لغز ظاهرة الديجافو الغريبه والمحيره

**BECKHAM** · 21-10-2010, 01:36 AM

!! لغز ظاهرة الديجافو المحيرة والغريبة !!

:::::::::::::::::::::::::::::::::::

عندما نكون مجتمعين بين العائله.الاصدقاء. او حتى عندما نمشي في مكان عام

نشعر بان هذا الموقف او المكان قد مر بنا من قبل….. نفس الكلام…. نفس
المكان…. وحتى نفس الحديث…..!!!

بعدها نبدأ بسترجاع الماضي والتذكر وطرح الاسئله….متى مر بنا هذا الموقف ربما
في الحلم او قد تكررت نفس الاحداث…..ولا تبالي اذا قلت هذا الشيء امام
الجميع

لانك في حينها تكون متأكد بانك مررة بهذا الموقف من قبل…..!!!!

تلك الظاهره تسمى بالديجافو فما هى وما اسبابها ؟

الـ ديجا فو هى كلمة فرنسية تعنى "تم رؤيته سابقاً"...

و هى أيضاً الإسم الشائع لظاهرة غريبة يمر بها 70 % من البشر بمتوسط سن 15-25 سنة...
تلك الظاهرة التى نشعر خلال حدوثها بأن كل شيئ حولنا...

كل التفاصيل و الكلمات و الوجوه و الحركة حولنا قد حدثت سابقاً...لكن متى أو أين ؟

لا نستطيع تذكر هذا
فقط نملك هذا الشعور الغامض بأن كل هذا حدث سابقاً...

بل أن الظاهرة ببعض الأحيان تستمر للحظات تتيح لنا معرفة ما سيحدث بالثوانى القليلة القادمة
كأننا "نتذكر" المستقبل...نعرف ما سيحدث لأنه جزء مننا...من ذكرياتنا !!

و حتى الأن لم يجد العلماء أى تفسير مقنع لتلك الظاهرة...لكنهم أستطاعوا على الأقل تكرارها بواسطة التنويم المغناطيسى

و قد صنفوا أنواع تلك الظاهرة لثلاثة أنواع هى :

1-
Deja vecu و تعنى "تم رؤيته سابقاً" و بالأنجليزية "Already seen"

2-

Deja senti و تعنى "تم الشعور به سابقاً" أو "Already felt"

3-
Deja visite و تلك أغرب الأنواع و تعنى "تم زيارته سابقاً" أو "Already visited"

و سنقدم توضيحاً سريعاً لكل نوع من الأنواع الثلاثة للـ ديجا فو

Deja vecu

عندما يتحدث أغلبية الناس عن الـ ديجا فو تكون الحقيقة أنهم يعنون بها Deja vecu...
تلك هى أكثر الحالات شيوعاً...فمعظم البشر مروا بها خصوصاً خلال السن ما بين 15 إلى 25 سنة

لأن بهذا السن يكون العقل ما زال قادر على ملاحظة التغييرات البسيطة فى البيئة من حوله...
و عادة يكون الحدث الذى مر بنا حدث غير مهم إطلاقاً...ربما يكون حدث يتكرر يومياً

لكننا نقف عنده بأحد المرات لأنه مختلف تلك المرة...يوجد شعور داخلى أنه يتكرر بصورة كاملة
كما أننا عندما نمر بهذة الحالة نتذكر الحدث جيداً بعد ذلك بالرغم من كونه حادث طبيعى

منذ وقت قريب جداً حدث هذا مع أحد أصدقائى...
قال لى...
عندما كنت أتحدث معك قلت عدة جمل شعرت أنى سمعتها سابقاً...
بنفس الشكل و بنفس التفاصيل لكنى لا أتذكر متى أو أين...لكنى سمعتها سابقاً
و طبعاً كنت واثق من أنى لم أقل تلك الجمل سابقاً...خصوصاً أن معرفتى به لم تتعدى الشهر الواحد بعد
تلك هى الـ Deja vecu...تلك الحالة التى بالتأكيد مر بها أغلبكم

Deja senti

يختلف هذا النوع عن الـ Deja vecu فى أنه حدث عقلى أو فكرى و ليس حدث حقيقى...
كما أنه لا يوجد به جانب "توقع ما سيحدث بعد لحظات" كما أنه نادراً ما يبقى بذاكرتنا بعد ذلك

بهذا النوع لا تكون هناك حولنا أحداث نشعر أنها تتكرر...فقط نفكر ببعض الأفكار أو نحس بشيئ ما
و نشعر أننا فكرنا بتلك الأفكار أو أحسسنا هذا الشيئ سابقاً
فمثلاً تبدأ الحالة بصوت شخص ما حولك أو بجملة قرأتها بكتاب أو حتى بأفكار ما...
و هنا تفكر بشيئ ما حول تلك الجملة أو هذا الصوت أو عن تلك الأفكار...

