-d

الموضوع: رز بلبن خطير

أدوات الموضوع