ثم تشعر أن هذا التفكير حول الجملة أو غيرها قد فكرت به سابقاً...أن تلك الأفكار مرت بعقلك سابقاً
و لكن بعد دقيقة لا تستطيع تذكر السبب الذى بدأت به تلك الأفكار
سجلت الكثير من الحالات المشابهة شعر بها مرضى الصرع بشكل خاص

Deja visite

تلك هى أندر و أقل الأنواع إنتشاراً كما أنه نوع غريب جداً...
بهذا النوع يستطيع المرء معرفة طريقه خلال مدينة يزورها لأول مرة مع معرفته أن هذا مستحيل
فبالرغم من أنه لأول مرة يزور هذة المدينة لكنه يعرفها و يعرف شوارعها و طرقها !!

قدمت العديد من التفسيرات الغير طبيعية لتلك الظاهرة...
و ربطها البعض بظواهر كتناسخ الأرواح "إنتقال الروح بعد موت الجسد لجسد أخر و حياة أخرى"...
و البعض الأخر ربطها بالأحلام أو الخروج من الجسد "ما يطلق عليه عادة الإستبصار و إن كانت تسمية خاطئة"

و من أشهر مثال لتلك الحالة هو ما حدث لـ Nathaniel Hawthorne...
فقط أستطاع أن يحصل على قطعة ورق كانت موجودة بداخل قلعة بأنجلترا...
فبعد هدم القلعة أستطاع أن يجد تلك الورقة التى كتبها ألكسندر بوب قبل 200 عام من هذا الحدث !!

و لكن...ما السبب ؟

فى الحقيقه هناك عدة تفسيرات لتلك الظاهره ولكنى اكتفيت بذكر اكثرها منطقيه

التفسير الاول

يرجع ذلك بانك خلال تواجدك في هذا المكان اوالموقف يترجم الاحداث الى
اشارات في
الاعصاب فترسل الاعصاب هذه الاشارات اللى مركز الذاكره القصيره (short
memory)
ليتم حفظها هناك ولكن هي جزء من الثانيه قد ترسل الاعصاب نفس الاشارات الى
مركز
الذاكره الطويله (long memory) بالخطأ فنشعر بان هذا الموقف قد مرنا بنا
من
قبل……!!!

تفسير اخر

يقول أن سبب هذه المسألة هو عملية نقل المعلومات عبر الشرايين الى المخ …
فحين تتعامل مع موقف ما يتم نقل المعلومات الى صدغي المخ الايمن والايسر ,

ويحدث أحيانا ان تصل المعلومة الى الصدغ الايمن قبل الايسر فتكون حاضر بالنسبة
لهذا الجزء من المخ (قد وقع ) بينما يجدها الجزء الاخر من المخ غيبا (لم يقع بعد ) ……
ولهذا تكون انت في حالة إرتباك حينها متصورا أن هذا المشهد قد عشته من قبل …..

تفسير اخر

تفسير يقول : هي أن مخ الانسان ينقسم الى قسمين ونرى كثيرا أن شخص ما يصاب في حادث بإصابه في الجزء الايمن للدماغ وتسبب له هذه الاصابه الشلل النصفي للجانب الايسر للجسم والعكس اذا اصيب الجزء الايسر من المخ تسبب الشلل للجزء الايمن من الجسم .

الادراك الانسان بطبعه يدرك الاماكن أو الاشياء بكل الجزئين تعمل مع بعضها …
إذا حدث ان اشتغل أحد الاجزاء قبل الاخر . يرى المكان أو الموقف لكن لايكون ملم بكل صفاته
يعمل الجزء الاخر فتكتمل عنده الصوره ويرى الجزء لاول الخصائص التي لم يرها بمفرده ويكون

الجزئين في سباق ليتم دمج العمل مع بعضهم البعض فيرى الجزء الثاني ان هذا المكان قد سبق ان شاهده وهذا صحيح انه شاهده بواسطة القسم الاول وكل هذا العمل في أجزاء بسيطه من الثانيه

سبحان الله

أتمنى أن أكون قد وفقت فى نقل الموضوع اليكم

تقبلوا خالص تحياتى

**bondok** · 21-10-2010, 02:46 PM

دي حاجه بتغيظني اوى،،
وبتحصل معايا كتير،،
وبكون متنرفز اما حد يقولي عقلك الباطن،،

تسلم يا وليد .. عرفنا كل حاجه كده،،

**El-ToRkY** · 22-10-2010, 07:30 AM

ياراجل دى البتاعة دى
ليها حوارات معايا كتير
احيانا كنت بحس انى اهبل
بس مش كنت برضى اقول لحد
محدش يعرفها كتير اصلا
فمكنش حد هيفيدنى
بالعكس كانو هيتريقو عليا

بس هى فعلا ظاهرة غريبة جدا
الواحد بيحس انه عنده انفصام ف الشخصية
او بنتحول واحنا نايمين بقى وكده هههههههه

تسلم ياباشا ع المعلومات
خالص تحيااااااااااتى

**حنين حنونه** · 22-10-2010, 09:20 AM

ايون والله صح
بتحصل معيه كثير
وقته بكون مصدومه هو انا نايمه ولا ده حقيقه
بس عرفه الحدث ده وعرفه ايه ال هيحصل كله
الحمد الله مش انا بس ناااااس كثير كده
كنت بخاف اقول لحد ليقول البنات دى مجنونه

تحياتى ع معلومات الرئعه دى

**BECKHAM** · 23-10-2010, 03:45 PM

المشاركة الأصلية كتبت بواسطة miss zinab

موضوع جميل قوي يا وليد

و بتحصل معانا دايما و الله

انا مكنتش اعرف ان دى ظاهرة

و اسمها كدا بس بعد ما قريت الموضوع عرفت طبعا

و عرفنا اهم الملابسات فيها :d

تسلم يا وليد رائع بجد

تسلمى يازوزة ع المرور وفعلا بتحصل كتير بس فى الاول مش بنبقى عارفين ايه اللى بيحصل

المشاركة الأصلية كتبت بواسطة bondok

دي حاجه بتغيظني اوى،،
وبتحصل معايا كتير،،
وبكون متنرفز اما حد يقولي عقلك الباطن،،

تسلم يا وليد .. عرفنا كل حاجه كده،،

تسلم يا حسام على المرور وابقى اضرب اللى يغيظك ولايهمك يامعلم

المشاركة الأصلية كتبت بواسطة el-torky

ياراجل دى البتاعة دى
ليها حوارات معايا كتير
احيانا كنت بحس انى اهبل
بس مش كنت برضى اقول لحد
محدش يعرفها كتير اصلا
فمكنش حد هيفيدنى
بالعكس كانو هيتريقو عليا

بس هى فعلا ظاهرة غريبة جدا
الواحد بيحس انه عنده انفصام ف الشخصية
او بنتحول واحنا نايمين بقى وكده هههههههه

تسلم ياباشا ع المعلومات
خالص تحيااااااااااتى

فعلا يا تركى كلامك صح بس لما الواحد قرى وعرف انه علم وطبيعى حس انه كويس

مش مجانينو , تسلم ع المرور

المشاركة الأصلية كتبت بواسطة حنين حنونه

ايون والله صح
بتحصل معيه كثير
وقته بكون مصدومه هو انا نايمه ولا ده حقيقه
بس عرفه الحدث ده وعرفه ايه ال هيحصل كله
الحمد الله مش انا بس ناااااس كثير كده
كنت بخاف اقول لحد ليقول البنات دى مجنونه

تحياتى ع معلومات الرئعه دى

تمام ياحنين انا برضه لما بيحصلى الموضوع ده ببقى عارف ايه اللى هيحصل وايه اللى هيتقال بالحرف وبحس انى عشت الموقف ده قبل كده

بس فين الله اعلم واوقات كان بيحصل معايا انه ميبقاش موقف واحد لا معظم اليوم وكنت حاسس ان عقلى فيه حاجة غلط هههههههههه

الحمد لله اطمنا على نفسنا ومحدش هيروح المستشفى يالا نامو وعيشو براحتكو

تسلمى ع المرور وميرسى لكل اللى رد واللى شاف الموضوع واتمنى يكون افدتكم بشىء جيد

تحياتى

**Bℓạ๔қ** · 23-10-2010, 07:51 PM

موضوع هايل يا وليد
تسلم ايدك على المعلومات الجميلة والمفيدة دى
انا برضو كنت بحس بيها كتير ودلوقتى عرفت سببها
مشكوووووووووووووووور

**Don't play with me** · 23-10-2010, 08:34 PM

تسلم ايدك ياريس على المعلومه المفيده
دى انا فعلا بتحصلى كتير وكنت بفكر انى خلاص
راحت عليا وبخرف وانا صاحى تسلم
موضوع اكثر من رائع

**noorseen** · 24-10-2010, 04:31 AM

ياة تصدق فعلا بتحصلى كتير جدا وممكن بعد ها بسنة ونص يحصل الموقف اقول انا شوفتة وعرفاة كويس

وماكنش حد يصدقنى
الحمد لله
طلع ليها تفسير
واللى حواليا صدقونى لما طلعت بتتحقق
طلعت عقلة الحمد لله

تسلم يا بيكهااااام
بجد توبيك جمييييييل اوووووووى

**♥ρėŧŧу ςαŧ♥** · 14-05-2011, 11:08 AM

بتحصلى فعلا كتير
جميل
تسلم ايدك يا وليد

الموضوع: لغز ظاهرة الديجافو الغريبه والمحيره

أدوات الموضوع